Val Badia

media/k2/galleries/7586/thumbs/teddy_1.jpg
23 de jugn 2018

L’ospedal dl teddy te scolina

En mertesc, ai 12 de jügn, unse albü l’Ospedal dl Teddy tla scolina da S. Ciascian.
Da doman é vigni möt y vigni möta gnüs cun so tier preferí ala scolina. Ai pici y ales piceres ti savôl dër bel che ai podô se tó para so compagn te scolina. Ara n’á nia doré dî, che al é rové adalerch l’auto dl’ambulanza cun 2 volontars dla Crusc Blancia: Fabio y Daniela. Chisc é gnüs adalerch por vijité i pici tiers, che â de vigni sort de mai. Te de pici grups á i mituns y les mitans podü ti splighé vignun singolarmënter ci che so pice tier â. I dui "medi" adöm ai mituns y les mitans á ...
media/k2/galleries/7585/thumbs/cor-iuvenis_2.jpg
21 de jugn 2018

Le cor "Cantus Iuvenis" variëia sön trus plajors por ciantadus y ascutadus

Val’ impresciuns dal conzert dl cor da Víena te söa ultima turné "Trus - Wege" cun tapa a Bornech
Al é na bela tradiziun che le cor moscedé da Víena sot la direziun de André Comploi "Cantus Iuvenis" vëgn y roda intres indô te Südtirol por tigní deplü conzerc. En chësta aisciöda é le cor de jones y jogn stort pro a Bornech (Ciasa Ragen) y a Badia. Lapró tignel insnöt ai 21 de jügn ciamó n conzert a Víena.

Tla presentaziun y descriziun dl program "Trus - Wege" él da lí che la porsona röia sön trus che coliëia, trus da sciampé, trus che porta fora, trus che condüj a ciasa... I sun tresfora sön ...
media/k2/galleries/7582/thumbs/sanvi_longega.jpg
20 de jugn 2018

I migranc é a Longega

I pröms é bele gnüs ala fin de ma, chësc vëndres vëgn l’ultim, indöt n’él spo 6.
La Val Badia á sëgn so secundo grup de migranc. Do che les prömes 5 porsones ê rovades de merz tl cuatier de calonia a La Val, él chisc dis ince rové alerch i migranc a Longega. I pröms dui migranc é bele rová alerch ai 28 de ma, trëi d’atri é gnüs pormez ai 14 de jügn y le sest dess gní rodunt chësc vëndres ai 22 de jügn, nes vëgnel dit tla Comunité Comprensoriala de Puster, che coordinëia le proiet. Sciöche an sá, á le grup de migranc á ciafé alberch tla ciasa Sanví a Longega, che é ...
media/k2/galleries/7580/thumbs/20180619_174313.jpg
19 de jugn 2018

Dis da meja

Con le bel tomp da d'isté él da sié y restelé döt ci co vá! I agn de Jenn é de bogn agn - dîjun, y, do che la jont á perié do bel tomp, él ince gnü...
Chisc dis él gran meja tai pres encërch, sii te Mareo co da Badia sö. Da en jöbia encá stá sö le tomp, ensciö pó i paurs, fanc y fanceles trá adöm le pramí y le condü adassosta te majuns o te brodi.

Iaco R.
media/k2/galleries/7577/thumbs/Bildschirmfoto_2018-06-18_um_17.26.58.jpg
18 de jugn 2018

Erich Kostner nes á lascé

Le pionier di implanc portamunt y dl turism dl’Alta Badia é mort al’eté de 97 agn.
La storia di lifc dal dovera incá tla Ladinia é liada strentamënter a Erich Kostner. Incö, lönesc da doman ai 18 de jügn 2018, nes ál lascé, al’eté de 97 agn.

Erich Kostner gnará acompagné sön so ultim iade dai familiars y dala comunité en mercui ai 20 de jügn 2018, dales 13:45 da ciasa demez. La mëssa de sopoltöra é dales 14:00 tla dlijia da Corvara.

La Usc di Ladins portará deplü söla vita y söi miric che al s’á fat tla ediziun stampada da en vëndres che vëgn!

media/k2/galleries/7575/thumbs/lenghes.jpg
18 de jugn 2018

Daidede ince os ”Cují speranza”

So Rosemary Nyirumbe dal Uganda á imparé da fá tasces cun lënghes de bossi. Na ert cun chëra che ara ti á dé na prospetiva nöia a n gröm de jones y ëres maltratades. Te Südtirol án coiü adöm 123.000 lënghes, mo l’aziun vá inant cina ala fin dl ann.
”Sewing Hope” - cují speranza. Chësc é l’inom dl proiet metü en pe da so Rosemary Nyirumbe, che é gnüda nominada dal foliet ”Time Magazine” öna dles cënt porsones plü influëntes dla tera. Ci ára pa fat? So mirit é chël da avëi imparé da na ëra filipina sciöche an fej tasces cun lënghes de bossi. Chësta ert - deache insciö pón davëi la tlamé - ára metü man da ti trasmëte a n gröm de ëres jones dl’Uganda. Ëres maltratades, traumatisades y rovinades da na vera zivila de passa vint agn tl paisc ...
media/k2/galleries/7556/thumbs/conzert_musiga-sanciascian.jpg
17 de jugn 2018

Les melodies d’aisciöda a San Ciascian

Ince en chësc ann á la Müjiga da San Ciascian invié a so conzert tradizional. Diplom d’onur a trëi mëmbri dla uniun
En sabeda ai 2 de jügn éra stada tan inant: dales 20:30 s’á implí le salf dles manifestaziuns dla Ciasa dles Uniuns J.B. Rinna. Cun gran plajëi á la müjiga, cun so dirighënt nü Giuliano Federa, podü saludé n salf de jënt, parënc, amisc, jënt da San Ciascian sciöche ince jënt n pü’ da vigni paisc dla valada, mo suradöt ince autorités y personalités sciöche l’ombolt dl comun de Badia Iaco Frenademetz, l’assessur de comun Thomas Pescollderungg, le presidënt dl raiun dles musighes da Bornech Johann ...
media/k2/galleries/7554/thumbs/Bike_Beats_-_Alta_Badia_Trails__by_Alex_Moling_3_Large.jpg
14 de jugn 2018

Le rait cun les rodes

Novite "Bike Beats Alta Badia Trails": Trus dla roda spetacolars a 2000 m tl raiun de Piz Sorega
I apascioná dla roda da munt y roda eletrica (e-bike) ciafa chësc ann n revier implü: chël dla sëmena naturala resservada ala spetacolarité dl sport y divertimënt ziclistich tl’alta Val Badia.
Les rodes da munt pó gní imprestades fora diretamënter al Piz Sorega tl sorvisc aposta, les e-bikes indere fej pert dl conzet E-Bike-Sharing y pó porchël gní piades do pro un di punc de imprëst lasciá jö söl altoplan danter Piz Sorega, Piz La Ila, Col Alt y a val pro i ufizi dles Assoziaziuns Turistiches a ...
media/k2/galleries/7484/thumbs/sas-dla-crusc.jpg
10 de jugn 2018

"Sas dla Crusc 2017"

Chisc dis vëgnel venü la cronica dla Val Badia. 728 plates che documentëia la vita te nüsc paisc tratan l’ann 2017
Al é oramai passè 41 agn da canche la Uniun di Ladins dla Val Badia â dé fora le pröm numer dl „Sas dla Crusc“. Impröma êl plü co ater n sföi olach’al gnô publiché tesć de vigni sort, scric por ladin. Al n’ê porchël nia n liber de cronica, mo plütosc n sföi de ladin. Intratan é le liber chersciü tres deplü y é cun le tëmp deventé le liber olach’al vëgn scrit sö y documentè cun fotografies la vita dla comunité y i avenimënc plü importanc che é sozedüs l’ann denant te nüsc paisc, y ince les ...
media/k2/galleries/7487/thumbs/fablab.jpg
09 de jugn 2018

N bel suzes por les scores altes da La Ila

La terza classa dl istitut tecnich ecnomich da La Ila á tut pert por le cuinto iade al proiet ”Camp For FabLab”, organisé dala IDM tl parch NOI-tech da Balsan. En chësc ann á i studënc condüt a ciasa la belëza de 8 pesć sön 12.
Les scores altes da La Ila á ince iniann tut pert al proiet ”Camp for FabLab”, proiet a livel provinzial, nasciü por promöie l’alternanza scora-laur. I studënc â le compit da svilupé na idea imprenditoriala che se damana n investimënt bas por mëter man cun n’ativité y che ess la poscibilité de marcé. I studënc dla scora da La Ila é gnüs partis sö te cater grups da 5 porsones, che á düc svilupé idees dër originales. De chësta minunga é ince la juria dl proiet, che ti á surandé bëgn 8 pesć sön ...
media/k2/galleries/7491/thumbs/20180606_205330.jpg
06 de jugn 2018

Poesies, ert y musiga a San Martin

Presenté le liber de poesies "N iade y l'anima" de Cristina De Grandi, tl cërtl de ot chedri dl artist Alfred Tavella y les notes musicales de Alex Trebo.
Les prömes impresciuns.

Deplü dla serada y dl liber de liriches ladines nü tla Usc stampada plü inant!
media/k2/galleries/7482/thumbs/paurs.jpg
06 de jugn 2018

Tiers a munt, cun trica

En sabeda ai 2 de jügn á i paurs de Mareo condüt i tiers tla Val dai Tamersc, denanche jí te val’ edema sö inant tles munts. Iniann sinton deplü la trica por le lu.
Da valgügn dis incá él indô les ciampaneles y bronsines de manses y vidí che rondenësc sö por Sas dai Tamersc. En sabeda ai 2 de jügn á i paurs de Mareo condüt sü tiers tla Val dai Tamersc, olache al nen röia adöm ince passa 200. Te n valgünes edemes jarái sö inant, sön Fodara Vedla, Senes, Munt de Senes, Fanes y Fojedöra. Döt normal sciöche i atri agn? No propi, ajache iniann él la sajun te munt che mët man cun la trica. Y chësc ince tles munts de Mareo, olache le lu n’á pordërt nia ciamó fat ...
media/k2/galleries/7471/thumbs/vesco_jeun.jpg
06 de jugn 2018

Indoman junse en Jeunn

Le Vësco dla Diozeja de Balsan-Porsenú Ivo Muser salüda y acompagnëia i pelegrins ladins
Ince en chësc ann jará le Vësco Ivo Muser en Jeunn cun i mile pelegrins dla Val Badia. Al sará i pröms dui dis tla gran prozesciun, y al zelebrará adöm cun siur Degan Iaco Willeit y i atri ploagn dla valada la mëssa sön Jeunn, tignará ince chiló la pordica.

Le Vësco nes sporj chëstes parores danfora: <De cör ves salüdi düc os ëi, ch’i tolëis pert a chësc gran peregrinaje che nes condüj indô söl Crëp de Jeunn. Chisc dis nes condüj ales raisc de nosta diozeja. Al é por me na gran ligrëza ch’i ...
media/k2/galleries/7478/thumbs/corvara_carabiniers.jpg
05 de jugn 2018

Cortí t’auto

I Carabiniers á tigní sö n ël dla Germania y ti á ciafé dui cortí cun lames da 7 a 10 cm. Secuestrades.
Sciöche le Comando Provinzial di Carabiniers da Balsan lascia alsavëi te n comunicat, á i Carabiniers da Corvara tratan n control tigní sö n ël de 27 agn residënt tla Germania. Pro la percuisiziun dla porsona y dl auto án ciafé dui cortí cun lames de 7 y 10 cm, sciöche ince n ”passamontagna”, de chël che al n’á aladô dl comunicat nia salpü da iustifiché le possess. Do i azertamënc é les ermes y le toch de guant gnüs secuestrá, deperpo che l’ël é gnü metü a desposiziun dl’Autorité Iudiziara da ...
media/k2/galleries/7469/thumbs/siur-degan.jpg
03 de jugn 2018

An prëia y cianta por tröp y tröc

Siur Degan Iaco Willeit inviëia a na partezipaziun ativa
Le degan dla Unité pastorala Val Badia Siur Iaco Willeit nes mët a cör deplü prinzips y consëis por jí en Jeunnn. "An vá en Jeunn cun la bona intenziun da jí por Sanc; por perié (dí la corona), cianté, tó pert ales funziuns tles dlijies. An prëia: por söes intenziuns (familia, amisc, benefaturs, sanité, laur, bona racoiüda, fortüna y benedisciun. Por la comunité y i defunc... mo ince do na fede sterscia y sana, por les Cöres, do Vocaziuns, do la pesc, por les porsones responsables tla vita dla ...
media/k2/galleries/7473/thumbs/dimarino.jpg
02 de jugn 2018

Presenté le liber dl dotur Di Marino

Le dotur Giuseppe Di Marino á presenté a Badia so liber ”Il Tao orizzontale”. Na ocajiun por festejé y rengrazié por sü 40 agn de sorvisc sciöche dotur de ciasa tl comun de Badia.
Cun i pröms de ma 2018 é jü en ponsiun le dotur Giuseppe Di Marino, mede de ciasa dër aprijé y gran espert de medejina cineja y agopuntura. Por 40 agn ál lauré por le bëgn y dantadöt por la sanité dles porsones y dla comunité dl Comun de Badia y ince da La Val. La presentaziun de so liber ”Il Tao orizzontale” en sabeda ai 19 de ma é porchël ince stada l’ocajiun por l’Ombolt y l’Aministraziun comunala da ti dí dilan por i tröc agn de sorvisc y de laur.
Na dërta fola de jënt á tut sö l’invit dl ...
media/k2/galleries/7468/thumbs/codesc_san-cristofer.jpg
02 de jugn 2018

Sensaziun te Calogna d’La Pli

Descurida interessanta y importanta: le codejel dal pröm XV. secul che tol ite la liënda en rima popolara de San Cristofer
Dl 2001 á l’Archif provinzial a Balsan avié deboriada cun la Diozeja de Balsan-Porsenú n proiet por l’ordinamënt y l’inventarisaziun di archifs de ploania che é n gran numer y de gran ütl por la storia di paisc y dla jënt dl raiun y ince por interessá y storics foradecá. Al ê da s’aspeté che le laur ess porté a sorpreses nia da vigni de, y ess porté a descurides nia aspetades. Un di archifs plü importanc de chësc vers é chël te Calogna a La Pli de Mareo, che é un di maius y plü vedli dla ...
media/k2/galleries/7430/thumbs/Bildschirmfoto_2018-05-30_um_08.51.03.jpg
30 de mei 2018

Le lu sön Valparora y les laurs tai Tamersc

N documentar sön les Dolomites desmostra sciöche an pó se cherié les imajes bel co che ares plej. Iló vëigon spo ince sciöche laurs sprigorëia vaces tai Tamersc y sciöche n lu s’la roda sön Valparora.
Dl 2015 él gnü tut sö te Südtirol le documentar ”Dolomiten - Sagenhaftes Juwel der Alpen”, na documentaziun de Kurt Mayer y Judith Doppler, che presentëia te na manira spetacolara les belëzes de crëps, contrades y tiers de nüsc raiuns. Le documentar é jü en ona ai 28 y 29 de ma sön l’emitënta todëscia 3sat y valgügn edli acorc (sciöche chi de Igor Tavella che le fej presënt sön so profil Facebook) s’un á anadé che al é valgünes cosses che ne passenëia nia massa. Al menüt 24’13” vëigon p.ej. ...
media/k2/galleries/7417/thumbs/20180522_140736.jpg
28 de mei 2018

La coleziun y donaziun "Angelo Cantagalli"

29 chedri y deplü toc de teracöta scincá al Comun de Badia
Angelo Cantagalli da Forlí ê n ghest che gnô ion en vacanza a Badia. Al ne amâ nia ma la natöra dolomitica, mo ince l’ert: porchël ál coiü adöm te söa vita deplü desënes de operes d’artisć de na valüta (en pert) artistica y finanziara consciderabla.

Na desëna de laurs dla coleziun é sëgn metüs fora tla Biblioteca de Badia a Pedraces.

Deplü söla donaziun, i laurs y i artisć dla coleziun tla Usc di Ladins stampada da en vëndres al 1. de jügn 2018!

media/k2/galleries/7413/thumbs/corvara_sprar.jpg
25 de mei 2018

Corvara: nou sëch al SPRAR

Na manifestaziun tlera dl Consëi de Comun de Corvara cuntra l’assunziun de migranc tres le sistem statal SPRAR. Danter les motivaziuns le tratamënt general dla Provinzia de Balsan ti confrunc di comuns.
Le vëndres ai 25 de ma dales 9:00 êl söl program na reuniun dl Consëi de Comun da Corvara, cun dui punc al ordin dl de. Danter chisc ince l’adejiun al sistem statal SPRAR por l’assunziun de muciadus. Sciöche i un podü documenté, á i comuns da La Val, San Martin, Mareo y Badia dit de scê a n grup de migranc. A Badia êl sté na lîta sfadiosa, che á ala fin albü na maioranza lisiera por le scê. Atramënter éra jüda a Corvara, olache le Consëi á dit n nou sëch. Bëgn 10 aconsiadus - danter chisc ince ...