La Crusc Blancia Alta Badia se presentëia

Data

10 de jené 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
I imparun da conësce plü da daimpró le vignidé dla lia de socurs. La seziun Alta Badia á incö daimpró da 80 volontars y 6 colaboradus. Ara n’é nia plü da ponsé demez.
An é mefodër rová da porta ite, che le radiofon sona. N valgönes cörtes informaziuns da pert dla zentrala, atira a se mudé y spo pié ia cun löms börnes y sirena. An ne sá nia avisa a ci che an ti vá adincuntra. An sint l’adrenalina tl sanch y s’arjigna ca al scenar che s’aspeta. 
Insciö mët gonot man le de o la nöt por i volontars y dependënc dla Crusc Blancia Alta Badia. 24 ores al de, 365 dis al ann - le sorvisc de pröm aiüt é tres curí, tres a desposiziun dla popolaziun tl caje de emergënzes.

T’La Usc di Ladins di 11 de jená ciafarëise n articul de Anna Deiaco, olache al é deplü sön la Crusc Blancia Alta Badia y ince valgügn fostüs de storia. Lapró podarëise lí na intervista cun le caposeziun Marcus Alton, che respogn insciö ala domanda: Ci ól pa dí ester volontar pro la Crusc Blancia?
”Ester pro chësta uniun é da öna na pert n gran impëgn, deache an fej tröp sorvisc por la jënt. Por curí 24 ores sön 24, 365 dis al ann, fej n volontar na media de döes nöts y öna na domënia de sorvisc al mëis. Dal’atra pert él sambëgn ince dër interessant y al é na gran sodesfaziun, deache an impara tröp dl pröm aiüt y an fej na gran esperiënza cun i paziënc che á de vigni sort de patologies.”