Lauré cun i migranc

Data

17 de auril 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Lisa Conrater da Picolin fej sorvisc zivil pro la Young Caritas. Da otober incá ésera tl Josefsheim a Bornech, olache al vëgn ospité daimpró a 40 migranc. Ara nes á cunté de so laur
Ti ultims agn en particolar, é ince la Uniun Europeica gnüda confrontada cun milesc de migranc che sciampâ da sües teres por rové chiló da nos. Tröc é arsis tla Talia y insciö ince te Südtirol, olache al é sté strotöres y ince comuns che n’á tut sö da de pici cina a de maius grups. Öna é le Josefsheim da Bornech, manajé dala Caritas, olache al é lerch por 42 porsones. Al momënt n’él 37, che á scialdi düc ciafé n laur y é ince stá bugn - che plü che manco - da se integré tla vita da vignidé. Tl Josefsheim a Bornech dëida ince la jona Lisa Conrater da Picolin. L’ann passé d’otober ára metü man cun l’ann de sorvisc zivil pro la Young Caritas. Nos un orü ti damané deplü sön co che ara é rovada tl Josefsheim, ci che ara nen dij de so sorvisc y ince dla vita cun i migranc.

Chëstes n valgönes domandes ch’i ti un fat: 

T’es tl Josefsheim da Bornech y laores por y cun i migranc. Savôste pa bele danfora che te foss rovada a lauré te chësc ciamp? Y ciodi aste pa chirí fora chësc ciamp?
Bele da picera insö me ái tres imaginé da jí n de tl’Africa a daidé, fajon val’ sort de volontariat. Lauré cun migranc á tres descedé mia coriosité. I á podü me chirí fora le ciamp y le post y dal momënt ch’al ê la poscibilité da lauré a Bornech ái fat domanda. 

Tl istitut lafora él 37 migranc, döt ëi. Co vireste pa l’atmosfera te chësta ciasa? 
Al momënt n’él 37. mo tl’istitut él lerch indöt por 42 ëi. Scialdi düc é dër valënc y porta respet. Gonot me dál imënt che nos dl ofize gnun odüs n pü’ sciöche süa ”secunda familia”, ai passa da nos por se saludé, por fá damat, por se fá na ciacolada, mo ince por se lascé fora y baudié. Chësc me sá dër bel, deache insciö instaurëion n bel raport personal. Bel me sál ince che migranc che é stá y che n’é nia plü ospitá lafora, vëgn tres indô a se ciafé o a damané val’ consëi. 

Co sinteste pa la reaziun dles porsones, canche te rodes magari cun migranc fora por ofizi o te cité?
Ince sce ai é acompagná ne passa i migranc nia inosservá y gonot vëgni fissá. I m’á intenü che sce ai conësc porsones dl post che ti baia ados o i salüda, ái dër ion, deache spo se sënti plü integrá.

Döta la intervista ciafëise t’La Usc di Ladins di 19 de aurí.  (Intervista: Pablo Palfrader)