media/k2/galleries/8688/thumbs/BienalaUnejiaONLINE.jpg
15 de november 2018

Freespace: studenc a la Bienala de Unejia!

Trei clasc del lizeo scientifich à vijità una de la mostres de maor prestije del mond
La Bienala de Unejia l’é una de la rassegnes de èrt contemporèna del mond più de nonzech e de età. En mercol ai 24 de otober la classes terza, quarta e quinta del lizeo scientifich de la Scola Ladina de Fascia les é jites a ge dèr na veièda. E dassen grana l’é stat la marevea de duc i studenc.

La Bienala é nasciuda del 1895 per sostegnir l’èrt de Unejia e de duta la Tèlia. L’é stat la pruma esposizion bienala d’èrt del mond, la se à cruzià e la se cruzia de portèr en aut la beleza de l’èrt tras ...
media/k2/galleries/8679/thumbs/junaciante_cuertl.jpg
15 de november 2018

Deplü co n liber da cianties

”Jun a cianté!” é le titul de na publicaziun nöia realisada da André Comploi d’Al Plan/Viena, che contëgn 25 cianties tradizionales por mituns, te cater lingac. N contribut al cianté deboriada y al plurilinguism di mëndri. La novité: les cianties pón ince ascuté online o s’les tó para te na app.
Chësta sabeda ai 17 de novëmber dales 4 domisdé gnarál presenté tl salf dl Istitut Ladin a San Martin de Tor na publicaziun nöia, che porta le titul ”Jun a cianté!”. Ara se trata de na racoiüda de 25 cianties tradizionales por mituns cun la particolarité che ares é dan man te cater lingac: ladin, talian, todësch y inglesc. La opera é gnüda dada fora tres l’Istitut Ladin ”Micurá de Rü” y an podess la definí le früt de n sforz musical y ince leterar fat dal espert cultural y musical André Comploi ...
media/k2/galleries/122/thumbs/e0c0c61f26b2313f46e1e2f476a05382.jpg
09 de november 2018

Liejede l’edizion nueva!

media/k2/galleries/8677/thumbs/Bildschirmfoto_2018-11-14_um_16.17.16.jpg
15 de november 2018

Gernot Mussner presidënt d’unëur

Do set ani dà l prësident dl’Assoziazion Nternaziunela di Jurnalisć de Schi ANJS Gernot Mussner ju si mandat. Uneranza.Foto: l prësident Gernot Mussner, a man drëta, cun Tina Maze y Patrick Lang. Deplù tla USC stampeda di 16 de nuvëmber.Julia Lardschneider
media/k2/galleries/8630/thumbs/ComemorazionVeraONLINE.jpg
15 de november 2018

Onor al sacrifizie per n davegnir de pèsc

Desche ogne an l’é stat endrezà sun Ciaslir de Vich la comemorazion di sudé morc te la Gran Vera. Per l’ocajion l’é stat renovà l cuert del teac de la cortina
En sabeda ai 3 de november tel prum domarena te la cortina de vera de Vich l’é stat la tradizionèla zerimonia de comemorazion di sudé morc, che à tout sù na valuta particolèra per i cent egn da la fin de la Gran Vera.

I gropes e la jent se à binà te piaz de paìsc per jir en defilèda, con la Musega da Vich, fin sun Ciaslir, olache l’é stat la comemorazion de don Andrea Malfatti.

L’era i Alpins da Moena fin ta Cianacei, i Scizeres de Fascia, i Studafech da Vich, na raprejentanza de la Crousc ...
media/k2/galleries/8678/thumbs/IMG-20181113-WA00211.jpg
14 de november 2018

I on. De Menech e Delrio in vijita a Col

Inier darè marenda l on. Roger De Menech e l ex ministro a le infrastrutture e ai trasporti on. Graziano Delrio i é ruai fin sa Col per vede i dagn che l ruo temp l à fat a cese e bosch. Acompagnei dal capocomune Paolo Frena e dai doi assessor Carlo Agostini e Maurizio Troi, suo viaz ntel comun l s'à sarà via via l Crep (Belvedere) da ulà che po l é jù navant nte auter comugn del Agordin tocai da la malora.(De pi su la Usc de vender 23 de novembre)
media/k2/galleries/8674/thumbs/Bildschirmfoto_2018-11-14_um_13.47.27.jpg
14 de november 2018

Crëusc Blancia tla Locia

Ala fin de utober iel stat n curs de prim aiut dla Crëusc Blancia tla Cësa Locia a Urtijëi
Daniel Bernardi à mustrà su co se astilé y co dé l prim aiut a n melfertunà.

Sun la foto: l ulenter dla Crëusc Blancia Daniel Bernardi ntan l curs. 

Deplù tla USC stampeda ai 16 de nuvëmber
media/k2/galleries/8676/thumbs/Bildschirmfoto_2018-11-14_um_15.51.09.jpg
14 de november 2018

Suns Europe 2018

Presentade la 4e edizion, tantis lis novitâts
Aromai rivât ae cuarte edizion Suns Europe al à ben clare i siei obietîfs: 'Dirit ae lenghe, dirit ae diversitât'. Ancje di chest si è fevelât in ocasion de presentazion uficiâl dal event, in program a Udin (e no dome), dai 29 di Novembar ai 2 di Dicembar. Inte sede de Regjon FVJ, a Udin, al è stât presentât il program dal Festival, in presince dal assessôr comunâl Maurizio Franz, dal diretôr de ARLeF William Cisilino, dal diretôr artistic di Suns Europe, Leo Virgili, e dal president de ...
media/k2/galleries/8675/thumbs/20181114_121221.jpg
14 de november 2018

Varí les plaies dal tëmp

I pröms gragn laurs por rofá i danns a strades y bosc é gnüs fac ia
Al é ince mirit dl bel tëmp morjel, sce al á podü gní fat chisc cinescdé do les ploiéres y chë gran tampesta i pröms gragn laurs de sistemaziun de strades y bosc. Danter Picolin y Longega, por dí n ejëmpl, él gnü cuncé te püc dis le gran büsc che s’â daurí te n santiamen amesa strada, y deplü spones é gnüdes sistemades da dites spezialisades y orentides. La strada dla Val Badia é indô transitabla zënza de gragn problems, al plü mëss i auti ciamó aspeté (situaziun mercui ai 14.11.2018) val’ ...
media/k2/galleries/8673/thumbs/stefanalfreider.jpg
14 de november 2018

Lauré cun la mort

Stefan Alfreider da Corvara n’á nia n laur da vignidé: ël vëgn cherdé canche al mör zacai. Danter sü compic n’aldel nia ma da condü alerch le scrin: alüsc él da puzené, vistí, dortoré y ince arjigné ca i defunc
Novëmber podunse zënzater araté le mëis di morc: te chësc mëis tomel ite Gnissant, le De di Morc, la domënia dles Animes, les recordanzes di tomá te vera. Tröp se roda incër un di temesc che atoca tert o adora vignun de nos: le momënt da tó comié da chësta tera, da nüsc cari, dal monn material, por passé - altamo por chi che crëi - a n’atra forma de vita. Ala fin n’él degügn che sá ci che al sará do la mort. La resposta ciafarunse düc canc adërtora.
Scebëgn che la mort é presënta de por de te ...
media/k2/galleries/8672/thumbs/DonMarioONLINE.jpg
14 de november 2018

La curazìes no muda so endrez, don Mario Bravin no l’é più decan de Fascia

La Zona pastorèla de Fascia e Fiem no portarà, per endèna, nesciun straoujiment per chel che vèrda l’endrez de la curazìes e de sia atività. Resta la costion averta per chela de Moena.
”Don Mario, no siede più decan de Fascia? - Ei, no son più decan de Fascia, me é ruà la letra de “licenziament” dal Piscop, ades son demò curat de Cianacei, Dèlba e Penìa.”

”Ades chi él che tol na dezijion che à valuta sora duta la curazìes de Fascia? - L’é l vicarie de zona don Albino Dell’Eva.”

”Éla possibola na colaborazion con Fiem, che n pissède Vo? - Con Fiem aron na colaborazion per chel che vèrda i corsc de formazion: per l monech, per i ministres de la comunion, per la catechesi… Per l ...
media/k2/galleries/8628/thumbs/PederivaBallardONLINE.jpg
14 de november 2018

L spigol de la Valacia ades l’é più segur

L menacrep fascian Bruno Pederiva Brognol ensema col joen rampeador Tom Ballard i à fat en libera e atrezà la storica via averta del 1961 da Tone Gross Punz e Tone Rizzi Poldin 
Te l’istà del 1961 l’era stat na impresa dassen storica, che aea portà n grumon de jent da duta Fascia al scomenz de la Val de Sèn Nicolò, aló da “La Soldanella”, a vardèr sù doi di maores menacrepes fascegn, Tone Gross de Punz e Tone Rizzi de Poldin, endèna che i averjea la via senestra e spetacolèra del spigol de la Valacia, sun Sas da le Undesc.

Chest istà a refar chela via l’é stat etres doi alpinisć de nonzech, l menacrep fascian Bruno Pederiva Brognol ensema col joen rampeador ingleis Tom ...
media/k2/galleries/8671/thumbs/Bildschirmfoto_2018-11-13_um_15.35.43.jpg
13 de november 2018

Droga a Urtijëi: i Carabinieri de Urtijëi abina cocaina

Urtijëi - Ntan n cuntrol fat da pert di Carabinieri per jì contra l cunsum de droghes iel unì abinà droga te n local a Urtijëi. N ël de 38 ani, che desturbova n pert d’autri tlienc, se à desmustrà scialdi nervëus canche i Carabinieri ie unic adalerch. Do n cuntrol fat sëuraprò iel unì abinà na dosa de cocaina pra l ël, che ie unì dat sëura al Cumissariat de Guviern. Ntan n auter cuntrol à i Carabinieri abinà n valgun grams de cocaina pra doi jëuni de 20 y 26 ani. Nce chisc ie unii dac sëura al ...
media/k2/galleries/8670/thumbs/Bildschirmfoto_2018-11-13_um_14.40.52.jpg
13 de november 2018

Ester adöm

Dan 40 agn metô sö n grup de ladins a Balsan la Comunanza Ladina. Un di fondadus, Carlo Willeit, nes cunta dl spirit da laota y di früc che l’uniun ladina a Balsan á porté. En sabeda domisdé saral la festa de iubileum tl Ciastel Marec
Jí a vire demez da ciasa y cinamai dainciará dai paisc olache al vëgn baié ladin, é gonot na plaia che sangonëia dî - sce nia dagnora. L’incherscimun por la jënt y la comunité de paisc pó dé do cun le tëmp, mo nia gní varí daldöt. Tl forest n’él nia saurí da tigní sö na identité che pé isolada y datrai emarginada. Sce i ponsun che te Südtirol vírel aldedaincö porsones che vëgn da chës 130 naziuns desferëntes, spo podunse se fá n cheder tan al edl che al dá ciamó te na cité sciöche Balsan na ...
media/k2/galleries/8669/thumbs/montli_invern.jpg
13 de november 2018

Arjigné l’auto por l’invern: al é ora!

Cun i 15 de novëmber messará i mesi motorisá avëi i montli da d’invern o morones da tó ca ince sön l’autostrada dl Prener. Sön les atres strades provinziales mësson bele sëgn ester arjigná ala sajun frëida.
De nëi n’él ciamó degun fostü, mo al é impó gran ora da baraté i montli da d’isté y mëte sö chi da d’invern. L’Ofize Motorisaziun dla Provinzia recorda che bele dai 15 d’otober incá á metü man la fasa de transiziun por passé dal’atrezadöra da d’isté a chëra da d’invern. Chësta fasa se stlujará jö cun la jöbia ai 15 de novëmber. La Motorisaziun recorda che i auti y i veicui che zircolëia sön les strades dla Provinzia mëss ester atrezá cun montli da d’invern o morones - sce al é nëi o dlacia ...
media/k2/galleries/8668/thumbs/IMG-20181113-WA0005.jpg
13 de november 2018

L viaz da Col a New York ntei di de l'aluvion per jì a core la Maratona

Chesta l'esperienza che à fat la jovena da Col Nicoletta Grisotto per podè ruà a New York per i 4 de novembre e podè core la Maratona da ela tant spetada.
Fortuna e caso, auna a tanti aiuti ruai da desferente bande, chi che à inconsentì a Nicoletta Grisotto de ruà marcui 31 de otobre a Milan per ciapà l aereo per New York auna a auter compagni de la Val de Fascia per jì a core la Maratona. Providenzial, nte suo caso, l é stat sa pare che, come studafuoch, l é stà bon de studié na strada sigura per chela che l'à podù ruà a ciapà suo aereo. Senza telefoni che jiva e con strade per la maor part sarade no l é stà saurì, ma nte na intervista che la ...
media/k2/galleries/8667/thumbs/sanciascian_ebike.jpg
13 de november 2018

La e-bike arobada é indô chiló!

Metun man le de cun na buna noela. La e-bike che ê gnüda arobada ai 22 d’otober a San Ciascian, é indô gnüda condüta zoruch.
Scrí de bunes noeles é dagnora val’ de bel. En chësc iade podunse ves cunté de na e-bike arobada, che é indô rovada zoruch. Al ê ai 22 d’otober che n berba da San Ciascian ê jü te bosch y â lascé iló süa e-bike dlungia n lëgn, ciolada cun na morona. Canche al ê gnü zoruch, n’ê süa roda plü ignó da odëi. Ara ê sparida y cun ëra ince le casco y la joca (La Usc â scrit). Sëgn, feter trëi edemes dedô, la sorpresa. La porsona che se l’â tuta, l’á indô condüta zoruch. La familia ne sá nia co che ara ...
media/k2/galleries/8662/thumbs/Bildschirmfoto_2018-11-09_um_20.06.46.jpg
13 de november 2018

Viver te Gherdëina - „Living in Val Gardena“

Nstadì àn prejentà n proiet nuef de ntegrazion, nia mé per muciadifs ma nce per persones y families che à abinà da lëur te Gherdëina y che à nscila nce tëut la dezijion de unì a viver te nosta valeda. L proiet ie unì metù a jì dala Consulta per la Ntegrazion de Gherdëina, ulache l ie laite i assessëures di Chemuns, reprejentanc dla scoles y de ativiteies sozieles, deberieda cun i tuadëures de Eurac Research. “Living in Val Gardena” va ite tl proiet transnaziunel de "PlurAlps", co-finanzià dal ...
media/k2/galleries/8626/thumbs/Michele_AnesiONLINE.jpg
13 de november 2018

UAL e Moviment Ladin de Fascia se rejona

Dò la letra de demiscions del secretèr politich Michele Anesi, i doi movimenc politics de Fascia vèrda co jir inant per l davegnir
Endèna che la Sociazion Fassa, con l nef Conseier ladin Luca Guglielmi, se envìa via per ge dèr raprejentanza a noscia val tel Consei provinzièl, forta de na cordanza strenta con l nef President de la Provinzia Maurizio Fugatti, da l’autra pèrt se à avert l percors per defenir la prospetives per na alternativa politica al schierament del president Francesco Pitscheider.

Sobito dò la litazions provinzièles di 21 de otober, olache la UAL no se aea prejentà e se aea metù dant enveze l nef Moviment ...
media/k2/galleries/8666/thumbs/Bildschirmfoto_2018-11-12_um_16.41.09.jpg
12 de november 2018

Naugurazion dl puent nuef per La Sëlva

Ai 10 de nuvëmber ie unì naugurà l puent nuef per jì ora l ridl de La Sëlva. Cun na pitla festa àn ulù giaurì ufizialmënter chësc tòch de streda, che muderà nce la situazion dl muvimënt di auti te Sëlva.Foto: l puent nuef te Sëlva.Deplù tla USC stampeda di 16 de nuvëmber.