La Usc di Ladins

Mercui ai 17 de aprile s’à fenì ‘l an de scora 2023/2024 de ra »Università adulti anziani – sezione Ampezzo Oltrechiusa«. Come ultimo di i s’à ciatà inze ra sala De Lotto a San Vido par recordà ce che ‘l é stà fato via par ‘l an e con r’ocajon i à dà fora tredesc diplomes a ci che à darśonto pi anes de »università«. Inze sala ‘l ea anche el presidente provinciale de r’Università adulti anziani de Belun Emilio Isotton e ra nostra vize capocomun Roberta Alverà de Śan. Dinultima s’à podù fei cuatro bela ridudes con el laoro del laboratorio de teatro. Ra Univer­sità adulti anziani ‘l é propio un bel sodalizio che parmete a ra śente nafré pi inaante co i anes, se pó scomenzà da i 45 anes in su, de se tegnì informada, de inparà algo pede, de nafré de duto: storia, finan­za, salute, arte, natura, relijon, psico­lojia, ingleje, teatro, informatica e śo indrioman. Soralduto śoa par se ciatà in conpagnia, se ra contà, inparà algo de noo e aé ancora con­tate con ra comunità e el mondo intiero. (DF)

De plu tla edizion stampeda de La Usc di Ladins o sun l e-paper a paiament www.lausc.it/e-paper