La Usc di Ladins

Chëra di Trëi Rêsc é öna dles majeres aziuns de solidarieté a livel diozejan y zënzater ince a livel de valada. Ince tles ploanies dla Val Badia él n gröm de mitans y mituns che s’á metü sön tru por jí fora por les ciases a condüje la buna noela de Nadé y a porté la benedisciun. Ince a Lungiarü él por le pröm iade jü mitans y mituns – denant êl ciamó i gragn rêsc. A vigni moda: na aziun che impegnëia n gröm de porsones, danter rêsc, acompagnadësses y acompagnadus, chi che arjigna ca guanc y sac dl incënsc, chi che vist y resc y fistidiëia da i depënje sö. Ti ultims dui agn n’él nia sté meso da jí fora por les ciases, por via dles restriziuns Covid. Iniann ésera indô jüda da la tigní normal. Y insciö é ince les spënores rovades indô ai liví dan le Covid. Dl 2020 êl gnü abiné feter 74 mile euro. Iniann án despassé ia la soma, cun spënores de 79.400,00€.

Deplü podëise lí t’La Usc di Ladins di 28 de jená, olache i ciafëis na tabela cun les spënores te vigni ploania.  (pablo)