An pó zënzater dí che le conzert d’aisciöda é por na musiga de paisc un di apuntamënc plü importanc dl ann. Y propi porchël él tres plü musighes che ne se limitëia nia "ma plü" a n repertore de intan de toc, mo ó fá val’ d’extra, mëte la cherscia söla turta, sce i orun ti dí insciö. Öna de chëstes é ince la Musiga "Catarina Lanz" d’Al Plan, che tëgn le conzert d’aisciöda vigni dui agn, "y dailó ciarunse spo da fá val’ de particolar", dij le presidënt Ivan Weiss. En sabeda ai 27 d’aurí da sëra ésera stada tan inant y dopró pón le dí: la serada é stada n suzes y la sodesfaziun dl comité é grana.
Sot al titul "I crëps y sü sonns" él gnü porté dant n conzert dal repertore scialdi impegnatif, che se rodâ de vigni vers incër la munt. Lapró él gnü invié adalerch sciöche ghest spezial l’alpinist y arpizadú südtirolesc Simon Gietl, che á danter n toch y l’ater respognü ales domandes dl moderadú Diego Clara, lascian cuché ite te süa vita, süa pasciun y profesciun. Nia mancé ne n’á la pert cun les onoranzes, olache sis musicontri á ciafé atestat y medaia por süa ativité da 15 cina 40 agn.
Deplü ciafëise t’La Usc di Ladins di 3 de ma (pablo)
Al Plan: conzert d’aisciöda cun n ghest particolar
Le conzert d’aisciöda dla Musiga d’Al Plan á en chësc ann pité n mix particolar: n repertore impegnatif conzentré sön la musiga dles munts, cun la partezipaziun straordinara dl alpinist y arpizadú südtirolesc Simon Gietl
Galaria retrac
- Sis musicontri á pié do na onoranza pro le conzert d’aisciöda a Al Plan. (© Gianvito Coco)
- Ghest d’ezeziun pro le conzert d’aisciöda: l’alpinist Simon Gietl. (© Gianvito Coco)
View the embedded image gallery online at:
https://www.lausc.it/valedes-ladines/val-badia/27024-al-plan-conzert-d-aiscioeda-cun-n-ghest-particolar#sigProId3db1a0096f
https://www.lausc.it/valedes-ladines/val-badia/27024-al-plan-conzert-d-aiscioeda-cun-n-ghest-particolar#sigProId3db1a0096f