Paurs slomëna le Comun

Data

15 de mei 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Gran movimënt pro la sentada raionala di paurs dla Val Badia. Valgügn á tut chësta ocajiun por critiché dassënn le Comun de Badia. L’assessur respogn
La reuniun dla Lia di Paurs dla Val Badia é tres na ocajiun por informé i paurs sön novités y svilups. Referac prinzipai da iniann é stá chël dl europarlamentar Herbert Dorfmann sön la politica agrara europeica y spo chël dl diretur dla Lia di Paurs de Südtirol Siegfried Rinner sön la lege söl teritore y la contrada, che jará en forza cun jená 2020.
La pert cialda é gnüda dedô pro la discusciun. De un n vers él trica por le lu che i paurs vëiga sciöche prigo por süa esistënza, a livel plü local él trica por tlaps de cerfs che scorza lëgns y mangia jö l’ojoradöra. Tla famoja colaboraziun danter turism y agricoltöra é deplü paurs daldöt nia contënc. La colm dla discusciun é gnüda arjunta cun l’intervënt dla jona Sara Pescollderungg d’Anví a Badia, che ti á dé na sort de ”slomenada publica” al Comun de Badia, suradöt porvia dl tru dla roda. Le Comun instës baia de ”meses verités”.

T’La Usc di Ladins di 17 de ma podarëise lí deplü sön chëstes critiches. Lapró ince ci che l’assessur Werner Pescosta respogn  (pablo)