media/k2/galleries/8459/thumbs/Bildschirmfoto_2015-03-19_um_10.49.36.jpg
19 de otober 2018

Manifestazions atuales

Publichedes ai 19 de otober
Sport
A Poza la Fascia Falcons Fest
Insnet, vender ai 19 de otober l'é la Fascia Falcons Fest. La festa scomenza da les 18.30 tel tendon de la manifestazions de Poza. Da les 19.00 vegn prejentà la squadres e dapodò sarà n pasta party per duc chi che tol pèrt.
Partida de hockey dl HC Gherdëina
N merdi ai 23.10. partida dl campiunat AHL, ulache l HC Gherdëina jugherà n cësa contra l KAC II de Klagenfurt, dala 20.30 tl stadio Pranives de Sëlva.
Garejeda de sauté tl luech
N dumënia ai 28.10. dala 11.00 ...
media/k2/galleries/8460/thumbs/Bildschirmfoto_2015-03-19_um_10.49.51.jpg
19 de otober 2018

Manifestazions atuales speziales

Publichedes ai 19 de otober
Melissa Naschenweng al Bal dla Jonëza da Paur
La Jonëza da Paur de Badia inviëia a so bal, la sabeda ai 27 d'otober, tla Ciasa J. B. Runcher a San Linert
Ai 27 d'otober dales 20:30 inant, organisëia i Jogn da Paur de Badia tl salf dles manifestaziuns le Bal dla Jonëza da Paur, en chësc ann cun na gran novité. Fora por la nöt ne sonará nia ma le grup "Wolayersee Echo", mo al sonará y ciantará ince la ciantarina Melissa Naschenweng dl'Austria, consciüda te döt le raiun todësch y dala televijiun. ...
media/k2/galleries/8470/thumbs/Bildschirmfoto_2018-10-18_um_09.52.02.jpg
19 de otober 2018

"I bambini della Grande Guerra" rua nta Fodom

Ntel docufilm del regist Alessandor Bettero le testimoniánze de cater fodomi
El vignarà fat ju sto fin setemana ence nta Fodom el film del regist Alessandro Bettero dal titol "I bambini della Grande Guerra" che a tout su le testimoniánze de cater fodomi.

Deplù te la edizion dl 19 de otober
media/k2/galleries/8465/thumbs/Bildschirmfoto_2018-10-18_um_09.32.57.jpg
19 de otober 2018

El consilio noo de ra parochia de Anpezo

Dute aduna, una parte del duto, una comunion intrà ra parsones, par fei sinodo, par caminà insieme
L à beleche scomenzà a lourà el noo consilio pastorale de ra parochia de i sante Felipo e Iaco in Anpezo.

Deplù te la edizion dl 19 de otober
media/k2/galleries/8458/thumbs/Bildschirmfoto_2018-10-18_um_09.10.06.jpg
19 de otober 2018

La caricatura dl'edema

de Manuel Riz
media/k2/galleries/8456/thumbs/Bildschirmfoto_2018-10-18_um_09.06.31.jpg
19 de otober 2018

Comentar de Pruma

Unità ladina
La ladinità à debesegn de unità. Aboncont l'union, la concordia e la colaborazion anter de ladins no speton che le vegne dal defora: cognon le cerir te ciasa noscia. Colune él le forze che despartesc? La descordia, la dejunion, l'antagonism. A sofiar sun chisc feghes de descordia i nemisc de la ladinità arà la soramessa: imprenditores contra imprenditores, architec contra architec, coprative contra albergatores. La vertola per giustificar la touta de pojizion de contra la sarà semper troada, ...
media/k2/galleries/8457/thumbs/Bildschirmfoto_2018-10-18_um_08.58.09.jpg
19 de otober 2018

Dancà y de na pert

Martina Tessadri,joena ciaciadora te la resserva de Cianacei
Ciao Martina, veste ne contèr zeche de te?
"É inom Martina Tessadri, vegne da Cianacei e é 25 egn. É fat la ragionerìa a Pardac e ades laore da n trat te Comun de Cianacei, te l'ofize de secretariat."

Saon che sorafora chest ties ence ciaciadora. Él vera?
"Ei, son ence na ciaciadora, fae pèrt de la sezion de giagres de Cianacei. Sion en dut 39."

E co éla pa che ties jita dò a chesta strèda? Zacan l'era la fam che spenjea la jent a ciacèr, ades enveze che él pa che ve spenc tel bosch?
"La pascion, ...
media/k2/galleries/8483/thumbs/20181018_155116.jpg
18 de otober 2018

Col: dal 27 de otobre no ruarà pi degun dotor

Dal 27 de otobre degun dotor ruarà pi a curvì l servije de dotor de famea nanter Col e Selva. Chest ce che se capis da na letera mandada da la Ulss de Belum e ruada fora per le cese de Col nte sti di. La jent da Col l'avarà donca da dezide con ce dotor se scrive ite nanter l dott. Pietro Demattia (Fodom), l dott. Claudio Allegro (La Rocia) e l dott. Agostino Mascanzoni (Alie) che i ciolarà su jent fin a canche no i arjonjarà l numer masimo de pazienti che i podarà ciò su. L mudament de dotor l ...
media/k2/galleries/8482/thumbs/Bildschirmfoto_2018-10-18_um_15.27.22.jpg
18 de otober 2018

Mostra "n memoria" dl scultëur Vinzenz Peristi

N merdi iel stat la giaurida dla mostra te Tublà da Nives te Sëlva Chëst ann iel avisa 75 ani ca che l scultëur Vinzenz Peristi ie mort. Per chësta ucajion iel unì metù a jì tl Tublà da Nives na mostra n si memoria. Vinzenz ie nasciù tl 1909 sun l luech da Banch sa Sacun. Si prima furmazion artistica giapa Vinzenz tla Scola d’Ert de Sëlva ti ani 1923/24 y 1924/25. Si maester ie Albino Pitscheider. Daldò vàl a lauré  tla berstot  de Rudolf Vallazza a Urtijëi. Tl 1928 vëncel a Milan l ...
media/k2/galleries/8480/thumbs/ClaudiaRubricaBostinaONLINE.jpg
18 de otober 2018

L’era zacan d’uton na bostina

Te sia rubrica Claudia Conta ne porta dant endodanef vèlch de enteressant
L color l’é chel post olache nosc cervel s’imbat te l’Univers. Chest dijea Paul Cézanne e l’èa pa ben rejon da vener! Sessaben che i Fascegn i ge tegnìa ai colores, i li durèa béleche béleche desche na terapìa ti lènc invergn freic e duc bienc.

Chi che mìngol me cognosc sà che ogne outa che veide n bel color fort, dighe che volesse n gramièl e fazolet de seida coscita.

Soraldut me sa bie i colores da d’uton, l’òr, l bron, i desvalives verc, l checen, l café, l moron, i roègn de ogne sfumadura. ...
media/k2/galleries/8463/thumbs/Bildschirmfoto_2018-10-18_um_09.32.51.jpg
18 de otober 2018

Ra majia de r'aga inze 'l Souto de ra Stua

Un outro laoro vorù da 'l Parco d'Anpezo, fato da ra Guides, pagà da ra Rejon Veneto, par conosce un'outra śoia de ra nostra val
Par anpezan 'l é el Souto de ra Stua: se intende cher'aga che vien śo intrà i sasc, sote el brite de ra Stua, ves el Boscato e el Luó de Vilagranda.

Deplù te la edizion dl 19 de otober
media/k2/galleries/8462/thumbs/pasciun_1.jpg
18 de otober 2018

“Nia de parora” ala pröma

Do mëisc de laur y de proes, é döt arjigné a La Val por le teater “Nia de parora”, la rapresentaziun dla Pasciun di discepui de Gejú, acompagnada dales musighes fora dl “Messias” de G. F. Händel
Le toch teatral é na traduziun (cun adatamënt) de “Die Ungetreuen” che l’autur todësch Karl Herbst (1916-2004) á scrit tl 1952. Herbst, do avëi studié teologia, é sté assistënt spiritual tla DDR, cina al 1971, y s’á dagnora dé jö cun tematiches religioses, te sü teatri. La particolarité de “Nia de parora” é le punt de odüda dramaturgich: al ne roda nia incër la figöra de Gejú de Nazareth tles ores che al vëgn mazé söla crusc, mo tles aziuns y reaziuns de sü discepui, che é te n iade arbandoná ...
media/k2/galleries/8461/thumbs/miniatura_dlijia-badia.jpg
18 de otober 2018

I 20 agn dl "Rait de San Linert"

Aspetan la ediziun iubilara ai 4 de novëmber, ciarunse zoruch ala storia de na manifestaziun danter veneraziun cristiana y festa popolara cun tröpa pasciun por i ciavai y le tradizional, che á salpü da crësce y devënta ince n potenzial de atraziun de cultura autentica ladina
Maria Nagler Trebo de Badia se recorda avisa co che al ê nasciü laota le rait di ciavai a Badia. L’idea â ciafé forma tl consëi de ploania, cun le presidënt Iaco Clement. Maria Nagler Trebo: "Siur degan Franz Sottara nes â metü a cör: Fajesse n pinsier por la festa de San Linert! Insciö m’él tomé ite da fá la proposta de na benedisciun di ciavai, por onoré un de nüsc patronns San Linert." Maria Nagler Trebo â nu che la veneraziun de San Linert é dër grana y sota te Bayern, y che al é posć ...
media/k2/galleries/8451/thumbs/BandieraONLINE.jpg
18 de otober 2018

La Bandiera en pèsc e en vera

Fabio Chiocchetti del Goti porta dant n nef aprofondiment su la bandieres
Nosce bandiere sgola
con fasce de più color
cheste soule noi vardon
de bon eie e bel amor

Coscita dijea chela cianzon veiora che recordèa i Arimans, i verieres defensores de Fascia contra i Trujegn invasores: “Vivat i Latrons! / Vivat Fassa”. De chest aon jà rejonà su la Usc (n. 36, 2009) ma se zachei volessa se lejer fora dut l test i pel l troèr te “Mondo Ladino” (1995: 300). Donca someassa dalvera che la bandieres de la Regoles sie zeche che à reijes fones ti “prumes tempes” de noscia ...
media/k2/galleries/8455/thumbs/20181016_092533.jpg
17 de otober 2018

Anpezo: degun referendum per le Olimpiadi 2026

Chesta la pojizion del capocomune de Anpezo Gianpietro Ghedina e de Giorgio Da Rin a cef del grop de minoranza darè che sti di passai n grop de 35 anpezagn con a cef Roberta De Zanna i ava domandà con na letera mandada in comun de podè mete a jì n referendum per vede se i anpezagn i fosse o manco auna ntel portà le Olimpiadi nanter le Dolomiti. "No l é temp per mete a jì n referendum - à dit an livel pi aut incia l president del Coni Malagò - e se volon portà n Italia sto evento avaron da laurà ...
media/k2/galleries/8454/thumbs/ru_badia.jpg
17 de otober 2018

Por n rü plü sigü

Chi dai Rüs á fat y fajará inant laurs por assiguré le Rü de Ciadinat a Badia, olache al ê iniann da d’aisciöda gnü jö bindebó de roa.
Bele l’ann passé á chi dai Rüs - l’inom ofizial é Ofize Sistemaziun di rüs da munt y paralovines ost - metü man da lauré por mëte en segurëza le Rü de Ciadinat a Badia. ”Al é gnü stabilisé le let dl rü tres tlüses de lëgn y ciostuns”, scrí la Provinzia te n comunicat. Iniann ai 10 d’aurí da sëra gnôl indere alarmé i stödafüch de Badia y da La Ila, por fá n intervënt pro le medemo rü. Por gauja dl deleghe dla nëi êl gnü jö na roa, che â mené paltans y pedruns cina te rü, rovan cina dlungia i ...
media/k2/galleries/8453/thumbs/CiokVedeler_Manfroi.jpg
17 de otober 2018

Ciok Vedeler, “nef” suzess

Ai 6 de otober se à coret la Ciok Vedeler, garejèda de corsa endrezèda a Soraga ruèda a la 9^ edizion
En sabeda ai 6 de otober, sot n temp no massa bon, l’é stat la Ciok Vedeler de Soraga, cronoscalata amatorièla ruèda chest an a sia 9^ edizion.

I atlec i é ponté via da mesa les 3 aló dal ciamp sportif de Soraga e i se à sproà su n percors de 3,41 chilometres con beleche 600 metres de dislivel. 47 l’é stat i coridores che é rué al travert dò na fadìa, tel pior temp, de 53 menuc.

A avenjer la garejèda é stac Simone Manfroi e Marghit Zulian.


Lejé l’articol entriech coi resultac su la Usc nr 40 ...
media/k2/galleries/8449/thumbs/GirardiONLINE.jpg
17 de otober 2018

Nia ferata, Nia stima

Transdolomites à envià via na campagna per domanèr che duc i candidac a la litazions provinzièles sotscrive la proponetes de la sociazion 
La sociazion Transdolomites se dèsc jù da 20 egn tel Trentin e te la Èlpes zentrèles te la costions leèdes a la mobilità publica anter chestes la realisazion de la infrastrutures che mencia desche tel cajo de la ferates per i coleamenc regionèi funzionèi al completament de la rei de mobilità publica tel chèder provinzièl, regionèl e de macroregion alpina.

Sion sun usc de la litazions per l Consei provinzièl di 21 de otober e Massimo Girardi, president de Transdolomites, ge à manà na letra a ...
media/k2/galleries/8452/thumbs/RINALDO_3_.jpg
16 de otober 2018

Artejanat da Fodom a Mel

N ocajion de la manifestazion “Mele a Mel” l fin de la stemana passà valgugn artisti da Fodom i à metù fora suoi laor.
“Mele a Mel” l'é na manifestazion che oramai da calche an la ciama a mez otobre cotanta jent nte sto pico pais de la val Belluna col muot no demà de vede artejagn che laora ma incia de comprà fruta, verdura, roba fata a man: n pais insoma che daur sue porte a duc i curios che vol l vede. Da calche an se pol ciatà laju che zipla roba de legn incia Rinaldo Dal Pont de Reba che sto an, auna a suoi laor, l à incia portà ju valgugn de chi del scultor Diego Rossi e cotante cese e majogn fate n ...
media/k2/galleries/8450/thumbs/Bildschirmfoto_2018-10-16_um_10.34.32.jpg
16 de otober 2018

Recurs a Roma aprové, y sëgn LÖM VËRDA ai laurs

Entrada nöia dla Val Badia a Ciastelbadia/San Laurënz: Vare dër important por le scomenciamënt di laurs: le Consëi de Stat á deliberé cun la sentenza nr. 5919/2018 che le grup de impreses Strabag Ag, Moser & Co, Unionbau y Alpenbau se aiudichëia l’apalt por i laurs. Chësc lian de firmes â fat recurs l’ann passé cuntra la dezijiun dla Ajentöra di apalc dla Provinzia de Balsan da ti surandé i laurs al’assoziaziun temporana de impreses formada dales dites E.MA.PRI.CE., Karl Wieser, Nordbau ...
L’entrada por la Val Badia gnará realisada zirca 400 metri dan le tunel de Ciastelbadia cun strades separades por l’entrada y la sortida cun n’atenziun particolara ince por le paesaje.

La strada d’azes ala Val Badia sará arbassada cun n punt de 140 metri sura le lech artifizial por passé spo sura la ligna feroviara surafora cun n tunel sot le col fora por incrujé spo indô la strada dla Val Badia tla localité de Flaurënz. La galaria sará 950 metri lungia y döta la trassa é te n raiun zënza de ...