Gadersound: i dui dis de musiga reggae, ska y folk toca oramai pro i evënc plü aspetá pro amantes y amanc di festivals. Ince chësc ann él rové adalerch al Gadersound 2022 jones y jogn dl post y da foradecá. Cun le tëmp che á daidé para ái podü se gode le program dl festival, che vëgn da ann a ann amplié. Le team á te süa sentada ince ciaré zoruch ala pröma ediziun sciöche "green event", che á porté tröc cambiamënc tla gestiun dl ciomënt. Tla sentada generala êl spo gnü le momënt da rengrazié ofizialmënter le consëi che á organisé les ativités dl grup "Adüm" ti ultims 4 agn. Lapró toca nia ma la festa de Gadersound, mo ince jites, dis sön i schi, "engele bengele", griliades y d’atres ativités che ciara da porté pro al tigní adöm dla jonëza dl paisc. Al é spo gnü lité le consëi nü 2022–2024, che é metü adöm da diesc jones y jogn.
T’La Usc di 11 de novëmber podëise lí deplü sön la ultima ediziun de Gadersound, sön ci che la merscia "green event" á comporté y sambëgn che che menará le grup "Adüm" por i proscims agn. (Tobia Lezuo, Jan Moling)
Gadersound: le team ciara zoruch... y inant
Ai 29 de otober se á le grup dl team Gadersound incunté por la sentada generala dl grup "Adüm", olache al é gnü analisé l’ultim ann de ativité y lité n consëi nü che jará inant por i proscims dui agn
Galaria retrac
View the embedded image gallery online at:
https://www.lausc.it/valedes-ladines/val-badia/21548-gadersound-le-team-ciara-zoruch-y-inant#sigProId146b76e402
https://www.lausc.it/valedes-ladines/val-badia/21548-gadersound-le-team-ciara-zoruch-y-inant#sigProId146b76e402