Test tl parch vá a finí mal
Auto te let dl rü ite por la Val de Mareo, tratan che al gnô porvé fora n gran SUV. Por fortüna degügn feris
En domënia sëra é i Stödafüs d’Al Plan gnüs cherdá por n intervënt ite por la Val de Mareo. Tla localité Tamersc êl n gran SUV arsí sön tët te let dl rü. Sciöche al pe, êl al volann na ëra che porvâ fora n auto sön strada. Omi di stödafüs d’Al Plan é rová söl post y n pez dedô ince i colegs da Corvara cun so auto dala gru, cun chël che le meso é indô gnü alzé fora. Le dann al auto é sambëgn sté dër gran. Les condiziuns da fá test n’ê nia les mius: la strada ê lizia y curida da nëi. Lapró gnô la proa fata te n parch natural. La buna noela te döt chësc: les porsones che ê t’auto ne s’á por fortüna fat nia. (pablo)
Galaria retrac
- Stödafüch alza sö l’auto cun la gru da Corvara. (© Stödafüs Al Plan)
- L’auto arsí sön tët te let dl rü, tai Tamersc daite d’Al Plan (© Stödafüs Al Plan)
View the embedded image gallery online at:
https://www.lausc.it/valedes-ladines/val-badia/22357-test-tl-parch-va-a-fini-mal#sigProId894a2c8291
https://www.lausc.it/valedes-ladines/val-badia/22357-test-tl-parch-va-a-fini-mal#sigProId894a2c8291