L president Claudio Bernard à palesà gran sodesfazion per n bilanz serà su ai 31 de dezember del 2023 che moscia n utol de 1.133.632 euro respet ai 115.936 euro del 2022. Se à smaorà l vadagn de la vendites da 8.461.444 euro a 10.111.279 (+19,50%) ma se à smaorà ence i cosć de la produzion da 8.716.063 euro a 9.019.315 (+3,48%). Te la sajon da d’invern, da
View the embedded image gallery online at:
https://www.lausc.it/valedes-ladines/fascia/27034-n-nef-resservar-de-l-ega-sun-ciampedie#sigProIdca9a5eed49
https://www.lausc.it/valedes-ladines/fascia/27034-n-nef-resservar-de-l-ega-sun-ciampedie#sigProIdca9a5eed49
Investimenc de la sozietà: n resservar de l’èga sun Ciampedie
I investimenc de la Ciadenac via per l 2023 é stac de 4.660.994 euro, de chisc 1.200.000 é jic a comprèr l piazal dai auti de Formié. »Aon fat n gran investiment per i posć auto per esser zacan a post – à dit Bernard. Te Formié aron a la leta 40 posć e autres 70 n aon via Solar ajache la sozietà ge à comprà ju i terens ai frades Tamion.«
Anter i programes l é completèr la sistemazion del portoi Vaiolet1, se endotèr de na strutura de restorazion de proprietà sun Ciampedie e n resservar de l'èga.
Confermà l Consei de Aministrazion
Al orden del dì l era la nomina del Consei de Aministrazion che é stat dut confermà ajache duc se à metù endò a la leta: Claudio Bernard (che bonamenter sarà confermà president), Daniele Fosco, Umberto Anzelini, Daniele Dezulian, Giulio Florian, Ervin Obletter e Fernando Perathoner. Confermà ence l colege sindacal con Denise Pederiva, Francesco Verra e Ivan Noal.
De più su la radunanza su La Usc stampèda de en vender ai 3 de mé.
(Monica Cigolla)