Val Badia

media/k2/galleries/8865/thumbs/Alta_moda.jpg
09 de dezember 2018

Danter lerch y tëmp

Rott tl Istitut Talian de Cultura de Cracovia
Ai 6 de novëmber él gnü a se le dé tl Istitut Talian de Cultura de Cracovia (Polonia) la vernissaja dla mostra antologica de artisć taliagn intitolada "Essentia. Tra spazio e tempo." La mostra é gnüda metüda da jí tl contest dl de dl contemporan patroziné dala Farnesina - Ministero degli Affari Esteri e della Cooperazione Internazionale, che é gnü zelebré te deplü istituziuns culturales tla Talia y foradecá. 

La mostra é gnüda presentada dal Diretur dl IIC de Cracovia Ugo Rufino y é gnüda ...
media/k2/galleries/8863/thumbs/20181202_152630.jpg
08 de dezember 2018

Segra dai rati

La zeca da Pliscia á dui iadi al ann segra: en San Iorz (23 d’aurí) y en Sant André (30 de novëmber)
En chësc ann á la ploania d’La Pli organisé la Segra dai rati (l’inom vëgn da na sort de res dal corú arance) la pröma domënia de dezëmber y d’Advënt. Chësta festa se orientëia aldô dla veneraziun de Sant André Apostul, le secundo protetur dla Dlijia da Pliscia.

Deplü tla Usc stampada atuala!


media/k2/galleries/8883/thumbs/Lamunt.jpg
07 de dezember 2018

Danns dal vënt ti bosc: Mareo danter i comuns plü atocá

La Repartiziun Provinziala de Economia Forestala á fat n’analisa plü menüda sön les conseguënzes dl rî tëmp danter i 27 y 30 d’otober. Te Mareo 60.000 cubich de lignan tomé.
Le tëmp dla fin d’otober restará codî ti recorc. Les gran plöies y le vënt che soflâ cina 130 al’ora á lascé süa merscia. Sciöche la Provinzia scrí te n comunicat, él cun le rî tëmp gnü danejé bëgn 1.625,4 km de strades y trus. Pro chisc él 1.015,6 km de trus de bosch y de campagna, 423,9 km de strades statales, provinziales, comunales y privates, 179,4 km de sëmenes y 6,5 km de trus dla roda. Lapró él 290 km de trus che é diretamënter sön sperses atocades.

Mareo: 60.000 cubich de lignan tomé
Tl ...
media/k2/galleries/8856/thumbs/Bildschirmfoto_2018-12-06_um_09.55.34.jpg
06 de dezember 2018

Onur ala proteturia, valur ala comunité

Le Cor de dlijia de Badia á festejé Santa Zezilia. Onoranzes ai iubilars de Cor y Uniun di Portaconfaruns
Vigni ann danü se conforta i cors de dlijia, sciöche düc i musizisć, da podëi festejé S. Zezilia, patrona dla müjiga sacra y dl cianté. La Santa vëgn recordada tl calënder ai 22 de novëmber. Insciö vëgnel tigní chisc dis, te tröc posć fora por Südtirol, dai cors y dales müjighes conzerc en so onur. I cors de dlijia onorëia süa Santa tratan la zelebraziun liturgica dla festa de Crist Re. Chëstes döes festes stlüj jö l’ann liturgich, por ti dé lerch al advënt, al tëmp dl chît, dla preparaziun ala ...
media/k2/galleries/8839/thumbs/lumen_kronplatz.jpg
05 de dezember 2018

"Lumen" ó dí löm

La fotografia de munt ciafa so museum sönsom Plan de Corones te na lerch de 1800 m2
I manajadus de Lumen incër la sozieté "Funivia Plan de Corones" SpA, se tol dant da presenté tl museum (che ó dí por latin "löm") retrac storics y inovaziuns digitales, mostres contemporanees emozionantes y produziuns spetacolares. Le program dess ester caraterisé a na manira interdisciplinara: alpinism, turism, politica, spiritualité y storia. Le tema dla munt dess insciö gní manifesté da deplü prospetives.

Dessegné dal architët Gerhard Mahlknecht, firma por le conzet y l’alestimënt le stüde ...
media/k2/galleries/8838/thumbs/volontars.jpg
05 de dezember 2018

Ma bun ch’al é i volontars...

I 5 de dezëmber é le de internazional dl volontariat. Tl Südtirol él passa 150.000 porsones che se dá jö tl volontariat

Che al sides la Musiga, i Stödafüch, l’Aiüt Alpin, la Crusc Blancia, le Sport, la Dlijia, la Jonëza o la Jënt de tëmp... te n gröm de ciamps é le volontariat deventé essenzial, o dit atramënter: sce al ne foss nia i volontars, ne stess tröpes lies gnanca en pe. Te Südtirol sunse de chësc vers tera santa. Passa 150.000 porsones de nosta provinzia se dá jö cun ativités de volontariat, dij la Provinzia te n comunicat, mené fora en gaujiun dl De Internazional dl Volontariat ai 5 de dezëmber. I ...

media/k2/galleries/8830/thumbs/liadamunt.jpg
03 de dezember 2018

Lia da Munt Ladinia - Val Badia: le 15% é ala pert

Cun 1.633 iscric tl 2018, él tla Lia da Munt Ladinia - Val Badia bëgn le 15% dla jënt dla valada ala pert. Ai 23 de novëmber él sté la reuniun generala.
La Lia da Munt Ladinia á tigní en vëndres ai 23 de novëmber süa reuniun generala tl salf dles manifestaziuns a San Martin de Tor. Le presidënt dla Lia á podü saludé dantadöt les tröpes autorités y na bela cumpëda de comëmbri gnüs adalerch. Tla reuniun él gnü fat n ressumé sön l’ativité fata tratan l’ann, mo al é ince gnü ciaré inant y presenté le program por l’ann 2019. An á podü constaté che la Lia da Munt é na gran assoziaziun, ara tol ite döta la Val Badia y é rapresentada te vigni comun. Tl ...
media/k2/galleries/8822/thumbs/I_Dolci_di_Ricky_Richard_Wieser_e_il_figlio_Franz.jpg
02 de dezember 2018

L’Alta Badia protagonista dla "Guida Michelin" y dl "Gambero Rosso"

Confermades les stëres ai coghi y restoranc, döes tortes ala conditoria "I Dolci di Ricky"
Ales portes dla sajun da d’invern él ruvé adalerch la notizia che confermëia le raiun turistich dl’Alta Badia sciöche "ciasadafüch" de pröma cualité. Nia ma les sis stëres Michelin di restoranc St. Hubertus, La Siriola y La Stüa de Michil n’á le mirit, mo ince la classificaziun nöia y plü alta dla conditoria "I Dolci di Ricky" che se aiudichëia bëgn döes tortes tla guida renomada dl "Gambero Rosso".

La nona ediziun dla guida plü ducia dl "Gambero Rosso", "Pasticceri & Pasticcerie 2019", ...
media/k2/galleries/8821/thumbs/Bildschirmfoto_2018-11-30_um_08.58.58.jpg
01 de dezember 2018

Reduziun al essenzial: a bëgn dla porsona, dl post y dl material

L’architët jonn d’La Pli de Mareo Daniel Ellecosta vëgn premié cun pesć renomá por le respet dl "genius loci", les formes concretes dla ciasa y l’aplicaziun de sistems energetics naturai y inovatifs. Söa ciasa familiara "am Hörmannweg" a Truden pëia do le "german design award 2019"
Daniel Ellecosta pó se sintí brau por i suzesc de söa cariera ciamó jona. Chësc ann 2018 röiel adalerch sciöche na bela splijina deplü pesć y nominaziuns por söa ciasa "al Hörmannweg" a Truden, danter chisc le titul de "german design award 2019" (davagnadú de categoria), "piranesi award" (nominaziun), "the plan award 2018" (finalist) y l’inserimënt danter "les 50 mius ciases de familia 2018". La motivaziun ofiziala dl "german design award": Le bel dessëgn concret ti vá do formalmënter ala ...
media/k2/galleries/8816/thumbs/vesco_badia.jpg
29 de november 2018

Ci fajunse pa cun la domënia?

La Unité Pastorala Val Badia á invié ia na inrescida tles 12 ploanies dla valada. I chestionars ciafëise ince online.
En gaujiun dla vijita pastorala dl Vësco Ivo Muser d’otober y novëmber 2017, êl gnü metü al zënter suradöt trëi tematiches: la pastorala dla familia, la Caritas - ciarité y la Domënia sciöche de dl Signur. Rodunt sön chësc ultim punt án debatü ince defora dai grëmi de dlijia. La domënia vëgn odüda tres deplü sciöche de de tëmp lëde co de dl Signur. Al é le de olache tröc fej na jita sö por munt o zënza invalgó, n de che i gragn dl comerz á maladoré por invié indô n iade da spëne y cumpré ite. Y ...
media/k2/galleries/8785/thumbs/pistes.jpg
28 de november 2018

Plan de Corones y Alta Badia deura les prömes pistes

Le raiun dai schi de Plan de Corones dauriará le vëndres ai 30 de novëmber, chël dl’Alta Badia la sabeda ai 1. de dezëmber. Ci che sará davert!
Zacó che ara é jüda - te chi püc dis de frëit á les sozietés di lifc de Plan de Corones y Alta Badia fat miracui, por ester bunes da daurí por tëmp altamo n valgönes pistes. Por chi che ne vëiga ignó l’ora da se mëte söi schi o söla brëia, éra tosc tan inant.

PLAN DE CORONES
Sön la plata ofiziala lion che cun le vëndres ai 30 de novëmber gnarál daurí 18 pistes y 18 implanc. Por ci che reverda les pistes, gnarál daurí dala pert d’Al Plan Miara, Col Toronn, Pre da Peres 32 y 32R, Rara 31, ...
media/k2/galleries/8784/thumbs/localdijogn.jpg
28 de november 2018

San Ciascian: local nü por i jogn

San Ciascian á indô n grup di jogn, y sëgn ince n local nü, che é gnü benedí en chësc de
Bele dan da apresciapüch n ann s’á n valgügn jogn da San Ciascian - Simona Ploner, Maximilian Declara, Franz y Maddalena Pescollderungg, Julia Frenademez y Julia Mangutsch - metü adöm por mëte indô sö na uniun di jogn te paisc. Te chësc tëmp s’ái dé da fá suradöt por daurí n local di jogn nü, do che le vedl, olache la schira jonila se incunta ciamó regolarmënter, ê gnü saré por motifs desvalis. En domënia do la gran mëssa án spo finalmënter podü inauguré le local nü. Cun gran plajëi á le comité ...
media/k2/galleries/8782/thumbs/campagna_altabadia.jpg
27 de november 2018

L’Alta Badia te n guant elegant

La maiú pert dles localités dai schi anüza n lingaz de comunicaziun similar, cun campagnes basades sön imajes iconiches, panoramiches y sportives. Chësc é ci che é gnü fora da n’analisa che Alta Badia Brand á lascé fá da na ajentöra internazionala da Verona, por capí spo sciöche an pó promöie ”atramënter” l’Alta Badia, cun n lingaz desferënt y particolar. L’Alta Badia ó ince te chësc ciamp ester n vare danfora respet ala concorënza y porchël éson dla convinziun che ince le conzet y la strategia ...
media/k2/galleries/8779/thumbs/fongun.jpg
27 de november 2018

Ci fongun é pa n tal?

Ti bosc sura Picolin él gnü ciafé n fongun dër demorvëia, cun temperatöres sot a nul.
I ne me stufará mai da le dí: la natöra nes scinca tres indô morvëies y coriosités, che an vëiga ma sce an se tol le tëmp da ti ciaré. Pro öna de chëstes morvëies é rovada Cristina Moling da Picolin, che á ciafé te bosch sura Picolin sö le fongun ch’i odëis tl retrat. Y chësc amez novëmber, canche les temperatöres ê bele jüdes val’ dis sot a nul.
Personalmënter ne n’âi iö mai odü n te’ fongun, mo t’internet y da porsones plü espertes ciafon fora cichessî. Ara se trata de n fongun a stëra, che á ...
media/k2/galleries/8774/thumbs/maratona.jpg
26 de november 2018

Maratona: 31.600 domandes y solidarieté ince por Col y Fodom

La Maratona dles Dolomites scrí inant zifres demorvëia: 31.600 domandes d’iscriziun. Ai 28 de novëmber vëgnel venü iscriziuns extra por daidé ince i comuns da Suramunt atocá dal rî tëmp.
Intratan che tröc pënsa bele ala sajun dai schi, vëgnel les prömes zifres che reverda la proscima Maratona dles Dolomites, la nr. 33, che gnará desfirada la domënia ai 7 de messé 2019, sot al tema ”Duman”.
Sön le sît ofizial www.maratona.it él rové ite bëgn 31.600 domandes d’iscriziun, da indöt 90 paisc dl monn. Sciöche an sá, nen sarál ma incër 9.000 che podará tó pert, porchël n’él sciöche vigni ann gnü trat fora na buna pert ala niza. I inoms di fortuná é sön le sît.
Por chi che n’é nia gnüs ...
media/k2/galleries/8766/thumbs/Bildschirmfoto_2018-11-22_um_10.49.49.jpg
26 de november 2018

Lian ladin sura confin

Por coltivé i lians culturai danter vijins y raforzé i raporc istituzionai cun i Grijuns y le Friul mët a jí la Facolté de sciënzes dla formaziun dla Université Lëdia da Balsan sön iniziativa dl prof. Paul Videsott bele da tröc agn escurjiuns y barac culturai alternativamënter vigni dui agn tl Friul respetivamënter ti Grijuns. En chësc ann ára indô toché da jí ti Grijuns
Dai 12 ai 15 de novëmber 2018 á n grup de 22 studënc y acompagnadus n pü’ da dötes les valades ladines podü desfiré n program internsif y interessant, jon a vijité istituziuns, posć conesciüs y atraziuns artistiches y storich-culturales. Cun n pice bus é la escurjiun piada ia da Porsenú en lönesc ai 12 de novëmber por jí spo naota sö por le Venost. Do na picia palsa y n café tla cité de Glurns é le iade jü inant cina do le confin dla Talia, plü avisa cina tla localité Mustair, le pice paisc ...
media/k2/galleries/8765/thumbs/Planet__copertina_-_07.11.indd.jpg
25 de november 2018

Trëi de bi libri ladins nüs

Cunties tl lingaz ladin che ralegrëia y sá da insigné
Le marcé da Nadé tl Salf Laur Protezioné “La Spona”, olache al gnará venü creaziuns artejanales y libri ladins, é oramai deventé na tradiziun. Te chësc contest presenterá l’Uniun di Ladins Val Badia en domënia ai 2 de dezëmber dales 14:30 trëi publicaziuns nöies y, damperfora, dales 14:00, podarán ascuté cianties y melodies d’Advënt. La presentaziun di libri gnará abelida da n intrategnimënt por i mituns, che è i destinatars di libri nüs, da pert de Silvia Liotto.
Chëstes trëi novités ...
media/k2/galleries/8764/thumbs/Bildschirmfoto_2018-11-22_um_10.42.24.jpg
24 de november 2018

Püri bosc, püri trus, püri paurs!

Efec dla gran tempesta dla fin de otober: Le prisc dl lignan toma, l’opera vëgn plü cera, y al é gran prigo che l’arlogn (tod.: "Borkenkäfer") ciafes segra y che i trus de bosch se ciafes na dada
La reuniun dla "Assügheraziun dai Tiers" a La Pli dan otedé é gnüda anuzada ince por informé dles ultimes por i danns ai bosc fac dala gran tempesta de chël ultim lönesc de otober che á splaié sö ince nostes valades ladines. Les informaziuns, cun val’ indicaziun pratica, é gnüdes dades dal verdabosch dla staziun d’Al Plan de Mareo Pire Unterweger.

Deplü tla Usc stampada gnüda fora chisc dis!

media/k2/galleries/8738/thumbs/Bildschirmfoto_2018-11-22_um_08.51.03.jpg
22 de november 2018

Löm vërda por Strada Vera

La strada comunala danter Plan dal’Ega (Longega de Sora) y Plazes defora da Pliscia é indô daverta
Por mirit di laurs fac dai lauranc de bosch y de na dita de costruziun él gnü taié i lëgns tomá te strada ala fin de otober tla gran tempesta y sistemé la rota. Al momënt é la strada transitabla.
La strada altafora danter Pliscia y Sares é chisc dis stlüta ai auti por rajuns di laurs da romené sö i bosc che vëgn fac.

media/k2/galleries/8729/thumbs/paurs_2.jpg
21 de november 2018

L’Assügheraziun dai Tiers por La Pli y Al Plan

En cösc ann él gnü paié fora endöt 20.880,00 € a paurs por la pordüda de tiers. Le presidënt Peter Hochwieser de Rü enviëia i paurs da dé dant tresfora avisa i tiers co é te stala: ma ensciö pól gní reconesciü le dann
L’Assügheraziun dai Tiers La Pli á atualmonter 1.240 tiers assügherés: 943 danter vaces, manses y videles, 5 danter lamas y alpacas, 14 bos, 19 manc, 23 ciavai, 4 müsc y 232 ciöres. Zacan en de á le presidënt Peter Hochwieser cherdé a na reuniun tla Ostaria Sotrú a La Pli de Mareo por trá bilanz söla sajun passada.

Deplü tla Usc stampada da dodoman vëndres!