"La Mandragola" de Machiavelli

Data

18 de fauré 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Les Scores Altes a La Ila se dá jö da mëisc cun un di proiec teatrai plü conesciüs tla leteratöra taliana
Sciöche al é oramai tradiziun, vëgnel ince tratan chësc ann metü a jí tles Scores Altes da La Ila n proiet teatral. En chësc ann él cinamai dui proiec che é tl laur da gní realisá, un tl biennium (che sará da odëi da d’aisciöda), y un tl triennium.

Les studëntes y i studënc dla IV Lizeum Linguistich y Lizeum dles Sciënzes Umanes á bele de setëmber metü man da arjigné ca na rapresentaziun teatrala particolara. Cun l’assistënza dl professur de Talian, Carlo Suani, y dla professuria de Franzeje, Magdalena Lerchegger, él gnü chirí fora na bela comedia scrita incër le 1515 dal autur talian conesciü Niccoló Macchiavelli. „La Mandragola“ é n toch de teater intravaié, lunch y valgamia ri da capí - ince por gauja dl lingaz talian da inlaota, che á messü gní te tröpes passajes scemplifiché.

Te chësta opera vëgnel cunté la storia de n jonn che á inom Callimaco. Al s’inamorëia de na ëra beliscima, mo bele maridada: Lucrezia. Chësta é contënta de so matrimone, mo ara ess ion n möt. Insciö ti damana le jonn aiüt a n intrigant, y deboriada se pënsi fora n gröm de ingianades. Ai ti cunta dant a Nicia, l’om de Lucrezia, che sce süa fomena boiess na boanda magica (avisa la "mandragola") denant co jí te let cun zacai, spo deventassera atira grossa. Mo chësc ël moriss tosc dedô, y degügn ne foss bun da le salvé. Insciö esi a öna da anuzé fora n petler a cajo por chësta funziun...

Deplü tla ediziun stampada atuala de La Usc!