Rap é parores che sprinza energia

Data

20 de fauré 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Daniel Zardini d’Al Plan de Mareo é tres plü gonot da aldí publicamënter. Dan otedé ál presenté söa demo nöia a Al Plan
Cun Daniel Zardini unse orü s’la cunté do le conzert a Al Plan. Al é n jonn che á val’ da dí, che á debojëgn y vëia da se lascé aldí. Al stá cun i pisc ia por tera canche al baia dla cualité de söes prömes cin’ cianties che al á ciarié sön la plataforma internet SoundCloud.

Daniel Zardini, alias E.T. che stá por Ethnic Techniques, töa pröma CD demo é sön SoundCloud da zirca dui mëisc. Ci reaziuns aste pa incunté cina sëgn?
"Poa, al é vëi, mia demo é sön SoundCloud y i mëssi dí che i ne m’aspetâ nia tan de jënt che l’ascutass."

Ara tol ite cin’ toc de töa musiga y poesia ritmica, por la maiú pert tl ladin. Tan garatada la vëigheste pa tö, chësta CD?
La demo é dër garatada, ince sce al é ciamó tröp da mioré. Ara é daldöt por ladin.

Rap é n bun ritm tl sonn y tl test, tan rî él pa por te da improvisé o apassené parores ite tla musiga?
"Por me é improvisé o apassené les parores te n ritm dër saurí, y al me vëgn naturalmënter."

Can á pa metü man por te le rap tla vita?
"Mah, al n’é nia sté n momënt dër avisa, metü man ára bele da canche i ê pice y ascutâ rap. Spo zacó ái metü da pert le rap por ascuté d’atres sorts de musiga desco metal o musica d’autur... ti ultimi trëi agn él sté porsones chi incuntâ sön mio tru che m’á indô porté al rap."

Deplü de interessant podëise lí do tla ediziun stampada de La Usc di Ladins dodoman!