Val Badia

media/k2/galleries/8501/thumbs/auto_splundre.jpg
20 de otober 2018

Splundrun söla strada dla Val Badia

Inzidënt che ess podü avëi de burtes conseguënzes, en vëndres söla strada dla Val Badia. N ciafér de n auto potënt á fat surpassades vagades y é salté adöm cun n auto che gnô decuntra. La patënt s’un é por n pez.
Baldi n’él tres ciamó de chi che tol nostes strades sciöche percursc de gara. Insciö éra ince sozedüda en vëndres ai 19 d’otober incër les 11 danmisdé, canche na porsona al volan de n Porsche potënt gnô da Longega ite cuntra Picolin. Sciöche an sá, n’é les poscibilités da surpassé nia tröpes, mo impó l’á le ciafér vagada plü iadi ince tles y dan les ótes. Insciö ál tlafinada superé l’ambulanza dla Crusc Blancia Alta Badia y orô ciamó passé ia n camion, canche al vëgn decuntra n ël dl post. Por ...
media/k2/galleries/8500/thumbs/pasciun_1.jpg
19 de otober 2018

Capolaur "Nia de parora" a La Val

Garatada, y co, la premiera dla Pasciun di discepui aladô dl toch "Die Ungetreuten" de Karl Herbst cun musighes fora dl Messias de G.F. Händel!
Al é sté na rapresentaziun cun momënc dër soc, cun musighes de livel (orchestra ocajionala) y Cor de dlijia da La Val, döt sot la direziun musicala de Elio Clara. Le maiú aplaus ti vá a na reediziun de na trama vedla duimile agn, zënza tomé tl descritif, y cun na tenjiun nia da crëie canche i valurs che vëgn dant cun parores atoca tla emoziun y tla esperiënza de vignun che ciara pro tl publich.
Cun coreografies, datrai simboliches, datrai decoratives, vëgnel cherié la parüda che i incuntun vigni ...
media/k2/galleries/8462/thumbs/pasciun_1.jpg
18 de otober 2018

“Nia de parora” ala pröma

Do mëisc de laur y de proes, é döt arjigné a La Val por le teater “Nia de parora”, la rapresentaziun dla Pasciun di discepui de Gejú, acompagnada dales musighes fora dl “Messias” de G. F. Händel
Le toch teatral é na traduziun (cun adatamënt) de “Die Ungetreuen” che l’autur todësch Karl Herbst (1916-2004) á scrit tl 1952. Herbst, do avëi studié teologia, é sté assistënt spiritual tla DDR, cina al 1971, y s’á dagnora dé jö cun tematiches religioses, te sü teatri. La particolarité de “Nia de parora” é le punt de odüda dramaturgich: al ne roda nia incër la figöra de Gejú de Nazareth tles ores che al vëgn mazé söla crusc, mo tles aziuns y reaziuns de sü discepui, che é te n iade arbandoná ...
media/k2/galleries/8461/thumbs/miniatura_dlijia-badia.jpg
18 de otober 2018

I 20 agn dl "Rait de San Linert"

Aspetan la ediziun iubilara ai 4 de novëmber, ciarunse zoruch ala storia de na manifestaziun danter veneraziun cristiana y festa popolara cun tröpa pasciun por i ciavai y le tradizional, che á salpü da crësce y devënta ince n potenzial de atraziun de cultura autentica ladina
Maria Nagler Trebo de Badia se recorda avisa co che al ê nasciü laota le rait di ciavai a Badia. L’idea â ciafé forma tl consëi de ploania, cun le presidënt Iaco Clement. Maria Nagler Trebo: "Siur degan Franz Sottara nes â metü a cör: Fajesse n pinsier por la festa de San Linert! Insciö m’él tomé ite da fá la proposta de na benedisciun di ciavai, por onoré un de nüsc patronns San Linert." Maria Nagler Trebo â nu che la veneraziun de San Linert é dër grana y sota te Bayern, y che al é posć ...
media/k2/galleries/8454/thumbs/ru_badia.jpg
17 de otober 2018

Por n rü plü sigü

Chi dai Rüs á fat y fajará inant laurs por assiguré le Rü de Ciadinat a Badia, olache al ê iniann da d’aisciöda gnü jö bindebó de roa.
Bele l’ann passé á chi dai Rüs - l’inom ofizial é Ofize Sistemaziun di rüs da munt y paralovines ost - metü man da lauré por mëte en segurëza le Rü de Ciadinat a Badia. ”Al é gnü stabilisé le let dl rü tres tlüses de lëgn y ciostuns”, scrí la Provinzia te n comunicat. Iniann ai 10 d’aurí da sëra gnôl indere alarmé i stödafüch de Badia y da La Ila, por fá n intervënt pro le medemo rü. Por gauja dl deleghe dla nëi êl gnü jö na roa, che â mené paltans y pedruns cina te rü, rovan cina dlungia i ...
media/k2/galleries/8447/thumbs/50agn_vacanza.jpg
16 de otober 2018

50 agn de vacanza tl’Alta Badia

Le per Bruno y Margaret Koepke á podü pié do na reconescënza tl Hotel Stella (L’Ost) a La Ila
Passé la vacanza por 50 agn alalungia tl medemo raiun n’é aldedaincö nia plü na noela da vigni de, tan demanco sce an vëiga che schiadus y escurscionisć ó se ciaré jö tres plü posć incërch y passé vacanzes tres plü cörtes. Ci che fej fora la desfarënzia danter aldedaincö y laota é la sensaziun y condiziun da messëi avëi prescia.

La prescia n’á Bruno y Margaret Koepke da Dortmund mai sintí tan inant da messëi renunzié da gní ann por ann dla Val Badia. Y sëgn sce ai ciara zoruch él bëgn mez secul ...
media/k2/galleries/8443/thumbs/infoart_laurs-te-ciasa.jpg
15 de otober 2018

Desdit le referat "Ma scüfs por ciasarines?"

Le referat programé por endoman, ai 16 d’otober, a La Ila, cun Astrid Schönweger á messü gní desdit
Le laur de ciasa vëgn tres ciamó araté n laur dles ëres, sciöche ince l’educaziun di mituns y la cura dles porsones atempades. Chësc laur ne vëgn mai paié da degügn, mo al é la fondamënta dl’esistënza de vignun y ince dla sozieté. Implü vá les ëres ince ciamó a lauré.

La tematica é atuala y sintida te tröpes families, y gnará tratada dessigü te na ocajiun plü inant!
media/k2/galleries/8442/thumbs/ciampanes_longega.jpg
15 de otober 2018

Mareo tol demez les ciampanes y baraches dal refodam

La Junta dl Comun de Mareo á tut la dezijiun da tó demez a Al Plan, La Pli y Rina dötes les ciampanes dal refodam, mo ince les baraches dal cartun. La gauja prinzipala: le malcomportamënt de valgügn.
Dai pröms d’agost incá él a desposiziun dla jënt dl comun de Mareo n zënter de reziclaje nü, tl raiun produtif Ciamaor, daite d’Al Plan. Tl zënter án la poscibilité da dé jö y despartí de vigni sort de ciomënt che n’ê denant nia: dlungia cartun, papier, spidl y bossi, pón sëgn danter l’ater ince dé jö refodam grou, lignan, ciomënt da tosser o tetrapak - por nen nominé n valgügn. N sorvisc d’öga por la popolaziun. Sëgn á la Junta marora tut la dezijiun da fá n vare inant, chël da tó demez cun la ...
media/k2/galleries/8435/thumbs/Bildschirmfoto_2018-10-12_um_09.19.47.jpg
14 de otober 2018

Rondel por le Supertip a Bornech

La Provinzia á scrit fora i laurs por la costruziun de n rondel söla strada danter San Laurënz y Bornech, tles vijinanzes dl Supertip
I laurs dess mëte man d’aisciöda dl 2019. Le rondel ará n diameter de 28 metri, la strada incëría sará 8 metri leria. Na spana dla strada atuala SP40 lungia 300 metri sará interessada dai laurs. Ince a n marciapisc él gnü ponsé tla proietaziun.
I cosć por la Provinzia sará de 1,4 miliuns Euro. Le Comun da San Laurënz fajará ia les pratiches por l’esproriaziun di terac.

media/k2/galleries/8436/thumbs/utiadeputia.jpg
12 de otober 2018

I jogn ciafa na ciasa sön Börz

Vare storich por le laur por la jonëza tla Val Badia y te Gherdëna. Le Sorvisc ai Jogn y la Cöra da Balsan á arjunt n’acordanza por la gestiun dla Ütia de Pütia sön Börz. L’ater ann gnarára ressanada y podará gní anuzada dales lies che laora cun mituns y jogn.
La Ütia de Pütia é na strotöra sön le ju de Börz, che é da 49 agn incá tla proprieté dla Cöra da Balsan, che l’â metüda a desposiziuns por grups desco minis o schires joniles, por passé valgügn dis te munt. Incö n’é la ütia indere nia plü tles mius condiziuns y ara adora n ressanamënt. Val’ podess sëgn defata se mudé, deache ai 8 d’otober él gnü fat n vare storich: ian Funes él gnü tigní na sentada danter rapresentanc dla Cöra da Balsan y le Sorvisc ai Jogn Val Badia. Deache la ütia é sön ...
media/k2/galleries/8399/thumbs/aiutalpin.jpg
10 de otober 2018

Corvara: Desgrazia tla Val Scüra

N basejumper de 27 agn se sciüra da Sassongher jö, perd le control y mör.
La desgrazia é sozedüda en mertesc ai 9 d’otober domisdé. Püch dan les 16:00 gnôl alarmé l’Aiüt Alpinisć Alta Badia, por na desgrazia sozedüda a n basejumper de 27 agn. Le jonn di Paisc Basc ê jü cun compagns sön Sassongher, por se sciuré dala piza de I Fulminanti jö cuntra Val Scüra. Indere é le salt jü stort: le jonn á pordü le control y é splundré jö por Val Scüra. Por ël n’él plü sté nia da nen fá. Atira á pié le jore l’elicoter dl Aiüt Alpin Dolomites, che á impröma messü ciafé fora olache ...
media/k2/galleries/8397/thumbs/Alta_Badia_Hiking_-_trekking_by_Alex_Moling_9.jpg
09 de otober 2018

Le potenzial dl isté

L’Alta Badia ciara ala fujiun dles ATs y ala creaziun dla ATAB, che gnará operativa ai 1-1-2020, y se mët dant na desfida nöia: amplié la sajun turistica cina a 115 dis - cun i lifc en funziun, i sorvisc daverc y i prisc che podess - aladô dl presdiënt dl’AT Corvara Oscar Alfreider - ester plü alc: "Madër nia druché i prisc jöpert tla spana do feragost, che chësc é cuntraprodutif por döt le raiun y n autogol por chi che aratada da trá denfora profit!"
L’isté tles Dolomites á n potenzial che crësc da ann a ann. I dac dl’Assoziaziun Turistica a Corvara mostra sö che les presënzes da ma a agost é stades dl 2014 indöt 270.871, dl 2015 en total 299.728, dl 2016 indöt 329.101, dl 2017 bele 338.940 y en chësc ann 344.662.

(foto: alex moling)

Deplü tla Usc stampada che vëgn fora en vëndres!
media/k2/galleries/8390/thumbs/Bildschirmfoto_2018-10-08_um_09.03.52.jpg
08 de otober 2018

STOP ai motors iten Antersasc

Jí cun le motor tla Val de Antersasc n’é nia conzedü, recorda i carabiniers y la forestala. N grup de porsones cun le motor s’á ciafé straufunghes.
N grup de porsones á ciafé straufunghes ai 4 d’otober tla Val de Antersasc tles vijinanzes de Crëp dales Dodesc tratan che ai fajô motocross. Insciö él la forestala y i carabiniers che é intergnüs porvia che al n’ê nia gnü respeté la proibiziun dla zircolaziun te zones sot a sconanza y por le drumblamënt fat. Le diretur dl Ispetorat dla forestala da Bornech, Silvester Regele, comunichëia l’intervënt dla forestala adöm cun i carabiniers dla val Badia. “Ince sce ...
media/k2/galleries/8386/thumbs/20181004_184933.jpg
05 de otober 2018

Le monn adora "ressonanza"

Cun n referat dl soziologh y autur Hartmut Rosa söles manires dl vire d’aldedaincö (tecnologiches, globales y mobiles) él gnü daurí insëra a Al Plan la conferënza na.tour. Dedô vernissaja cun musiga por la mostra coletiva de Paul Sebastian Feichter, Hubert Kostner, Treefisters, Alfred Tavella y Guido Tavella tla "Altavia Garage" dl Hotel Excelsior

Te na conferënza tocia y plëna de interessá gnüs dal paisc, y ince da plü posć y valades de Südtirol y da foradecá, á Hartmut Rosa, dër conesciü sciöche soziologh che ti ciara ai aspec dla vita moderna, y professur dla Université de Jena (Germania) sciöche ince diretur dl Max-Weber-Kolleg a Erfurt, tigní n referat de n’ora söl tema "Ciodí che i arpizun crëps y i jun tl museum". Hartmut Rosa nes descrí n monn de vita ozidentala plëna de prescia y stress, fata de na "lista cuotidiana" che ne ...

media/k2/galleries/8350/thumbs/viles-copa_dl_monn.jpg
04 de otober 2018

Les "viles" ales gares de Copa dl Monn

I dis 16 y 17 de dezëmber sarál indô döes gares dl Audi Fis Ski World Cup söla Gran Risa, le slalom gigant classich y le slalom lerch paralel. Trëi les novités colaterales
Les trëi novités á inom Red Bull Energy Lounge, Les Viles di Blizzard-Tecnica y Gran Risa Style. Düc chisc trëi punc cardinai tl program dles gares tin cunt dl moto promozional che l’ABB ó mëte en at.

La lounge Red Bull gnará realisada tl frabicat plü dlungia al travert, cun na gran terassa olache an podará odëi te n post privilegé les gares y döt ci che suzed tl raiun dl travert. Tla lounge instëssa ará i ghesć la poscibilité da odëi y incunté i atlec da gara.

Ince les viles gnará tematisades ...
media/k2/galleries/8340/thumbs/scolina_alplan.jpg
04 de otober 2018

Al Plan: aspetan l’urt de scolina

Les scores y la scolina d’Al Plan é incertlades da cantiers, deache al vëgn lauré por fá danü les plazes. La scolina é implü da passa n ann zënza gran pert dl urt. Na desfida implü, cun 75 mitans y mituns.
Bele l’ann passé da d’aisciöda á le Comun de Mareo invié ia i laurs por arjigné danü la plaza dles scores, olache al dess garaté ince n ciamp dal palé, plü sperses vërdes, sperses por i mëndri da salté y soghé y nia inultima n garasc sot tera ite, por impormëte da tó demez düc i auti dan les scores. Cis tl pröm él sté dificoltés da frabiché, deache le terac é raité jö, cun lapró ince na pert dl urt de scolina. Chësc á comporté che la scolina d’Al Plan é romagnüda döt l’ann de scora 2017/18 ...
media/k2/galleries/8337/thumbs/igortavella.jpg
03 de otober 2018

Tru dla roda? ”Tla Val Badia n’án mai mostré interes!”

Tla Val Badia vëigon tres plü rodes, mo dötaorela mancel n tru che coliëies i paisc dla valada, y la valada cun Puster. I nen un baié cun Igor Tavella de Badia, che majina ann por ann n gröm de chilometri söi pedai.
En chësc de á Igor Tavella de Badia metü sön so profil Facebook n video olache al pedalëia sön le tru dla roda de Puster. Al röia pro na tofla che sëgna insciö: passa 50 mile ziclisć él passé ma iniann. Lapró na tofla cun la rëi de trus dla roda: da Bornech cina sö Toblach y inant a Cortina, o jö cuntra Porsenú y sö cina söl Prener. Ci che mancia: la Val Badia. Nosta valada ne n’á dötaorela degun tru dla roda che la coliëies cun Puster, mo gnanca n tru danter i paisc, sc’i tolun fora le toch ...
media/k2/galleries/8336/thumbs/franzvittur.jpg
03 de otober 2018

I 90 agn de Franz Vittur

Na personalité merscia dla scora ladina y dla sozieté badiota
Indoman, en San Francësch, complësc Franz Vittur 90 agn. Nasciü dl 1928 a Badia, ál fat la matura da maester atira do la Vera, dl 1946. Dl 1955 s’ál laureé de filosofia y pedagogia al’Université de Firenze. Dl 1962 ál fat l’ejam de concurs da diretur de scora a Roma, dl 1975 chël de concurs da ispetur de scora. Maester él sté a Badia dal 1946 al 1958, spo deventôl diretur dles scores elementares dla Val Badia dal 1958 al 1975 (ala pert cun les scores elementares de Gherdëba dal 1966 al 1970). ...
media/k2/galleries/8330/thumbs/proa1.jpg
02 de otober 2018

Y sce al vardess sön munt?

Medefüch tla ütia de Gherdenacia. Por fortüna êl ma na proa, mo i Stüdafüch da La Ila ó ester arjigná, porchël án simulé n medefüch te ütia, che s’á ince damané l’intervënt dl joler.
I stödafüch vëgn aldedaincö cherdá por de vigni sort de intervënc. Por la maiú pert él aldedaincö intervënc tecnics, mo nasciüs ési suradöt por salté ite tl caje de medefüch. Por ester arjigná tles situaziuns plü desvalies mësson sambëgn tres indô porvé y s’eserzité. Ai 22 de setëmber á i Stüdafüch da La Ila fat na proa particolara, te chëra che al é gnü simulé n medefüch tla ütia de Gherdenacia. Por desfiré chësc intervënt particolar án ince messü cherdé adalerch le joler, che á impröma condüt ...
media/k2/galleries/8329/thumbs/turism_2.jpg
02 de otober 2018

La jënt dla valada podará dí la süa

L’edema che vëgn ciafará les abitaziuns y families dla Val Badia n formular da scrí fora por n stüde mené inant dal Eurac sön iniziativa di Comuns de Corvara, Badia, La Val, San Martin de Tor y Mareo
La "Eurac Research - Center for Advanced Studies" cun le coordinadú Gerhard Vanzi é tl laur da laoré fora na analisa di potenziai strategics dla destinaziun turistica Val Badia y so svilup, tres tl lian danter turism y agricoltöra/contrada. Al dess gní a löm a fin dl proiet sciöche resultat na prospetiva economica y soziala dl raiun de vita y vacanza.

Le proiet "Svilup sostenibl dl habitat y dl turism Val Badia" é gnü metü en pe sön iniziativa di Comuns de Corvara, Badia, La Val, San Martin de ...