Tla sentada di 19 de merz á la Junta Provinziala nominé les consultes dla jonëza de Südtirol – por le grup ladin, por le grup talian y por le grup todësch. Ares restará en ciaria cina ala fin dl 2026. La Consulta dla jonëza ladina é metüda adöm da 13 porsones. Sön proposta dles assoziaziuns di jogn él gnü nominé Elia Adang, Lukas Castlunger y Greta Lechner da Badia, Marco Ellecosta d’Al plan y Aron Moroder y Pauli Moroder da Urtijëi. I rapresentanc nominá dai Comuns é Elvis Burchia de Badia, Nicole Insam de Sëlva y Julian Stuffer da Santa Cristina. Lapró á i zëntri dla jonëza fat la proposta da nominé Felix Nagler da La Val, Martina Obwegs d’Al Plan y Nadine Thomaseth da Urtijëia. Sön proposta dl assessur ladin él gnü nominé Martin Putzer da Santa Cristina.
Dlungia les sentades de vigni consulta, él almanco n iade al ann na incuntada dles trëi consultes deboriada, por baié de chestiuns y tematiches che reverda düc i trëi grups. (pablo)
I mëmbri dla consulta dla jonëza ladina
La Junta Provinziala á nominé i mëmbri dles trëi consultes dla jonëza de Südtirol. I mëmbri dla consulta ladina
Galaria retrac
View the embedded image gallery online at:
https://www.lausc.it/atualite/26728-i-membri-dla-consulta-dla-joneza-ladina#sigProId207eb1c7e8
https://www.lausc.it/atualite/26728-i-membri-dla-consulta-dla-joneza-ladina#sigProId207eb1c7e8