I laurs á metü man

Data

23 de auril 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
L’entrada nöia tla Val Badia al’altëza de Ciastelbadia sará arjignada te dui agn y mez
Tl’edema de Pasca él gnü dé le start ofizial ai laurs por la costruziun dla entrada nöia tla Val Badia sön la strada de Puster dlungia Ciastel Badia.

Alisiré le trafich che vëgn dala Val Badia fora San Laurënz, amplié la segurëza stradala y aumenté la cualité de vita dla popolaziun che vir a Flaurënz y San Laurënz – chisc é i obietifs prinzipai dla entrada stradala nöia por la Val Badia. En jöbia ai 18 de aurí él gnü surandé ofizialmënter i laurs al’assoziaziun de impreses cun a ce la Strabag Ag. da pert dl assessur por la viabilité Daniel Alfreider y dal diretur dla Repartiziun Infrastrotöres Valentino Pagani. “Sëgn pó i laurs mëter man por n’opera che dess alisiré le trafich sides d’entrada mo ince de sortida dla Val Badia y ne ester nia plü gaujia de codes sön la strada dla Val de Puster y a San Laurënz”, á dit l’assessur Alfreider. N gran mirit por che an sides rová ala costruziun é ince dl assessur da denant Florian Mussner, che se á tres dé da fá por la realisaziun de chësta opera, insciö Alfreider. La sozieté de impreses cun a ce la Strabag AG tol ite ince l’Alpenbau S.r.l, Moser & CO. S.r.l. y Geobau S.r.l. I laurs dess rové por da d’altonn dl 2021.

Le proiet “Entrada nöia dla Val Badia cun tunel a Pflaurenz” tol ite la sistemaziun dla trassa dla stada statala de Puster (S.S. 49), dala ota dl Kniepass cina al tunel de Ciastel Badia y la realisaziun de na strada de coliamënt tla Val Badia. La carateristica plü importanta dl azes nü ala Val Badia é le grop stradal zënza incrujades che daidará da mantigní n rogoramënt dl transit plü regolar.

La strada d’azes é arbassada tl terac, ara passa ia cun n punt de 140 metri  le lech artifizial dl Kniepass y vá spo tl Klosterwald sura la linia dla ferata de Puster fora, rovan ite te n tunel lunch 990 che la coliëia spo a süd cun la stada da sëgn che condüj tla Val Badia. Por limité ciamó deplü l’impat sön le paesaje, gnará la rampa tla ota da jí fora en gran pert curida. L’investimënt complessif é de 75,5 miliuns d’euro. La lunghëza totala dl proiet é de zirca 3.300 metri, de chisc 1.291 metri por l’azes ala Val Badia y 2 chilometri ampliamënt dla stada statala de Puster.