Al nasc le AVS seziun Ladinia

Data

07 de jugn 2016

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Le Alpenverein Südtirol á cun le 1. de jügn 2016 ciafé ofizialmënter na seziun ”Ladinia”, che ragrupëia les trëi lies dla Val Badia y chëra da Fodom/Col. Les fotos
”Sëise a öna da ves destaché dala seziun da Bornech y mëte sö le AVS Ladinia, seziun ladina che tol ite Mareo, La Val, San Martin y Fodom/Col?” Chësta é la domanda che i é gnüda fata ai mëmbri dl AVS en jöbia al 1. de jügn pro na sentada straordinara dles lies da munt, tignida a San Martin de Tor. Le salf intier á alzé la man, zënza astenjiuns, zënza usc decuntra. Insciö êl ofizial: le AVS - Alpenverein Südtirol, á sëgn indô na seziun ”Ladinia”, rodunt 130 agn do che na medema seziun ê gnüda metüda sö dal Deutsch - und Österreichischer Alpenverein l’ann 1886, por man de Jan Batista Alton da Calfosch. Chësta sëra él ince garaté na secunda novité: la nasciüda ofiziala dla seziun AVS da San Martin de Tor.
Dötes les lies suradites ê cina ciamó sot ala seziun da Bornech. Cun chësta seziun nöia ará le AVS Ladinia plü autonomia tles dezijiuns, le dërt de rapresentanza tl diretif da Balsan, na miú colaboraziun cun la Lia da Munt Ladinia - Val Badia y nia inultima na legitimaziun storica. Gran mirit sce chësc vare é garaté, á le presidënt dl AVS Mareo Paul Erlacher, che á deboriada cun d’atri sburlé por che i ladins se metess sön sü pîsc. Insciö án ince cherié n coliamënt interladin danter Badia y Fodom. Martin Krautgasser dla seziun da Bornech: ”Al é dërt che i ladins s’organisëies instësc”.

Deplü ciafëise t’La Usc di Ladins di 10 de jügn 2016  (pablo)