Franz Rigo: le secretér é jü en pensiun

Data

12 de fauré 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
”Lascé n laur é öna na cossa, lascé zoruch porsones val’ d’ater!” Ensciö dij Franz Rigo da Matlogn/La Pli, co é sté por 42 agn y 10 mënsc secretér empröma dla scora mesana y spo dla direziun raionala d’Al Plan.
Canche iu jea a scora, spo êl enló, canche mi mituns é piês ia a scora, êl ince enló, y cina ala fin dal ann passé, él dagnora sté enló. Con eniann é jü en ponsiun - do feter 43 agn de sorvisc - Franz Rigo d’La Pli, pröm secretér dla scora mesana d’Al Plan. Con chël humor co le caraterisëia,  s’ál cunté co che ara é stada enlaôta da pié ia, da laoré sot a 7 direturies y direturs, da mëter man con le computer o da stumblé con la famoja burocrazia. Y cösc zonza desmoncé la richëza dai bogn raporc.

La Usc: Franz, co é pa stades cöstes prömes edemes che t’es en pensiun?
Franz Rigo: I ne sun pa ia ciamó roé do daldöt ch’i sun en pensiun, ince sce i á belo passé l‘ejam por gní tut sö pai VIP. Porchël é cöstes prömes edemes stades n pü’ desco canche i ea en vacanza. Al mo sá che cösc pröm tomp da secretér en pensiun sii passé plü debota co n mëns da secretér en sorvisc. Dertan cösc pröm mëns ái albü plü ocajiuns por mo encunté ciamó con les porsones co m’á acompagné düc chisc agn - diretur, coleghes, insegnanc, … Cösc é por me dër emportant y porchël mo encuntarái sën ince ciamó con chëres y chi che i n’á nia ciamó salüdé personalmonter. I pó ma dí che i á fat cösta esperionza: dé sö le laur é öna na cossa mo lascé zoruch porsones é ciamó val’ d’ater.

Döta la intervista ciafëise t’La Usc di Ladins dai 15 de forá.  (Intervista: Pablo Palfrader)