La Usc di Ladins

A La Val ésson sigü ion aspeté al 2025 por jí indô a lité l’Ombolt y le Consëi de Comun. Indere ésera jüda atramënter, por les rajuns che i conesciun. Sciöche i un scrit tla ultima ediziun, gnarára da lité la domënia ai 10 de novëmber. Chë data n’é nia plü tan dalunc, porchël mëss ince i pre­ paratifs jí dolarata snel. An vëiga che i pröms candidac ala inciaria da ombolt se lascia bele adintëne. Cina ciamó él trëi porsones che á dit publicamënter da candidé: ara se trata dl assessur atual Felix Dapoz – che á surantut les ajëndes da pröm zitadin do la mort de Angel Miribung, l’ater assessur Felix Nagler, y da püc dis incá ince Magdalena Miribung, la möta de Angel. Y ci fej pa Manfred Vallazza?

Nos un baié cun i trëi candidac y ince cun l’ex assessur provinzial. Ci che ai nes á dit, podëise lí t’La Usc di Ladins di 16 de agost.  (pablo)