La Usc di Ladins

I sun piá ia dales 7 da doman cun la coriera de Claudio y al á ciarié sö 42 pelegrins di trëi paisc dl comun de Badia, por chi che chësc iade ê resservé. Ince siur degan Iaco Willeit á atira dit de sce da gní para. Le pröm salüt é sté dl ciafer Claudio, che á rengrazié dla crëta y aodé n bun iade. Dedô á spo tut la parora le presidënt dl KVW da La Ila Otto Moling, che á en cört splighé le program dl de. Rová sön l’autostrada, á siur degan tut la parora por saludé i pelegrins. Al se á baié de ci ch’al ó dí jí por sanc, jí en pelegrinaje, y se á invié a fá na picera meditaziuns y dí spo deboriada la corona. Cun de bi pinsiers se ál fat ponsé do pro vigni mister dla löm, sciöche ince nosta vita é coliada cun i avenimënc cuntá tla Sacra Scritöra.
Canche i sun rová a San Michele all’Adige, unse tut a man dërta la strada por la Val de Non; passan por Sanzeno dlungia le lech de Santa Giustina sö devers de Fondo, sunse spo rová tl’alta Val de Non cun i paisc de St. Felix y nosta destinaziun dl pelegrinaje Unsere liebe Frau im Walde.

Deplü t’La Usc di 11 de novëmber (H.P. por le KVW da La Ila)