La Usc di Ladins

»Colores de mia tera« l é l titol de na poejia de Pare Frumenzio Ghetta de Martin e »Colores de noscia tera« l é ence l titol che i Servijes linguistics e culturèi del Comun General de Fascia ge à dat a la raides e la scontrèdes per cognoscer nosc raion, endrezèdes tel chèder de la 16^ edizion de l’Aisciuda Ladina. No adinfal, ajache Pare Frumenzio l é stat l maor storich de Fascia e l à dat n contribut de valuta a la cognoscenza di drec inomes de lech. E no demò. Ence percheche chest an l é 10 egn da la mort del Frate de Martin e una de la scomenzadives che fèsc pèrt de l’Aisciuda Ladina l é belapontin ence l moment de recordanza dedicà a el con testimonianzes, video, letures e la messa che sarà a Sèn Jan ai 21 de oril.

Na lingia de apuntamenc che jirà inant via per i meisc de oril e mé sul tem de la toponomastica, argoment cernù per chesta edizion de l’Aisciuda Ladina che é stata orida en lunesc ai 8 de oril te sala grana del Comun General de Fascia. I é stac prejenté da la responsabola di Servijes linguistics e culturèi del CGF Evelyn Bortolotti e se pel i troèr ence sul sit www.aisciudaladina.it

De più su La Usc stampèda de en vender ai 12 de oril.  (Monica Cigolla)