La Usc di Ladins

Canche al vëgn fora le Calënder Ladin, vá l’ann plan plan a piz. An ciara inant al tëmp che pó ciamó gní, a n ann nü – ciamó scrit tles stëres – y an s’aoda un al’atra sanité, ligrëza y ince fortüna.
Le Calënder Ladin 2023 porta indô i sanc, les lönes y i planëc por i 12 mëisc che á da gní. I mëisc, sciöche ince bele le cuertl, vëgn acompagná da reproduziuns de laurs dl artist Helmut Pizzinini. Interessant él da odëi te chësc liber la spligaziun dl inom Roje (n lüch a La Pli de Mareo), studiada do dal dotur Lois Craffonara, la vita sintetisada de Sepl Moling da La Val che vir a Bornech, la storia dla fossenara a Longega (öna dles prömes dla Val Badia), cunties originales y traduziuns de cunties tl ladin, y sciöche al é tradiziun: di cënc de retrac vedli y manco vedli dla jënt y di avenimënc tla Val Badia. Ince indô firmes se presentëia, sciöche sponsors, y ajuntëia la documentaziun gonot cun retrac de sües ativités y frabicac che alda ince pro nüsc tëmps.

Liéde inant deplü tla ediziun de La Usc di Ladins che gnará fora en vëndres ai 18 de novëmber, canche al gnará ince presenté le liber nü dales 18:00 inant tla ostaria Nicl a San Martin de Tor.