La restrotoraziun dla raiun "Plans" sará le maiú laur che le Comun da La Val á söl program ti proscims agn. Sciöche an sá, él bele dan da n valgügn agn gnü tut la dezijun da trá jö le fabricat esistënt, che á problems de statica y de umidité, y fá sö na strotöra nöia che tolará ite, dlungia i locai en funziun dla plaza dal palé, ince ciamó d’atri locai y sorvisc. Le Consëi de comun á tla ultima sentada dl ann aprové le proiet preliminar de chësc gran laur, olache al é preodü cosć de chi 6 miliuns de euro. N gran sforz por na gran opera. Tla medema sentada él ciamó gnü tut d’atres dezijiuns importantes, danter l’aprovaziun o mudaziun de regolamënc de comun, o dezijiuns urbanistiches.
Deplü podëise lí t’La Usc di Ladins di 20 de jená, olache i ves mostrun ince co che le frabicat tl raiun "Plans" dess gní a ciaré fora.
La Val: adincuntra al proiet "Plans"
Le Consëi dl Comun da La Val á aprové ciamó dan Nadé le proiet preliminar por le gran laur pro le raiun dal sport "Plans". Döt adöm vëgnel investí chi 6 miliuns de euro
Galaria retrac
View the embedded image gallery online at:
https://www.lausc.it/valedes-ladines/val-badia/22274-la-val-adincuntra-al-proiet-plans#sigProIdc16a792581
https://www.lausc.it/valedes-ladines/val-badia/22274-la-val-adincuntra-al-proiet-plans#sigProIdc16a792581