Trëi Rêsc: na gran spënora tla Val Badia

Data

17 de jené 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Tröpa jënt de buna man tla Val Badia. Tles 12 ploanies á i grups di Trëi Rêsc podü abiné adöm spënores por passa 70 mile euro.
L’aziun di Trëi Rêsc é ince por iniann jüda a piz y les ploanies á ince plü o manco dötes lascé alsavëi sön plata dla cöra tan de spënores che al é gnü ite. Tla Val Badia é le bilanz ma positif. Tles 12 ploanies, da La Pli cina Calfosch, él rové adöm la bela spënora de 72.095,54€, che é n pü’ demanco, mo apresciapüch tla mosöra dl ann passé. La jënt dla valada á insciö indô desmostré mania leria y da aprijé cotan chësta aziun, che vëgn metüda da jí a livel diozejan dala Schira Jonila dl Südtirol. Sce an tëgn cunt che l’ann passé él gnü ite te döta la diozeja bëgn 1.582.335,86€, pón araté che la Val Badia contribuësc de chësc vers cun passa le 4 porcënt. Cun chisc scioldi vëgnel sostigní chi 100 proiec de solidarieté. Al zënter dl’aziun da iniann êl le sostëgn a dui istituc de formaziun y n ospedal por mituns tl raiun de Betlehem. Vigni ann él plü o manco 5.000 rêsc che roda fora por les ciases. A chisc s’injunta ciamó cotan d’atres mans che dëida, danter chi che coordinëia, acompagnëia, arjigna i guanc y dëida vistí sö. Le giulan i vá porchël a düc chi che á porté pro al garaté dl’aziun.

T’La Usc di Ladins di 18 de jená ciafarëise na tabela cun les spënores te vigni ploania, sciöche ince n confrunt cun l’ann passé.  (pablo)