五矿·哈施塔特 y Hallstatt

Data

12 de fauré 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Nia da crëie: la Cina fej do paisc y cités dal monn, cun l’efet che le "fake" podess deventé indoman plü conesciü co so original, n ejëmpl: sce an chir sëgn sön google do "Hallstatt" röion pro Hallstatt tl Süd dla Cina
I jun derevers al ann 2012: laota gnôl inaudé tla periferia dla cité de Luoyangzhen tl distret de Buolo tla provinzia de Guangdong (Süd dla Cina) n zënter da abité fat do architetonicamënter daldöt a Hallsatt tl Salzkammergut (Austria). Comitënta dla idea y di laurs é stada la sozieté statala China Minmetals spezialisada sön l’escavaziun y elauraziun de minerai.

Hallstatt, dit miú cun l’inom cineje 五矿·哈施塔特, pó gní arjunt te döes ores de auto da Hongkong. Al é na duplicaziun rodosa dl paisc original che stá a na destanza de 8881 km te Europa.

Hallstatt é ma un di ejëmpli dla "reproduziun architetonica" tla Cina. Bele Paris, Aunejia, Hannover y deplü sic tipics americans é gnüs fac do sön terac cinesc. N de podess le fake deventé plü conesciü y interessant co so original ia dal’atra pert dl monn, la Cina é dagnora ciamó bona da "striné".  (Iaco Rigo)