La stëra dl HGV a Norbert Niederkofler

Data

16 de auril 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
La Uniun di Ostis dl Südtirol ti á surandé la onoranza al chef cun trëi stëres Michelin.
Norbert Niederkofler é oramai conesciü lunc y lerch tl monn dla gastronomia. Le cogo chef dl restorant St. Hubertus tl Hotel Rosa Alpina a San Ciascian á sön so cunt bëgn trëi stëres Michelin. Sëgn nen vëgnel pormez na cuarta, mo ara se trata dla stëra dl HGV. Le reconescimënt i é gnü surandé en gaujiun dl HGV Forum2019, por sü miric incër la gastronomia y le turism tl Südtirol.
Niederkofler vëgn da Ahrntal y cujina dal 1994 incá tl Rosa Alpina a San Ciascian. Dl 1996 él gnü daurí iló le restorant St. Hubertus, pro chël che Niederkofler é rové ales stëres Michelin: dl 2001 la pröma, dl 2006 la secunda y dl 2017 la terza.
”Cun la surandada dla terza stëra Michelin y la conferma tl 2018 á Norbert Niederkofler arjunt n resultat ezezional. Chësc ince deache i ejaminadus de Michelin á valorisé süa filosofia de ’Cook de Mountains’ y insciö por le pröm iade na filosofia de ciasadafüch che ciara ala regionalité di produc”, á dit la presidënt dla Uniun di Ostis Manfred Pinzger te süa laudatio. Inant s’ál mostré capaze de Niederkofler, che ”á scrit y scriará inant storia dla gastronomia”. Pinzger á ince rengrazié la familia Pizzinini, che manajëia cun Niederkofler un di restoranc che alda pro i 128 mius dl monn y 10 mius dla Talia.  (Pablo)