Le ”snowfestival” ai americans

Data

17 de jené 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
La 29ejima ediziun dl festival dles scoltöres tla nëi a Al Plan de Mareo é gnüda davagnada dala scuadra di USA.
L’America n’á cun la Shiffrin nia ma davagné la gara de Copa dl Monn söla ”Ërta”, mo s’á iniann ince assiguré la devënta pro le festival dles scoltöres tla nëi, metüda da jí dal’Assoziaziun Turistica Al Plan/San Martin, deboriada cun i colegs da Sanciana, olache al é sté chësc mercui sëra la premiaziun. Les scoltöres abelësc dötaorela la strada prinzipala d’Al Plan y sce an ascutâ n pü’ les usc de chi che ciarâ pro, êl plü o manco tler ci scoltöra che ti l’ess fata. I americans Michael Yee, Peter Lucchetti y Kenneth Graham á ziplé na maestria de n berba senté sön n crëp dan süa ciasina y le cian dlungia. Chësc förtl é gnü premié cun 194 usc dal publich y insciö le pröm pest. Secuna é gnüda la scuadra Talia II cun süa sorücia y ciajó (106 usc) y le terzo post i é jü a döes scuadres cun 88 usc: l’Inghiltera cun le monn tigní tla man y la Germania cun süa pantera. Ala pert êl ince döes scuadres de Südtirol cun studënc dla Cademia da Urtijëi y dla Scora de Lauraziun dla pera da Laas, spo scuadres dla Serbia, Georgia/Turchia y ciamó öna dla Talia.

Deplü t’La Usc di 25 de jená 2019  (pablo)