Öna dles gran desfides nia ma burocratiches por i Comuns, é chëra da realisé i plans de svilup comunal. Öna na pert de chisc plans é ince rapresentada dai plans dla mobilité, olache i comuns é inviá da se fá pinsiers y mëte jö conzec de mobilité por le dagní. Le Comun de Mareo ne fej chiló degüna ezeziun, y s’á porchël afidé ai esperc dla dita kyklos Srl da Balsan por le lauré fora. Por che al garetes n plan cun chël che an pó spo ince lauré y costruí, vál sambëgn debojëgn da capí olache le cialzá druca y chël gareta plü saurí te n sistem partezipatif, olache la jënt pó dí la süa. Chësc á ince fat le Comun de Mareo, che á invié ia amez setëmber deplü iniziatives, injopades ite en gaujiun dla Edema Europeica dla Mobilité, che vëgn recordada dai 16 ai 23 de setëmber.
Por ciafé n cheder ciamó plü tler dla situaziun, á le Comun de Mareo organisé de setëmber deplü spazierades deboriada cun la jënt y dedô n workshop por cöie adöm impulsc.
T’La Usc di Ladins da incö, 4 de novëmber, podëise lí deplü sön l’iniziativa y sön les propostes che jënt á fat. (pablo)
Jënt sön tru por na miú mobilité
Ince Mareo á recordé la Edema Europeica dla Mobilité, cun spazirades fora por i paisc, por odëi ci che büta y ci che an pó mioré
Galaria retrac
View the embedded image gallery online at:
https://www.lausc.it/valedes-ladines/val-badia/21489-jent-soen-tru-por-na-miu-mobilite#sigProIdaf3e759458
https://www.lausc.it/valedes-ladines/val-badia/21489-jent-soen-tru-por-na-miu-mobilite#sigProIdaf3e759458