Cun la gücia tres le Tru di Artisć
La Cooperativa Turistica Alta Badia mët da escurjiuns cun la gücia da La Ila a San Ciascian
Tres le Tru di Artisć, che i coliëia i paisc da San Ciascian y La Ila, vëgnel metü da jí ince tratan chësc invern de beles spazirades cun la gücia y i ciavai da sëra. Le fin de chësta scomenciadia, inviada ia dala Cooperativa Turistica Alta Badia adöm cun les assoziaziuns di ciavai Haflinger y Noricher dla Val Badia, é chël da valorisé chësc Tru y dantadöt les operes di artisć y dles artistes ladines, nia ma d'isté, mo ince tratan la sajun frëida. Sön le Tru, amesa la natöra, pon ti ciaré a scultöres y a istalaziuns, y implü él ince gnü metü fora poesies y döes pices biblioteches alaleria cun libri por ladin, por gragn y pici. Cun la gücia pëion ia da La Ila, jö Altin, dales 20:45 por jí a San Ciascian y gní spo indô zoruch. Le proscim apuntamënt sará ai 26 de jená y al nen sará ince ciamó dui de forá y de merz. (kp)
Galaria retrac
View the embedded image gallery online at:
https://www.lausc.it/valedes-ladines/val-badia/22203-cun-la-guecia-tres-le-tru-di-artisc#sigProId842c214f07
https://www.lausc.it/valedes-ladines/val-badia/22203-cun-la-guecia-tres-le-tru-di-artisc#sigProId842c214f07