Dandaia êl normal te na compagnia, che zacai tolô fora chitara o orghi da man, intonâ na ciantia y düc canc ciantâ impara. Aldedaincö s’ára mudé de chësc vers y sce al n’é nia propi la incuntada de n cor de val’ sort, ne vëgnel nia ma insciö bel cianté. Por renfresché le cianté deboriada, por sintí indô la saú y la melodia dles beles cianties da zacan, unse sëgn na poscibilité implü. Ai pröms d’otober él gnü dé fora na CD nöia dal titul "Le ladin te stöa - ciances ladines da zacan". Protagonisć é Zenzo Obwegs d’Al Plan, süa fomena Silvia Pitscheider, la möta Anita y so compagn Philipp Schörghuber da Niederösterreich. Döt porsones che á la musiga tl sanch y che i un bele sovënz odü sön paladina cun proiec desvalis, tres cun la musiga sciöche costanta o componënta dezisiva. La CD vëgn presentada al publich en vëndres tla ostaria Sotrú a La Pli y en sabeda tla stüa dl Hotel Sole a Al Plan.
Val’ deplü podëise lí t’La Usc di Ladins di 25 de novëmber (pablo)
Cianties ladines da zacan sön la CD "Le ladin te stöa"
Na CD nöia cun diesc cianties fora dla leteratöra musicala y tradizionala ladina. N contribut al mantignimënt de chëstes cianties da zacan, por les porté ite ince tles generaziuns d’aldedaincö
Galaria retrac
View the embedded image gallery online at:
https://www.lausc.it/valedes-ladines/val-badia/21706-cianties-ladines-da-zacan-soen-la-cd-le-ladin-te-stoea#sigProId29acee6ec7
https://www.lausc.it/valedes-ladines/val-badia/21706-cianties-ladines-da-zacan-soen-la-cd-le-ladin-te-stoea#sigProId29acee6ec7