La Usc di Ladins

Por tröc raiuns dai schi á chësc invern porté n gröm de dificoltés. Al basta ponsé che valgügn n’á gnanca sciafié da daurí y d’atri pîta na contrada bindebó da incrësce. Tles Dolomites nes éra indô jüda bun. Zacotan de dis de frëit á conzedü da arjigné ca les pistes y insciö á ince i implanc portamunt daurí por tëmp, cun le resultat che le turism ciara zoruch cun gran sodesfaziun ales edemes da Nadé y Nanü. Chësc pón ince dí a Antermëia, olache le schilift de paisc é gnü daurí püc dis dan Nadé, sciöche al ê preodü. I ghesć tles strotöres y n gröm de mitans y mituns dl post pó insciö ince iniann passé les vacanzes sön pista. Chi che é ausá da odëi le viavai ti zëntri de Plan de Corones o dl’Alta Badia cun la roda dl Sela, pó ma se fá morvëia canche ai röia tl pice paisc sot Pütia. En domënia sunsi jü sö cun mi mënder, che orô n iade jí cun n "gancio".

T’La Usc di Ladins di 20 de jená ciafëise na impresciun dër personala de chësta picia belijia, che é na strotöra turistica y zënzater ince soziala.   (pablo)