La Usc di Ladins

Ai 20 de messé 2022 á la Comisciun Europeica aproé le Program FSE+ dla Provinzia Autonoma da Balsan por la spana de tëmp 2021–2027. Cun la vijiun dla aproaziun da pert dla Junta provinziala, garatada ai 5 d’agost, pól sëgn pié ia la fasa operativa. Por la fin de agost él preodü la pröm publicaziun dla bandida por proiec.
Le Fonds Sozial Europeich (ESF) é le stromënt plü important che la UE á por investí tl bëgn de sü zitadins. Ince tla programaziun nöia por i agn 2021–2027 finanziará le FSE provedimënc ti ciamps dla ocupaziun, dla istruziun y dla formaziun y dla intlujiun soziala. L’investimuent complessig dla UE por le FSE te Südtirol é valgamia alt, ala per de 150 miliuns de euro.
Na novité dla programaziun nöia é che le FSE devënta FSE+, cun na atenziun plü avisa söles iniziatives por i jogn y ai provedimënc por l’inovaziun soziala.

Liéde inant deplü tla ediziun nöia da indoman d’La Usc di Ladins!