La Usc di Ladins

Ciantan y sonan a lalt de Dî tl cor y tla comunité – insciö él gnü dit – él ciantadus y ciantarines, organist y sonadus che ti vá do a süa vocaziun y che mët sües facoltés y sü talënc a sorvisc dla buna noela. La musiga ti vá a cör ala jënt y la fej plü contënta, ara condüj adöm y dá vita, ara consolëia y incorajëia, scinca speranza, alegrëia y para demez pores y crüzi. La musiga dëida dí y capí ci che parores n’é gonot nia bunes da dé inant da sores. Y sce chi che cianta se tol a cör ince les parores dles cianties, devënta le cianté dla comunité y dl cor lapró na incundaziun sterscia y na testemonianza de fede.
Dala mëssa solëna de Crist Re á le cor cianté cun l’acompagnamënt dl orghe y de n grup de musicontri la "Missa brevis" de Jacob de Haan y les cianties "Freue dich Welt, dein König naht" de G.F. Händel y "Dî, nosc Signur, al plejes nosta ciantia" (Herr, unser Herrscher) dal oratore "Elias" de F. Mendelssohn Bartholdy.

Deplü sön la festa a San Martin y les onoranzes ciafëise t’La Usc di Ladins di 2 de dezëmber.