Doi avëi auzà ora la mpurtanza soziela dla lies te nosta cumenanza, jons a ti cialé plu avisa a ciunes che sibe la funzions efetives dla lies, spartides su te de plu categuries. On dit che l nteres partì da de plu persones ie la sumënza acioche na lia posse se definì. La majera cum pëida de lies, tulan ca l ejëmpl dl Chemun de Urtijëi, ie tl ciamp culturel. Tlo ons la lies storiches per definizion, coche p.ej. la Union di Ladins de Gherdëina, metuda su tl ann 1945, l Museum de Gher dëina, l Cor de Dlieja, l Circolo–Lia Mostra d'Ert, la Lia per Natura y Usanzes, la Lia dl Teater, la Mujiga y la Lia di guanc dla gherdëina. Chësta lies ie la seva prinzipela acioche duc i elemënc che juda a purté inant la cultura ladina ne vede nia perdui. La rujeneda ladina à tlo na funzion mpurtanta. Dantaldut ajache cun plajëi pòssen udëi coche la rujeneda ladina vën gën adurveda pra manifestazions, giaurides y sambënzënza pra la sentedes. Cossa nia for logica, sce n pënsa ai ani '70 o '80, canche l ladin univa suvënz sotmetù dal tudësch, cunscidrà na rujeneda plu »elitera«. L'adurvanza dl ladin tla lies ti dà prestije, l ie na testimunianza esplizita de coche l ladin dëssa se tò la lerch tla scu menciadives publiches. Danter ghesć o autoriteies da oradecà, che n vëija pra manifestazion ulache l vën rujenà ladin, n vëijen for de plu che se ralegrea a audì che l vën rujenà ladin, scebën che i ne ntënd nia o puech y nia.
La rujeneda devënta pra la lies cultureles n elemënt de...
L articul ie da liejer tla edizion nueva de La Usc di Ladins.
Ivan Senoner
La bona ulentà dl ulentariat (2a pert)
Cie fajëssa pa nosta cumenanza zënza lies? Sce l ne fossa nia l ulentariat ne fóssel nia mesun ti pité ala jënt dl luech duc chëi servijes, aiuc y manifestazions che juda a miuré la cualità de vita. Ma l tëmp ie scioldi, vëniel dit, y la dumanda ie coche la se muderà tl daunì y dantaldut sce, cun l dat de fat che la vita vën for plu cëra, abineràn nce mo persones che dajerà ca si tëmp liede debant?
Galaria retrac
View the embedded image gallery online at:
https://www.lausc.it/valedes-ladines/gherdeina/27069-la-bona-ulenta-dl-ulentariat-2a-pert#sigProId6cbb61996c
https://www.lausc.it/valedes-ladines/gherdeina/27069-la-bona-ulenta-dl-ulentariat-2a-pert#sigProId6cbb61996c