La Usc di Ladins

Al é sté le pröm conzert d’aisciöda olache le dirighënt Matthias Thaler á mené la bachëta da su. Cun gran maestria y savëi, che al á tut sö y á podü imparé, ál daurí le conzert cun n valgügn toc bele conesciüs por i musicontri, les musicontres y le publich; chësc ultim ê metü adöm da jënt de paisc y da foradecá che é gnüda a ascuté sö. Le pröm marsc "Die Sonne geht auf", é sté n’audanza nia ma al bel tëmp che stënta da rové adalerch, mo ince por la vita. Jü inant él spo cun "Banditenstreiche", na overtüra dl componist y diretur de orchestra Franz von Suppé, na seleziun fora dal musical "Les Miserables" y le toch "Voice of the Vikings" – usc di vichings – á ince ringhiní tl salf dles manifestaziuns. Le clavier, soné da Helene Thaler, é sté protagonist tratan le toch "Forrest Gump", che á recordé a tröc le film straordinar cun Tom Hanks sciöche protagonist. Polches y marsc ne á nia podü mancé, "Mars der Medici", "Kaiserin Sissi" y "Ein halbes Jahrhundert". Gran pert di toc é gnüs chiris fora dai mëmbri y les mëmbres dla musiga instësc, tres n sondaje. N sëgn che fá musiga ó dí ince se ascuté un cun l’ater, se acordé y fá unité. Chësc án ince podü odëi fora dales tröpes onoranzes, che cun gran onur ti é gnüdes surandades a tröc pilastri de chësta uniun. (Lucia Piccolruaz)

Deplü sön le conzert y dantadöt ince sön les tröpes onoranzes che é gnüdes surandades chësta sëra, podëise lí y odëi t’La Usc di Ladins di 17 de ma