Na desëna de ministranc

Data

05 de november 2022

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Le grup di "Minis Al Plan" crësc tres deplü: la domënia ai 23 d’otober él gnü tut sö dodesc ministranc nüs
Tla Ploania d’Al Plan é pordërt la terza domënia d’Advënt dagnora chëra dedicada ai ministranc nüs y ai ministranc premiá. Atramënter ésera stada iniann, olache an á messü antizipé la festa por rajuns desvalies. En domënia ai 23 de otober ésera stada tan inant.
Pro la gran mëssa te dlijia án podü tó sö bëgn dodesc ministranc nüs (un n’á baldi nia sciafié da ester). I sorvidusc á fat l’ingres da gran üsc ite cun danfora la bandira di minis, por se mëte spo sö dan alté. "I un la ligrëza che i podun tó sö chësc bel grup de ministranc", á dit siur Klaus tla pordica. Ót cuntra i mituns él spo jü inant: "Cari mituns, cun osta presënza, dijëise de sce al tru che i ëis metü man bele cun le Bato y spo cun la Pröma Santa Comuniun: deboriada cun üsc geniturs ëise dit de sce da orëi jí inant chësc tru cun Gejú." Cun le sorvisc te dlijia, á dit inant le ploan, se fej ince i ministranc testemoni de fede y porta pro al fá comunité – chë comunité che an á albü mancia cis tratan le tëmp dla pandemia. Siur Klaus á rengrazié i mituns da avëi tut sö chësc sorvisc y ince i geniturs che á daidé tó la dezijiun y che sará spo chi che dëida i mituns da se recordé canche al é da jí a sorví.

Che che i minis nüs é y ci ministranc che é gnüs premiá por süa lezitënza, podëise lí t’La Usc di Ladins di 4 de novëmber  (pablo)