Fascia

media/k2/galleries/7156/thumbs/Bildschirmfoto_2018-04-19_um_09.15.22.jpg
19 de auril 2018

Sèn Jan se endreza a la litazions

Con en vender ai 20 de oril te Comun se pel sotescriver la listes, che cognessa esser 4 en dut, trei che sostegn Giulio Florian e una de Leopoldo Rizzi. Nesciuna candidatura per Armando Mich
Ai 27 de mé sarà la litazions per meter sù la neva aministrazion del Comun de Sèn Jan, che da canche l'é nasciù, al prum de jené del 2018, l'é ret dal Comissèr straordenèr dr Antonio Arman.
Da vender ai 20 de oril te Comun se pel sotescriver la prejentazion de la listes di candidac che se met a la leta per rejer l’aministrazion.

Vigni lista cogn tor ite dai 13 ai 18 candidac (no più che 12 del medemo ses) e la cogn vegnir prejentèda con la sotescrizions de amàncol 30 e no più che 45 ...
media/k2/galleries/7143/thumbs/Gross_Liberatore_Mondiai.jpg
17 de auril 2018

Fascia e i Mondièi Junior 2019

L’é stat prejentà l program de l’event, la scomenzadives e la cordanzes sotescrites con la istituzions de val.
L Comitat di Campionac Mondièi Junior à prejentà a Trent l’event internazionèl che dai 18 ai 27 de firé del 2019 portarà te Fascia passa 500 schiadores en raprejentanza de 50 nazions.

L president del Comitat Davide Moser à portà dant l calandèr, la scomenzadives e le partnership che l’é stat sotescrit. La pruma gara en program sarà chela de slalom lèrch de eles en mèrtesc ai 19 de firé, l’ùltima l’é la discesa de eles en mercol ai 27 de firé; en mercol ai 20 sarà la endesfida de slalom strent ...
media/k2/galleries/7114/thumbs/Bildschirmfoto_2018-04-12_um_09.53.06.jpg
16 de auril 2018

35 egn de la Scola de musega

Per festejèr l cedean "Il Pentagramma" à endrezà na setemèna de conzerc, dai 16 ai 22 de oril
L'era ai 14 de setember del 1983 canche a Tieser, su scomenzadiva del maester Carlo Deflorian e de dotrei pascioné de musega, anter chisc l professor Paolo Deflorian e Marcello Zanon, nascea la Scola Musicala de Fiem.

Deplù te la edizion dl 13 de auril
media/k2/galleries/7113/thumbs/Bildschirmfoto_2018-04-12_um_09.52.28.jpg
15 de auril 2018

Gran discuscion te Consei general

Dò n debatit che à fat sgolèr ence parola fortes, l'é stat aproà l bilanz de previjion con l'astenjion de la mendranza UAL
La é stata caraterisèda da n debatit fort anter mendranza e maoranza, la sentèda del Consei general di 28 de mèrz, che aea desche maor pont a l'orden del dì l'aproazion del bilanz de previjion finanzièl 2018-2020.

Deplù te la edizion dl 13 de auril
media/k2/galleries/7112/thumbs/Bildschirmfoto_2018-04-12_um_09.52.49.jpg
14 de auril 2018

DoloMythsRun: ales neves per la corsa sa mont

Prejentà a Cianacei l nef projet, con inom, loghi e sponsor, che vel fèr sgolèr la Skyrace tel mond e fèr de Cianacei e Fascia n lech "mitich" per la corsa sa mont
N cerchie, coi colores en gradazion dal checen al śal, per recordèr l'enrosadira, con sora na ponta che rechiama l Piz Boè, e da les pèrts doi ales che simbolisea l cornacin, ucel de nesc monc, e che recorda ence l'elm da ales de Hermes, per leèr l mit grech e la ales ai piesc di coridores del ciel.

Deplù te la edizion dl 13 de auril
media/k2/galleries/7135/thumbs/Occhiali-Usati-Promo-Italia.jpg
13 de auril 2018

“Gé veide ben, con ti veières veies!”

En sabeda ai 14 de oril ence te la Copratives de Sèn Jan e de Moena vegn portà inant l’azion del Lions Club per  ge dèr l met de veder miec ence a chi che no podessa se l permeter.
La bela scomenzadiva endrezèda dal grop Lions de Fiem e Fascia per sensibilisèr duc su l’emportanza de ge dèr na seconda vita ai veières che no duron più, rua denef te noscia valèdes chest fin de setemèna.

La regoeta di veières desmetui da la jent vegn fata fora per dut l’an te la speziarìes, ma no semper se se recorda de chesta oportunità, e soraldut l’é enteressant che vegne metù a jir n moment paticolèr e dedicà, oalche se pel ence domanèr e vegnir a saer che fin che fèsc i veières veies ...
media/k2/galleries/7129/thumbs/Planchensteiner_Dantone_RGB.jpg
13 de auril 2018

Mudamenc per la Gran Festa da d'Istà

Dò 38 egn Silvano Planchensteiner lascia l Comitat de endrez de una de la manifestazions più aprijièdes da duc i ladins. L nef president l'é Luigi Dantone.
L Comitat de endrez de la Gran Festa da d’Istà, la manifestazion metuda sù del 1975 per ge dèr n sostegn economich a Crousc Biencia e Studafech, la sociazions de volontariat de Cianacei, se à binà l meis passà per dezider n passaje de gran emportanza.
I à tout at de la dezijion de Silvano Planchensteiner, fondador e da semper tel Comitat de endrez de la festa, de lascèr la encèria de president e de jir fora dal Comitat de endrez, enceben che l'à arsegurà che l restarà apede da ...
media/k2/galleries/7099/thumbs/aministrador_sostegn.jpg
11 de auril 2018

Scontrèdes per l’Aministrador de Sostegn

L’é stat endrezà n percors de aprofondiment che taca ai 11 de oril fora Ciavaleis e dapò l sarà ai 18 de oril a Sèn Jan te Comun general.
La Sociazion Comitat per l’Aministrador de Sostegn se cruzia da dotrei egn en cà de la gestion del projet per l’Aministrador de sostegn del Trentin. La dèsc fora informazions tel detai en cont de chest argoment a livel provinzièl e la met a jir scontrèdes informatives, corsc de formazion e servijes de suport individuèi, tant per chi che à gust de cognoscer inout l’argoment che per chi che à jà la encèria de Aministrador de sostegn e che à besegn de informazions spezifiches.

La Sociazion, che é ...
media/k2/galleries/7098/thumbs/Mattia_Sommariva.jpg
10 de auril 2018

N azident à destudà la vita de Mattia

L’é stat metù sot da n auto endèna che l jia con so velozipé. L colp l’é stat tant gran che no l’é più stat nia da fèr.
L’é sozedù en lunesc sera, ai 9 de oril, mìngol inant les 6. L joen Mattia Sommariva da Moena l’era dò che l jìa ju per strada de Pecé con so velozipé, descheche se l’aea vedù far tropa outes, ge piajea tant jir col “monopattino”. Te chel moment l’é passà n om sun n auto grisc che l’à ciapà ite de pien e no l se à nience fermà, l’à tirà dret. Sobito l’é stat chiamà i socorsc, la Crousc Checena e l’elicoter, i dotores à chierì de rianimèr Mattia, ma la ferides e la paches é states tant granes ...
media/k2/galleries/7096/thumbs/cista_joegn.jpg
10 de auril 2018

Cistà? Ei, ben segur!

La sociazion Inout à prejentà l nef projet de animazion per i joegn dai 12 ai 16 egn.
Inout l’é na neva sociazion nasciuda de november de l’an passà da la gaissa de n grop de joegn che se à metù ensema con chela de sporjer e sostegnir projec per joegn e joenec de la val.

Per chest istà i à pissà de sporjer n projet de animazion per i joegn da la 2^ mesèna a la 2^ clas de la scola auta (presciapech dai 12 ai 16 egn) da l’inom apontin “Cistà”. 6 setemènes de ativitèdes desvalives, dai 16 de messèl ai 24 de aost, dal lunesc al vender, te Oratorie de Poza. La scomenzadiva l’à abù l ...
media/k2/galleries/7086/thumbs/Lara_Battisti.jpg
05 de auril 2018

Neva competenzes per Lara Battisti

Apede a bilanz e gestions sozièdes, ades la Conseiera de Procura del Comun general de Fascia se cruziarà ence de oportunitèdes pervalives.
Te l’ultima scontrèda del Consei general, stata ai 28 de mèrz, Lara Battisti, l’é stat anter la maor protagonistes.

L’avocata de 37 egn da Pera la é Conseiera de Procura del Comun general de Fascia, la soula chiamèda ite desche “esterna” tel Consei de Procura da chesta aministrazion del Comun general vidèda da Elena Testor e la soula femena, apede a la Procuradora, a fèr pèrt de l’esecutif.

Del 2015 ge era stat dat sù la deleghes al bilanz, a la gestion sozièda e servijes soracomunai e a la ...
media/k2/galleries/7082/thumbs/ConseiGeneral_Elissa_Salvi.jpg
03 de auril 2018

Gran discuscion te Consei general

Dò n debatit che à fat sgolèr ence parola fortes, l’é stat aproà l bilanz de previjion con l’astenjion de la mendranza UAL.
La é stata caraterisèda endò da n debatit fort anter la mendranza e la maoranza, la sentèda del Consei general di 28 de mèrz, che aea desche maor pont a l’orden del dì l’aproazion del bilanz de previjion finanzièl 2018-2020.

L bilanz, che se sera sù su la soma de zirca 17 milions de euro, é stat prejentà da la Conseiera de Procura de competenza Lara Battisti, ma i conseieres del grop UAL Cesare Bernard, Manuel Farina, Gianni Rasom e Nicola Zanoner i à anunzià de se astegnir.  

La rejon de ...
media/k2/galleries/7034/thumbs/Bildschirmfoto_2018-03-29_um_08.29.40.jpg
02 de auril 2018

Sènt'Ugèna anter identità e solidarietà

Enstadì l'é stat la premiazion del concors per i scolees de la populères de Fascia dedicà a la Patrona de noscia val. Na pèrt de la venta ge vegn destinèda a la persones manco fortunèdes
Ence chest an l'é stat metù a jir l concors en onor de Sènt'Ugèna per i scolees de la populères de Fascia, endrezà da la Pro Loco de Vich, a una con la Scola e l Comun general de Fascia, na scomenzadiva che se met dant de smaorèr l sens de identità e partegnuda di più pìcoi e de fèr crescer te ic ence n fon sentiment de solidarietà envers la persones manco fortunèdes.

Deplù te la edizion dl 30 de merz
media/k2/galleries/7033/thumbs/Bildschirmfoto_2018-03-29_um_08.29.07.jpg
31 de merz 2018

Fascia, anter fantajìa e realtà: l nef liber de Alberta Rossi

La scritora da Soraga l'à publicà na regoeta de contìes sun noscia val e si secrec. La prejentazion la é l dì de Pèsca da les domesdì 5 te Ciasa de Comun de Vich
Él dalbon zaolà chel lech magich che conta del regn de Re Laurin o de le Crepe Spavide, de strìe e bregostane, de salvans e de morchies? L ne lo farà descorir, piata dò piata, l nef liber de Alberta Rossi dal titol "La valle di Fassa tra fantasia e realtà": contìe curiouse a contat con la natura envers l'aventura. Alberta Rossi la é da Soraga, la laora te l’Istitut Cultural Ladin desche responsàbola de la biblioteca e l’à semper abù la pascion de scriver. La se à jà metù al luster desche ...
media/k2/galleries/7032/thumbs/Bildschirmfoto_2018-03-29_um_08.28.50.jpg
31 de merz 2018

Develpai don Erminio per l ben semenà!

En domenia passèda l'é stat fat festa per i 60 egn de ordenazion del preve, a Sèn Jan dal 2004
En domenia ai 25 de mèrz, domenia de l'Oliva, la messa ofizièda da mesa les 11 da don Erminio Vanzetta l'à tout sù na saor spezièla. Dò la longia letura del Vangele, che te chesta ocajion l'à portà dant la Pascion del Segnoredie, l preve aea tanche envià i prejenc a fèr na reflescion su chel che i aea scutà, ma te chela sun utèr l'é ruà don Andrea Malfatti.

Deplù te la edizion dl 30 de merz
media/k2/galleries/7078/thumbs/Ziriola_Saslonch.jpg
30 de merz 2018

Chi él la Ziriola del Saslonch?

N ucelin ne à portà te redazion na letra: l’autor no se palesa ma l contegnù dèsc stimoi de riflescion dassen enteressanc.
La Ziriola de Sasloch l’é la protagonista de na contìa tradizionèla fascèna, metuda en musega ence dal Canori, che rejona de na prinzessa che per aer salvà na ziriola la ciapa l poder de se mudèr, canche la vel, te n picol ucelin. Lijiera e contenta la pel sgolèr, ruan en aut e dalonc, e coscita la rua ence a cognoscer n joen cavalier che vif sol e solent te sie ciastel. Chest cavalier l se enamora del bel ciantèr de la ziriola, “picol ucelin, no te n jir, resta chiò” l ge disc prean che la ...
media/k2/galleries/7072/thumbs/Studenc_mesenes_3C_redazion_duc_online.jpg
29 de merz 2018

Studenc de la mesènes de Sèn Jan a La Usc di Ladins

Béleche cincanta joenec à fat vijita a la redazion de Fascia del sfoi interladin per se enjignèr ic enstesc a doventèr pìcoi “jornalisć” sul sfoi de sia Scola per la dì de la mendrenzes.
En jebia ai 22 de mèrz te senta de la redazion de Fascia de La Usc di Ladins l’é vegnù a ne cognoscer i studenc de la doi terzes de la mesènes de Sèn Jan: chi de la sezion C e de la D.

I era de n gran numer e duc n muie enteressé a motivé a emparèr. L’obietif de la vijita l’é stat chel de cognoscer l lurier che l’é tedò la publicazion de n sfoi e amò de più te chesta cajo de cognoscer n sfoi dut per ladin, n sfoi de mendranza. Te duta la mesènes de la Scola Ladina de Fascia vigni an vegn ...
media/k2/galleries/7017/thumbs/Barbieri_4Hotel.jpg
27 de merz 2018

Joegn hotelieres fascegn en gara con Barbieri

Dai 27 de mèrz su Sky Uno HD e Sky On Demand l nef contest “Bruno Barbieri 4 Hotel”. L chef taca valutan 3 strutures de Fascia e 1 de Fiem.
Sarà 3 hotìe fascegn e un fiemac i protagonisć de la pruma puntata de “Bruno Barbieri 4 Hotel”, l nef contest su l’azet e la perferida turistica che pea via ai 27 de mèrz da les 21.15 su Sky Uno HD e desponìbol ence su Sky On Demand.

De gra a la colaborazion con Trentino Marketing, l’Apt de Fascia e chela de Fiem e Trentino Film Commission l nef contest pea via apontin te nosc raion, portan al luster 4 di più bie hotìe, ma ence lesc e evenc de Fascia e Fiem.

La produzion (Dry Media) con la ...
media/k2/galleries/7000/thumbs/TRAIETTORIE_LIQUIDE_preview.jpg
27 de merz 2018

Mostra de retrac con Federica Brignone a Poza

A le QC Termes Dolomites te Fascia l’é da veder la fotografies artistiches dal titol “Traiettorie liquide”.
Enscin ai 10 de oril al zenter QC Terme Dolomites a Poza te Fascia l’é da poder veder la mostra fotografica de la campiona de schi e medaa olimpica Federica Brignone.

La mostra l’à inom “Traiettorie liquide” e i retrac i é del fotograf Giuseppe La Spada che l’à tout jù la Brignone te l’èga con la mondura da gara de la nazionèla talièna, con schi e bachec.

La mostra la é itineranta e la é stata metuda fora, con gran aprijiament del publich, ence ti etres zentres de la Quadro Curzio: a le QC ...
media/k2/galleries/6972/thumbs/Bildschirmfoto_2018-03-22_um_09.16.14.jpg
26 de merz 2018

La Musega de Poza a "I Sons de la Dolomites"

Per la pruma outa na Musega tol pèrt al festival musical che porta sa mont i artisć più de nonzech del rock, jazz e musega classica. L'apuntament l'é ai 29 de messèl sun Vael
L'é stat metù anter i projec spezièi de "I Sons de la Dolomites" 2018 e l'à jà soscedà gran curiosità. L program de la 24^ edizion del festival musical più de nonzech de la Dolomites é stat prejentà enstadì al Muse de Trent, che l'é doventà da chest an nef partner de l'event: gregn inomes del rock, jazz, de la musega classica e de la ciantia d'autor sonarà su la paladina naturèles da encant de la Dolomites dai 30 de jugn ai 31 de aost.

Deplù te la edizion dl 23 de merz