Jí a lauré te botëga o te ofize

Data

21 de merz 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
La Lia dl setur dles botëghes y di sorvisc (tod: Hds) é ruvá tla scora mesana a San Martin de Tor por informé sön 19 mistiers.
Revaluté i mistiers che á da fá cun les botëghes y döt le setur terziar - chësc é le fin dla campagna de informaziun che dess motivé scolares y scolars da imparé n mistier interessant. 19 é indöt i mistiers liá ala promoziun.

Ala pert dla campagna é ince firmes y aziëndes che deura söes portes por ti mostré ai scolars les ativités desvalies. Ince jogn instësc cunta dles esperiënzes che ai pó fá söl laur che ai s’á chirí fora dan püc agn.

Trentessis scolars dla 3a classa cun sü maestri ti á a San Martin de Tor dé le bëgnodü ala responsabla di proiec dla jonëza tl Hds Sarah Seebacher. I mituns á podü mostré entusiasm dantadöt por la plata informativa online myway.bz.it Te chësc portal vëgnel presenté i profii profescionai, y ince proponü na analisa di talënc che ún á por afronté la formaziun y dedô la profesciun. Ince films cörc mostra les carateristiches di singui misiers. L’orientamënt tl ciamp dla formaziun spezifica y dedô tla profesciun é important por che i mituns vais le dër tru, n tru che dess porté n de ligrëza y sodesfaziun, a ëi instësc y a so monn incëria.

 (Iaco Rigo)