"I sun rová söinsom!"

Data

09 de fauré 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
L’Ombolt Iaco Frenademetz arata che le numer de lec por sciori te so comun (paisc da San Ciascian, La Ila y Badia) sides arjunt: "Ciamó plü lec mët en dificolté döta la infrastrotöra y comporta desfides nia saurides por düc ala fin!" Ala domanda, sce al se candidëia ciamó da ombolt te n ann (canche al ará fat i 11 agn da capocomun indöt), dijel che al ti sá bel da le fá, y che al é a desposiziun, sce la jënt ti dá la crëta
L’Ombolt de Badia Iaco Frenademetz nes cunta che al é feter vigni de te Ciasa de Comun a Pedraces, al dij: "Oramai sunse sciöche na familia, olache vignun conësc l’ater y laora deboriada por l’efiziënza di sorvisc a bëgn dla comunité", savon che aministraziun de comun ó dí ince messëi datrai dí de no. Iaco Frenademetz nes dij, de chësc vers, che ti ultims agn él sté chi cinch-sis hoteliers che á damané da podëi ingrandí l’eserzize, mo le Comun á dit de no: "Ajache i sun rová söinsom, i ne podun nia plü jí inant sciöche i ún fat ti ultims 40 agn. Al é burt da messëi dí de no, mo iö personalmënter arati che i sunsi a post cun mia cosciënza. Adorun coraje de mudé direziun! N svilup y potenziamënt tl dagní oress dí mëte al prigo döta la infrastrotöra che i ún: strades y la mobilité, condütes dal’ega da bëre y desgorta dles eghes pazes, natöra y contrada."

Söl "jí inant cun vare plü pëigher" a Badia, de operes publiches y infrastrotöres, dl gran proiet dl comples scolastich a La Ila, pón lí do tla ediziun de La Usc atuala stampada!  (Iaco Rigo)