Dezëmber dl 2022 é sté n mëis particolar por ci che reverda le clima, cun temperatöres scialdi cialdines, gonot sura la media. Impó él sté deplü dis de frëit y ala fin de novëmber an podü mëte man da fá nëi artifiziala y da daurí insciö feter dötes les pistes dl comprensore Dolomiti Superski bele ai 3 de dezëmber. Incër Nadé y Nanü á les temperatöres metü man da crësce, tan che ares ne jô nia sot le zero, gnanca de nöt. Co á pa chëstes temperatöres influí sön les condiziuns dles pistes propi tl momënt dl plü gran aflus de sciori? Y co gnará pa les sajuns da d'invern y le schi condizioná dal mudamënt dl clima?
I nen n'un baié le vize presidënt dla sozieté Grandi Funivie Alta Badia, Carlo Canins. L'intervista podëise lí tla ediziun stampada da incö, vëndres ai 13 de jená. (kp)
"Le cialt ne á nia fat de gran danns"
Les temperatöres cialdines da Nadé y Nanü ne á nia gaujé de gran danns ales pistes dai schi te nosc raiun y sëgn, cun le blauch tomé dal cil y la poscibilité da fá indô nëi artifiziala, eres indô te na condiziun otimala. Intervista a Carlo Canins, vize presidënt dla sozieté Grandi Funivie Alta Badia
Galaria retrac
View the embedded image gallery online at:
https://www.lausc.it/valedes-ladines/val-badia/22204-le-cialt-ne-a-nia-fat-de-gran-danns#sigProIdab06241f04
https://www.lausc.it/valedes-ladines/val-badia/22204-le-cialt-ne-a-nia-fat-de-gran-danns#sigProIdab06241f04