La Usc di Ladins

»Ra Via Crucis, una ota, ra śoaa par ra devozion de ra śente, ra servia par spiegà ra sacra scritures a ra parsones che no saea lieśe, da contà chel che ‘l ea suzedù al Signor, i dis de ra so pascion. Nos on fato conpain co i pizete de el catechismo« – el me conta don Ivano Brambilla, pioan de Anpezo. Vendres de ra setemana pasada i ea de trenta supośò, da 7 a 9 ane, pizores e pize, inze ra jeja de i sante Felipo e Iaco.
»El difizile, a fei chesto laoro, ‘l é ciatà fora cemodo parlà a ci che no n’é uśà, a ra famea. L é un zavario de ra Jeja: dorà ‘na parlada che i śoen vade adora a capì, ca e ancuoi, ma con chera de mantegnì e precurà ra tradizion pi vecia. I catechistes i à abù da insegnà coscita chesta parte pi fonda de ra storia del Cristianesimo; i à domandà a i pizete de mostrà chesta storia, daante a chi outre pize, del so tenpo, a i jenitore, i none, i parentes, chi de ciaśa, daante a chi outre fedeles, che ‘l ea inze jeja« - el śonta don Ivano.

De plu tla edizion stampeda de La Usc di Ladins o sun l e-paper a paiament www.lausc.it/e-paper