Fascia

media/k2/galleries/8857/thumbs/Open_DayONLINE.jpg
10 de dezember 2018

Open day, per cerner voscia vita!

La Scola Ladina averjarà si ujes per cater apuntamenc
Endodanef la Scola Ladina de Fascia ge dèsc l’oportunità tant ai joegn de val che a chi da fora de jir a descorir si licees e sia proponetes per l percors da cerner dò la mesènes. Dezider che scola fèr l’é fosc l prum pas emportant per la vita e l percors formatif. N muie emportant, donca, l’é semper chel de saer e cognoscer tant i projec che i ujes che a la fin se averjessa sul mond del lurier che na scola, a desferenza de n’autra, podessa dèr.

Dò la sera de informazion stata en mercol ai 28 ...
media/k2/galleries/8851/thumbs/AlberCianaceiONLINE.jpg
10 de dezember 2018

No son ciaratul, ma son n vero “schianto”

Vèlch un ge à jà dat inom “spelacchio” ma el enstes ge tegn a contèr sia storia
L’à abù n maraut de comenc positives l post che śira tel web chisc dis. L conta la storia de l’èlber de Nadèl metù te piaz de Cianacei, anzi l’é proprio el medemo che conta sia storia con paroles che tocia l cher, paroles che palesa benon l sentiment che duc, jent e natura, à proà te chela net de fin de otober. Vèlch un ge à jà dat inom “Spelacchio” (fajan referiment a l’èlber da Nadèl de l’an passà a Roma) ma el no se cruzia nia deldut, alincontra l sà de esser n vero “schianto”.

Chiò sotite ...
media/k2/galleries/8850/thumbs/PeriferieONLINE.jpg
09 de dezember 2018

Na comunanza educativa per i joegn

Pea via te Fascia l projet “Fuoricentro” dedicà a la periferìes, che perveit la colaborazion de istituzions, sociazions e jent per na educazion globala 
L’à inom #Fuoricentro: coltiviamo le periferie e l’é n gran projet che tol ite 30 anter istituzions, sociazions e realtèdes del teritorie, coordenèdes da la FTVC (Fondazion Trentina per l Volontariat Sozial) che se dejouc te 3 valèdes de la provinzia de Trent.

La comunanza de Fascia, ensema con cheles del Tesin e de la Paganella, la é protagonista de chest projet che jirà inant per 3 egn e l’é un di 86 projec de duta la Tèlia (l soul del Trentin) aproà da l’impresa soziala “Con i bambini” tel ...
media/k2/galleries/8846/thumbs/Schermata_2018-12-06_alle_09.52.02.jpg
08 de dezember 2018

Maternità fora Ciavaleis: la sodesfazon de “Parto per Fiemme"

Aon rejonà con Alessandro Arici e Margherita Giacomuzzi del travert arjont e de l’ejempie che chesta sociazion ne à metù dant.
Se l partiment de nasciuda de l’ospedèl de Ciavaleis à endò podù averjer a temp pien, n gran merit l’é de la sociazion “Parto per Fiemme”, che per 3 egn se à dat jù zenza sparagnèr temp e speises, per arjonjer chest obietif.

Aon rejonà con doi di componenc più atives, Alessandro Arici e Margherita Giacomuzzi, ge domanan cont ence di dubies che zachei palesa sun chest avertura.

“L partiment – i ne à dit – l’é stat avert con la neva desposizions e con na segureza amò maora che chela che l’era ...
media/k2/galleries/8869/thumbs/Schermata_2018-12-06_alle_10.34.43.jpg
06 de dezember 2018

L’é mingol fascian l prum fioch resa de Ciavaleis

En mercol ai 5 de dezember tel partiment de nasciuda giusta avert l’é vegnù adalèrch na beza e n bez. Da doman bonora l’é nasciù Nives, enciasèda a Pardac ma fia del moenat Andrea Felicetti e de Federica Cavallin.
La sodesfazion percheche en sabeda prum de dezember l partiment de nasciuda de l’ospedèl de Ciavaleis l’à endò podù vegnir avert l’é doventà legreza piena en mercol ai 5, canche jà da doman bonora i à podù tachèr sù l prum fioch, de color resa. L’é nasciù Nives, na pìciola enciasèda con sia familia a Pardac ma fia de n moenat, l forestal Andrea Felicetti e de Federica Cavallin de naa veneta ma cognosciuda chiò soraldut desche artista: l’à realisà anter l’auter la statua del sudà de la gran vera ...
media/k2/galleries/8814/thumbs/AlbresNadalaONLINE.jpg
06 de dezember 2018

Nia èlbres da Nadèl, ma no duc é d’acort

Vèlch Comun à dezidù de no i dèr fora chest an per dèr n segnèl simbolich
La era vegnuda fora sui social sobito dò aer vedù i dans porté dal catif temp de la fin de otober, la provocazion de no fèr l’èlber da Nadèl chest an. E ades la é stata touta sù desche na dezijion ofiziala da na pèrt di Comuns de la val. L prum che à manà fora la comunicazion l’é stat l’ombolt del Comun de Soraga Devi Brunel che tras na letra a si sentadins l’à fat a saer che, aldò de l’event che à fat crodèr na gran cantità de èlbres te nesc bosć, l’Aministrazion de Comun à dezidù de no dèr ...
media/k2/galleries/8813/thumbs/GropJentetONLINE.jpg
05 de dezember 2018

Spirit gaert e sćiantif: fèsc festa la jent de età

Enstadì l’é stat la tradizionèla festa per la jent de età de Cianacei endrezèda dal Club Pietrone, con la Messa grana e la marena a la populères
“Cogne ge dir n gran develpai a duc chi che deida semper l Club Pietrone, tant economicamenter che con sia prejenza ti moments de besegn”. Con l rengraziament de la presidenta del Club Pietrone Monica Conta ge vel tachèr via se se vel rejonèr de la festa de la jent de età stata en domenia ai 25 de november a Cianacei.

Chest perché n develpai l va semper dit. Ge vel rengrazièr duc chi che se dèsc jù e deida perché festes desche chesta vegne portèdes inant de an en an, duc i volontadives che te ...
media/k2/galleries/8810/thumbs/GatFranziaONLINE.jpg
04 de dezember 2018

Dal Trentin a la Franzia: vertesc per la sajon

I albergatores é dò a se endrezèr per la sajon che ponta via te pec dis. N grop de joegn, con 7 fascegn anter ite, l’é ruà enscin a Parigi per troèr vèlch da nef da ge dèr a si ghesć
Sessaben, anchecondì ge vel esser vertesc canche taca na sajon turistica. Jic é oramai i tempes sorii, canche la jent ruèa te val cheche mai se ge dajea, canche i ghesć se encontentèa de pech, de n let e n toch de pan, lo stesc se ence mingol brujà, e dapodò i ciapèa si ciuzé o si schi e i no vegnìa de retorn fin canche i no aea la lenga de fora.

Anchecondì l’é mingol desvalif, anzi n muie desvalif. L’oferta turistica se à slarià, i posć da veder e la cosses da fèr les é scialdi de più e aldò ...
media/k2/galleries/8803/thumbs/Germano_PedrottiONLINE.jpg
03 de dezember 2018

L’é nasciù Vich Events, l nef Comitat manifestazions

L grop é vidà da la presidenta Daniela Cigolla, l tol post de la Pro Loco
Ades l’à n inom, n logo, n diretif e ence n statut. L’é nasciù ofizialmenter l nef Comitat manifestazions de Vich che se jonta apede a chel de Poza e che tol l post de la Pro Loco de Vich.

La Pro Loco la era stata metuda sù de mé del 2016 con a cef l president Marco Pellegrin e te chisc doi egn la se à cruzià de la manifestazions de paìsc.

Con la neva aministrazion de Comun de Sèn Jan la Jonta à pissà che fossa stat giust e utol creèr n Comitat manifestazions unich, più sorì da gestir ...
media/k2/galleries/8824/thumbs/GuglielmiVizepresidentONLINE.jpg
02 de dezember 2018

Guglielmi vizepresident del Consei

L joen conseier provinzièl da Cianacei é stat lità te la presidenza del Consei Regionèl adum con l president Roberto Paccher e l vizepresident vicarie Thomas Widmann
L’é Luca Guglielmi da Cianacei, joen conseier ladin de la Provinzia de Trent, l nef vizepresident ladin del Consei regionèl. Dò la litazion, ruèda con la maoranza assoluta de 42 stimes sun 69 litanc, de Roberto Paccher de la Lega per l’encèria de president del Consei regionèl, i doi scagns de vizepresidenc, che ge pervegn ai raprejentanc di etres doi gropes linguistics, é jic per i todesc a Thomas Widmann de la SVP, con encèria de vicarie, e per i ladins a Luca Guglielmi de la Sociazion Fassa. ...
media/k2/galleries/8801/thumbs/PiramidaValeronONLINE.jpg
02 de dezember 2018

Colun destin per la “piramida”?

L’ombolt de Ciampedel Ivo Bernard deschiaresc a che pont che l’é l’iter con la strutura ta Cercenà
La é endò stata protagonista de la cronaca de chisc dis passé la strutura de ziment e acèl ta Cercernà, sul tegnir del Comun de Ciampedel, de proprietà de Enzo Soraperra Valeron. “La piramida” descheche la vegn chiamèda, che aessa cognù doventèr n hotel 4 steiles superior con 98 cambres, la é aló da fenir da passa 10 egn. Te chest temp anter conzescions scadudes, deroghes, falimenc e recorsc, les é states n muie la critiches de sentadins e foresć per chel cantier avert, burt da veder e ence ...
media/k2/galleries/8815/thumbs/ClandrLadinIstitut2019ONLINE.jpg
01 de dezember 2018

Prejentazion Calandèr ladin 2019

L’é dedicà ai leghes da mont l nef Calandèr de l’Istitut Cultural Ladin, che vegn prejentà en mèrtesc ai 4 de dezember te Museo Ladin
L’Istitut Cultural Ladin “majon di fascegn” aur endò i ujes del Museo Ladin con n nef event. En mèrtesc ai 4 de dezember da les 17.30 vegnarà prejentà dantfora l Calandèr Ladin 2019 dessema ai neves prodoc de la Mediateca Ladina, la piataforma web per la difujion del lengaz ladin.

L Calandèr Ladin 2019 é stat realisà ence chest an de gra al didament tant de la Coprativa Val de Fascia de Sèn Jan che de chela de Ciampedel, sostegnidores preziouses de chesta opera che encomai da passa 40 egn rua ...
media/k2/galleries/8823/thumbs/TeaterSrufianda2ONLNINE.jpg
30 de november 2018

A mascherèda... ence se no l’é Carnascèr!

La veia scoles de Penìa à avert si ujes per la rassegna de teater del Comun general de Fascia. Insnet la rassegna de teater và inant con l Grop da Ciampedel “La Mizacoles” te PalaDolomites a Ciampestrin
L Grop de la Mèscres de Dèlba e Penìa ence instouta à abù n gran suzess te la veia scoles de Penìa. Tant en vender ai 23 de november e che en domenia ai 25 la mascherèda spilenèda sun paladina à fat grignèr l publich, ge fajan passèr momenc de gran legreza. Tel chèder de la rassegna de teater metuda a jir dal Comun general de Fascia, l’apuntament l’era con “Na srufianèda 2”: na mascherèda pizochenta e semper piena de batudes.

Te chesta mascherèda, col didament ence de n chèder vivent e del ...
media/k2/galleries/8751/thumbs/GropConseiPasc.jpg
29 de november 2018

A scola de pasc te Consei de Comun

Te na scontrada istituzionala dalbon particolara i aministradores à rejonà de pasc dedant a n muie de jent e de scolees, e i bec à portà soe emozion e riflescion con dessegnes, leture e musega 
No sozede de spes che per n Consei de Comun sie la sala piena de jent, en gran part bec e joenec, e nience che n Consei vegne chiamà ite de domenia inant mesdì.

Chela voluda dal Comun de Sèn Jan, e en particolar dal president del Consei Cesare Bernard, l’é stat na scontrada dalbon fora de anter e rica de segnificac: n Consei de Comun per la pasc, n event pissà dal Coordenament di presidenc di Consees de Comun de la Provinzia de Trent e endrezà a Sèn Jan en colaborazion con la Scola Ladina de ...
media/k2/galleries/8749/thumbs/ValfassaNevesONLINE.jpg
27 de november 2018

Che gaissa l Cor Valfassa con 9 neves ciantores!

Se à serà sù a la fin de otober la sajon di conzerc del Cor da mont. President e maester ne met dant bilanz e programes
Passa 20 conzerc te val e foravìa. L’é chest l prum numer che sauta a l’eie a rejonèr del Cor Valfassa. L’auter numer l’é l 9, ajache adertura 9 l’é i neves ciantores che à domanà de fèr pèrt de chest grop. I à tacà ite con la proes entorn la metà de otober, i à duc na gran gaissa da meter a la leta de chest cor da mont, che te chisc ultimes egn l’à arjont livìe musicai de gran valuta.

L’é stat auc e basc, desche te duta la sociazions, l Cor Valfassa à cognù ge fèr front ence al moment mestie ...
media/k2/galleries/8745/thumbs/MartinaIOriONLINE.jpg
26 de november 2018

A Udin l’é endò Suns Europe: MENCIA PECH!

Dai 29 de november ai 2 de dezember la 4^ edizion del Festival de èrts ti lengac mendres: na lingia de evenc te dis e lesc desferenc e la sabeda l conzert/contest olache sarà ence Martina Iori
La 4^ edizion de Suns Europe, l Festival de la èrts ti lengac de mendranza europeans, sarà a Udin dai 29 de november ai 2 de dezember.

L program de l’event, pissà da la cooperativa Informazion Furlana, editora de Radio Onde Furlane, col sostegn economich de l’ARLeF (Agjenzie Regionâl pe Lenghe Furlane), de la Region FVG, del Comun de Udin e de la Fondazion Friul, l’é stat portà dant enstadì dal president de la cooperativa Carli Pup, dal diretor artistich Leo Virgili, da l’assessor de comun ...
media/k2/galleries/8743/thumbs/FalconsKrampusONLINE.jpg
25 de november 2018

Derby ladin da diaoi… per Bambi

En jebia ai 29 de november sarà la Krampus Hockey Night en ocajion del derby ladin anter Fascia e Cortina. N event de benefizenza metù a jir dal Fascia Falcons en colaborazion coi Krampus da Poza
Aede mai vedù n falchet col peil de diaol tel dos? Na? Bendapò en jebia ai 29 de november l stadie Gianmario Scola de Dèlba ve speta, per ve fèr viver a duc na sera de gran divertiment, spas, sport e benefizenza.

De gra a la colaborazion anter doi sociazions fascènes, l Fascia Falcons e i Krampus da Poza, vegnarà endrezà la Krampus Hockey Night, na scomenzadiva a sostegn de la Sociazion Bambi che da sacotenc egn la se dèsc jù tel ciamp de l’assistenza ai bec malé de Fiem e Fascia, per defener ...
media/k2/galleries/8741/thumbs/logo_fascia.jpg
24 de november 2018

Assegnes de studie te Comun general

A la leta di studenc assegnes de studies per viajes per l’an de scola 2018-2019. Lejé i detaes
L Comun general de Fascia fèsc a saer che, aldò de l’articol 72 de la L.P. nr 5 dai 7.08.2006, vegn metù a la leta di studenc, residenc te val che fèsc l prum e secont livel de istruzion e formazion e à i requisic domané, assegnes de studie o didamenc per viajes per l’an de scola 2018-19.

Se pel desćiarièr copies de l’avis e di formulères de domana dal sit de l’Istituzion www.comungeneraldefascia.tn.it.

Ge vel portèr dant la domana ti ofizies del Comun general te Strada di Pré de gejia, 2 ...
media/k2/galleries/8769/thumbs/stemma_1.jpg
23 de november 2018

Sèn Jan mudarèl inom?

L’é vegnù fora na sentenza de incostituzionalità en cont de denominazion del nel Comun fascian. L’aministrazion é dò a valutèr i vèresc da fèr.
La Cort Costituzionèla enstadì à declarà (sentenza 210/2018) la no legitimità costituzionèla parzièla de l’articol 1 de la lege de la Region Autonoma Trentin Sudtirol nr 8 dai 31 de otober del 2017, che à istituì l nef Comun de Sèn Jan dò la fujion di comuns de Poza e Vich, te la pèrt olache vegn durà la denominazion Sèn Jan di Fassa - Sèn Jan.

L’osservazion de incostituzionalità era stata uzèda fora dal conseier de la Provinzia de Busan Alessandro Urzì, che l sostegnìa enveze l besegn de durèr ...
media/k2/galleries/8740/thumbs/OspedelSatefaniaSegnanaONLINE.jpg
23 de november 2018

OSPEDEL CIAVALEIS, ultima neves!

La neva assessora provinzièla a la sanità Stefania Segnana à dit che la Provinzia e l’Azienda sanitèra arsegurarà n servije segur e percacent
La é stata touta sù con entusiasm e legreza ma ence con vèlch cruzie la neva, data enstadì da la neva assessora provinzièla a la sanità Stefania Segnana, che col prum de dezember verjarà endodanef l partiment de nasciuda de l’ospedèl de Ciavaleis. Gran legreza percheche zacan se é rué a l’obietif domanà a gran ousc da aministradores de Fiem e Fascia, da la sacotanta sociazions e gropes e dai sentadins che se à semper batù percheche l posse endò vegnir orì.

Pec dis dò l’é ruà la posizions de ...