La Usc di Ladins

Advënt é… ester bogn da trasmëte ligrëza, pesc y le sté adöm cun cianties y melodies. Ai 30 de novëmber dales 6 da doman á podü le cor di jogn "Kyrios" adöm al cor dles ëres "Kerygma", i Turmbläser de Badia, Ermes Costa da Calfosch y le grup de archëc "Frisch g’strichn" pié ia cuntra Andechs dlungia Minca, por porté dant melodies y cianties d’Advënt. Tröp tëmp danfora s’á i grups arjigné ca cun ligrëza por chësc gran evënt.
I sun rová incër les 11 danmisdé a Andechs, olache i un podü jí a vijité la biraria che é situada sön le "crëp sant" dl convënt dl ciastel de Andechs. Al é sté por düc n’esperiënza dër interessanta da podëi odëi olache la bira vëgn fata y ci gran laur che al é doia.
Do na bona marëna sunse jüs te hotel a se vistí le guant por le conzert y i s’un abiné tl "Florian Stadl" por fá na proa düc adöm. Dales 17:30 á spo metü man le conzert te na sort de majun dër bun arjignada ca y abelida cun decoraziuns d’Advënt.

Deplü nes cunta Michaela Vittur t’La Usc di Ladins di 13 de dezëmber