La Usc di Ladins

"Sprotte ê n personaje dassënn interessant y conesciü tla Germania; al ê gnü a Calfosch canche al ê jonn", dij Renate Pizzinini recordan l’artist che é cun i agn gnü n amich. Al jô gonot a ciafé le lüch de Jocl a Calfosch, olache al ê alojé tratan sües prömes vijites. Sovënz depenjôl dan ciasa o ince tl urt sot le hotel. Ince iló nasciôl n raport d’amizizia sintida cun les families Mersa y Posch, che á aldedaincö ciamó na bela coleziun de sües operes.
En chësc ann gareta la presentaziun de na publicaziun nöia dla ULVB, curada dal storich dl’ert Phil Mer, che cunta le lian de chësc artist cun nosta valada y contëgn ince na racoiüda inedita de tröc chedri. Cun gran ligrëza inviëia porchël l’Uniun Ladins Val Badia, adöm cun le Museum Ladin Ciastel de Tor y SMACH, ales daurides dles mostres en sabeda ai 4 de ma - n de intier dediché al’ert y ala cultura. An mët man dales 11:00 danmisdé tl Museum Ladin.

Deplü ciafëise sot al Ciantun dla Uniun Ladins Val Badia, t’La Usc di 3 de ma