La Usc di Ladins

Le gran stöp salté sö l’ann passé d’isté – ince al intern dla SVP – por n microraiun dl frabiché alisiré a La Val, â metü le presidënt de partí Achammer tan sot presciun, che al menâ inant y arjunjô la sospenjiun dl aconsiadú provinzial y assessur regional ladin Manfred Vallazza da dötes les funziuns de partí: presidënt dla SVP a livel de paisc y comun da La Val, surastant dla SVP dla Val Badia y mëmber dla direziun dla SVP de Puster y a Balsan. Insëra á Manfred Vallazza indô ciafé derevers dötes les inciaries dala direziun dl partí.
En chësc altonn saral lites provinziales y regionales, y Manfred Vallazza é indô en pole-position por na candidatöra menada inant dala categoria di paurs de Puster.