Atualmënter
Literakino
La biblioteca de Urtijëi nvieia ala sëires de chino per granc:des tla rujeneda tudëscia y taliana: uni vënderdi de auril, dala 20:00 inant. L program di films ie da abiné te biblioteca.
Uni lunesc
La Coa: ancuntedes per genitores
Uni lunesc dala 09:30 nchin la 11:00 puderàn se ancunté tl local Matada a Urtijëi per sté deberieda danter mutons:ans, mamis y tatis y chi che deventerà tosc genitor. Sëuraprò saràl l mesun de damandé cunsëies a espertes.
30.04.
Sëira de Juesc cun la lia Trix
La lia Trix nvieia a na sëira de juesc da mëisa n merdi ai 30.04. dala 20:00 tl local Saut dla Nëus Jëuni Gherdeina a Urtijëi. L sarà da abiné velch per uniun:a!
03.05.
Stories de 15 menuc
Tla biblioteca de S. Durich a Urtijëi liej Milena dant na storia per per mutons, n vënderdi ai 3 de mei dala 15:00.
07.05.
Barat de ciüfs, pelzes y somënzes
Ai 7 de ma dales 20:00, tl salf di stödafüch a San Martin de Tor. Al sará ince Rosa dai Ciöf che baiará dl tema »Abelí nüsc bi sorasc«. An pó porté alerch ciüf, pelzes o somënzes che an n’adora nia plü y se tó para ci che mancia. Chi che an porta é da dé jö tla portina dl salf, dan le referat, dales 19:30 inant.
Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
30.04.
Cult rituai da inier y incö – Le donaze
Dales 20:50 ca. Program de Daria Valentin y Hanspeter Karbon, a cura de Alessandro Dapunt.
01.05.
Mendret – spiritualitá e natura
Dales 20:50 ca. Che arei pa mai da se spartir en convent tibetan te la Svizra e la pratica dei Bagnes de Bosch? Duc doi i met ensema spiritualiltà e natura, i chier de portar didament al fisich e al cef de la jent. Te chesta puntata de Mendret jon a descorir chisc mec per troar la pèsc anter i monc, nesc e de la Svizra. Program de Matilde Gazzini, a cura de Anna Mazzel.
02.05.
Scenar
View the embedded image gallery online at:
https://www.lausc.it/manifestazions-y-evenc/26985-manifestazions-atuales#sigProId183f15b288
https://www.lausc.it/manifestazions-y-evenc/26985-manifestazions-atuales#sigProId183f15b288
Dales 20:50 ca. Program y cunzet: Ivan Senoner, tai: Hans Peter Karbon, a cura de Leo Senoner.
Radio
Ladinia Live
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
01.05.
Festa internazionèla del lurier
Dales 13:45 ca. Co el pa mudà l lurier e coluna eles pa la ativitedes e i servijies che vegn sport ti zentres per l lurier sul teritorie? L’aon domanà a Elena Rizzi vize responsabola del zenter per l lurier de Sen Jan. Conduzion Anna Mazzel.
Dai Crëps dl Sela
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
26.04.
Nosc uciei danter natura y cultura
Dales 19:05. Te Sëlva iel da udëi la mostra »Nosc uciei« tl zënter culturel dl Tublà da Nives. I uciei vën prejentei te si aspet plu ndrët, naturel, ma pona nce tres plu manieres de udëi y de ti jì permez: l’ert, l ziplé y l dessëni, la matematica y la geometria, la leteratura, y nce te si aspet filosofich-soziel. Cun l ornitologh Iacun Prugger, ideadëur dla mostra, ons rujenà dla mostra nstëssa, ma nce dl mond di uciei n generel. Trasmiscion de David Lardschneider.
28.04.
Te stua de… Hugo Valentin
Dales 19:05. Ti ani ‘80 y ‘90 fovel assessëur provinziel y danterauter nce l prim assessëur detlarà ladin. Hugo Valentin conta de si sperienzes tl mond politich, ma fej si cunscidrazions nce sun la situazion politica atuela de Südtirol, de chëla che l se nteressea mo for cun gran pascion. Trasmiscion de Simon Moroder.
01.05.
Aisciuda ladina
Dales 19:05. L’Aisciuda Ladina, la festa del lengaz e de l identità chest an à chirì fora l argoment de la toponomastica ladina per cognoscèr e recordèr i inomes de nosc raion con na lingia de scontrèdes culturèles, raides e auter. En rejonon con Evelyn Bortolotti responsabola de l’ofize servijies linguistics e culturèi del Común General de Fascia. Program de Anna Mazzel.
02.05.
N sëgn por dagnëra
Dales 19:05. Le tatuaje é n’ert praticada sura döt le monn y de gran moda incö. Deboriada cun le tatuadú y artista Fabrizio Senoner ti junse do ala storia dl tatuaje y a sua evoluziun. N program de Sara Frenner.
Teater
27. y 28.04.
Teater »Cuartet d’archëc«
L’Uniun Teater de Badia inviëia al teater da rí »Cuartet d’archëc« (Das Streichquartett) de Szöke Szakall sot ala rejia de Anna Palfrader, cun la traduziun tl ladin de Matteo Rubatscher. Ultimes apresentaziuns: sabeda ai 27.04. dales 20:00, domënia ai 28.04. dales 17:00. Prenotaziuns al 328 0984630, danter les 18:30 y les 22:00.
27.04/08.05
Teater di Bontemponi
L grop de teater I Bontemponi met dant na neva comedia dal titol »Al piec no l é mai fin« en sabeda ai 27 de oril e en mercol ai 8 de mé da les 20:30 te teater oratorie de Poza.
03/09.05
Teater de »La Mizacoles«
L grop de teater »La Mizacoles« porta dant amò la comedia »La badante del giaf«: en vender ai 3 de mé da les 20:30 te teater oratorie de Poza da les 20:30 e en jebia ai 9 de mé semper da les 20:30 a La Gran Ciasa a Soraga.
11.05.
Spetacol de teater de Loredana Cont
Va inant la rassegna NavalGEI a teater. En sabeda ai 11 de mé da les 20:45 la filodramatica Concordia 74 de Povo met dant la comedia dal titol »Colpa dei crauti e dell’amor« de Loredana Cont.
11.05.
Cëna cun teater criminal
Le Consëi de formaziun dl Comun de Corvara mët a jí en sabeda 11 de ma dales 19:30 tl salf dles manifestaziuns a Corvara na cëna cun n teater criminal, olache le publich é invié da stomé chi che é l’assassin dla storia, che sará da odëi sön paladina tratan cëna. Rejia de Erika Castlunger. Al jobelnëia Lucia Cirella, Marco Moscon, Andreas Peccei, Tobias Stampfer y Susann Tavella. Rejia de Erika Castlunger. Infos y prenotaziuns pro Sonia al 349 1588485.
Chino
Atualmenter
Al chino de Cianacei
Anché, vender ai 26 de oril, sabeda ai 27 e domenia ai 28 da les 21:15 se pel veder »Cattiverie a domicilio«, mèrtesc ai 30 da les 20:45 l é »Colpo di fortuna«. Program su www.cinemacanazei.com
Atualmenter
Ciak Socialcinema
L
View the embedded image gallery online at:
https://www.lausc.it/manifestazions-y-evenc/26985-manifestazions-atuales#sigProId183f15b288
https://www.lausc.it/manifestazions-y-evenc/26985-manifestazions-atuales#sigProId183f15b288
Atualmenter
Al chino de Tieser
En mercol al prum de mé da les 17:30 l é »Garfield. Una missione gustosa« che vegn moscià ence sabeda ai 4 e domenia ai 5; mercol al prum da les 20:30 l é enveze »Un mondo a parte«. Vender ai 3 e sabeda da les 21:15 e domenia ai 5 da les 20:30 l é »Challengers«. Program su www.cinematesero.com
Cursc
Atualmënter
Café dla rujenedes
Tla bibliotech S. Durich a Urtijëi vëniel tenì ntan l mëns de auril: de merdi l café dla rujenedes per franzëus cun Louise, de mierculdi per nglëisc cun Nick, de juebia per spanuel cun Chiara y de vënderdi per ladin cun Karin. L’ancuntedes scumëncia for dala 9:30. N possa unì zënza se nuté su danora.
Atualmënter
Ginastica per se n sté bën
L Muvimënt catolich dl’ëiles mët a ji chësc curs tla palestra de S. Cristina, dala 16:00 nchin la 17:00 cun la referënta Greti Mussner. N se anconta mo n merdi, ai 30 de auril.
Religion
Atualmënter
Mësses a Oies
Al vëgn lascé alsavëi che al é sté mudaziuns pro i orars dles mësses a Oies. Dal mertesc ala jöbia él mëssa dales 19:30, dal vëndres ala domënia ésera dales 16:00. Le lönesc n’él degüna mëssa.
04.05.
Al Plan: Preparaziun dl Bato
La Uniun dles Ëres dl Decanat Val Badia inviëia geniturs che á n viadú da batié, pêrs che aspeta, toc y totes dl decanat ala preparaziun dl Bato, en sabeda ai 4 de ma dales 15:00 ales 17:00, te salf de calonia d’Al Plan. Le de vëgn stlüt jö cun n pice renfrësch arjigné dala Uniun dles Ëres d’Al Plan. Prenotaziuns al 328 0717796.
Dotours
Dutor Gherdëina
L dutor de servisc da n sada ai 27.04. dala 08:00 daduman nchin la 08:00 daduman de n lunesc ai 29.04. ie l dutor Giuliano Piccoliori de S. Cristina, tel. 0471 792282 o 348 3301004.
Doturs Val Badia
Tla fin dl’edema di 27 y 28 d’aurí él en sorvisc tla Val Badia le dotur Giovanni Crivellaro, tel. 348 0014266. Ai 30 d’aurí y al 1. de ma él en sorvisc le dotur Alberto Caretta, tel. 0471 839706 o 380 3161999.
Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 26.04. nchin n vënderdi ai 03.05. ie chëla de Sëlva, tel. 0471/795142 o 333/1776615, (davierta dala 8.30 - 12.30).
Apoteca Val Badia
L’apoteca en sorvisc fora dl orar ordinar, dal vëndres ai 26 de aurí dales 19:00 al vëndres ai 3 de ma ales 19:00, é chëra da Corvara, tel. 0471 830237.
Segres y Festes
26-28.04.
Sègra de Ciampedel
Ciampedel fèsc festa. Anché, vender ai 26 de oril da les 17:30 vegn avert l tendon te Piaz de paisc olache sarà musega e magnadiva ence en sabeda e en domenia da les 11.00 inant. En domenia ai 28 da les 9:00 l é la procescion e la messa grana, do aperitif, marena e cena con Musega Auta Fascia, Gropes Folk e Pazedins.
Referac
04.05.
Cosmetica naturela - workshop
La Biblioteca San Durich a Urtijëi nvieia a chësc workshop cun Karin Angelika Planker, n sada ai 4 de mei dala 09:00 inant nchin la 12:00. N possa se scrì ite cherdan su l 0471 797814 o scrijan a info@biblio.bz.
06.05.
Golosaries sanes por mituns
Le Consëi de formaziun Corvara inviëia a na sëra cun Valentina Moling, che baiará dl tema »Golosaries sanes por mituns – rezetes zënza gluten y zënza zücher«. En lönesc ai 6 de ma dales 20:00, te biblioteca a Calfosch.
Avisc
Atualmenter
I oraries de Pedies
Pedies vegn moscià sul canal 10 de la televijion, Trentino TV, de sabeda da les 18:00 , de domenia da les 13:30 e de lunesc da les 11:30. Con Smart TV sul medemo canal se pel l veder canche se vel orian co la friza en su i sotcanai HBBTV, sot la ousc TML. Duc i video e filmac dac fora dal Comun General e da l’Union di Ladins é da poder veder ence sul canal Tv Ladina de Youtube.
Atualmënter
»Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales
View the embedded image gallery online at:
https://www.lausc.it/manifestazions-y-evenc/26985-manifestazions-atuales#sigProId183f15b288
https://www.lausc.it/manifestazions-y-evenc/26985-manifestazions-atuales#sigProId183f15b288
Atualmenter
Mostra de Franz Dantone Pascalin
Te Palaz Trentini a Trent l é fora fin ai 16 de mé na mostra de fotografies de Franz Dantone Pascalin da poder veder fin ai 5 de mé duc i dis da les 10:00 a les 13:00 e da les 14:00 a les 19:00 e dai 6 ai 16 de mé dal lunesc al vender da les 10:00 a les 13:00 e da les 14:00 a les 19:00, de sabeda demò da doman.
02.05.
Apuntamënc cun la denfensëura populera te Gherdëina
Tla Cësa de Chemun a Urtijëi possen se ancunté cun na defensëura populera, for la prima juebia, uni segondo mëns, dala 09:00 nchin la 12:00. L proscimo apuntamënt ie ai 2 de mei. Prëibel se nuté su cherdan su l 0471 946020.
04.05.
Prejentazion liber »Ciantons«
En sabeda ai 4 de mé, tel chèder de la scomenzadives de l’Aisciuda Ladina, te Oratorie de Poza da les 15:00 vegn endrezà la prejentazion del liber de cartolines »Ciantons« de Nicoletta Riz, dat fora da l’Union di Ladins de Fascia. Sarà musega e n picol marindel.
05.05.
Raida sun Sela
En domenia ai 5 de mé, tel chèder de la scomenzadives de l’Aisciuda Ladina, l’Union di Ladins de Fascia endreza na raida sun jouf de Sela. Se se troa da les 9:30 sun Pian de Frataces. Chi che vel pel jir su col auto, se se troa sun Sela da les 11:00. L é da se tor do zeche da magnèr per fèr prozait. Per info 0462 764545.
07.05.
Ujes averc a la coa de Soraga
La Coa per i fantolins de Soraga averc si ujes a duc i genitores e a la comunanza per fèr cognoscer l servije, i lesc, la educatores e la ativitèdes, en mèrtesc ai 7 de mé da les 15:30 a les 17:30. Info al numer de telefon 0462 836231.
10.05.
San Martin: udiënza dla defensuria popolara
La defensuria popolara o süa sostituta tëgn udiënza a San Martin de Tor, tl salf di stödafüch, en vëndres ai 10 de ma dales 14:00 ales 17:00. Por prenotaziuns cherdé sö le 0471 946020. Les proscimes udiënzes de chësc ann a San Martin é spo ai 12 de messé, 13 de setëmber y 8 de novëmber.
Mostres y Ert
Atualmënter
Nosc uciei – na imerscion artistica tla natura
Tl Tublà da Nives iel metù ora na mostra dla Lia Uciei Gherdëina per mparé a cunëscer i uciei de nosc raions, che n puderà vijité nchin ai 1. de mei, uni di ora dl lunesc dala 16.00 ala 19.00. Ai 1 de mei uniral metù a jì na jita ornitologica per jì a ti cialé ai uciei che viv te nosc raion.
Atualmënter
Mostra »L troi« (Der Weg) de Helmuth Prinoth
La mostra dl artista de Urtijëi Helmuth Prinoth dal titul »Der Weg«–n ucajion dla esposizions »Kunst im Gang[e]«, sarà da udëi nchin ai 17 de mei, for dal lunesc nchin al vënderdi dala 08:00–12:00 y de juebia nce domesdi, 16:00–18:30.
Atualmënter
Mostra: »Zement tl ciorvel y d’atres stories«
Mostra de Fabian Feichter d’Al Plan, en colaboraziun cun Youlee Ku, tla StadtGalerie da Porsenú (Große Lauben nr. 5). Ara é da odëi cina ai 8 de jügn, dal mertesc al vëndres dales 16:00 ales 19:00, la sabeda dales 10:00 ales 13:00; tratan le Water Light Festival dai 24.04. ai 12.05. ésera ince daverta vigni de dales 21:00 ales 23:00.
Sport
Atulmënter
Alenamënc de sauté
Es’a pensà de scumencé a sauté? Ues’a fé pea na mesa maratona, na maratona o d’autra garejedes de sauté y ne ses nia co te anjenië ca? L ASV Gherdëina Runners pieta alenamënc propi de chësc viers: vie a fé pert dla grupa y a te alené uni merdi dala 19:15 sun l ciamp dal sport Mulin da Coi a S. Cristina.
Sozial
Atualmenter
Scontrèdes de confront su la sozietà che muda
L Servije Sozio-assistenzièl del CGF met dant amò doi scontrèdes de confront »Per na sozietà che muda«: en jebia ai 16 de mé da les 20:30 te sala grana del Comun General rejona l dotor Salvatore Massaro e la dotora Margherita Oss Emer e en mercol ai 22 de mé l é la dotora Federica Scarian.
Atualmënter
Picolin: portina por l’assistënza y cura
La Portina por l’assistënza y cura é daverta trëi iadi al’edema: le lönesc dales 14:00 ales 16:00, le mercui y la jöbia dales 10:00 ales 12:00. Tel. 0474 586123 tratan chisc orars. La Portina é tl Raiun soziosanitar a Picolin, tl’alzada a tera sön la man ciampa. Chiló vëgnel dé informaziuns y sostëgn por les chestiuns che reverda le guern y l’assistënza.
Atualmënter
»Club Boé«
Le grup de autoaiüt »Club Boé« por problems de alcol o d’atres dependënzes s’incunta vigni mertesc dales 20:00, tla Ciasa di Stüdafüch a La Ila altaite. Les porsones de referimënt é Hubert (tel. 339 1698343) y Methilde (tel. 335 6977604).
Atualmënter
Bancarela dl mangé a Badia
La bancarela dl mangé é daverta vigni secunda jöbia, dales 9:30 ales 10:30. I proscims termins é ai 9 y ai 23 de ma. Al vëgn dé fora da mangé a dötes les porsones dla Val Badia che á debojëgn.
Atualmënter
Ciamena dal guant a La Ila
La Ciamena dal guant »Neores« a La Ila é daverta vigni vëndres dales 14:00 ales 15:30. An pó dé jö guant y cialzá nia roviná y nëc por mituns da 0 a 14 agn, sciöche ince tasces da scora, elms da jí cun la roda, panolins. An pó spo se tó ci che an adora, por na spënora de 1,00€ por vigni toch – che vá a fin de bëgn.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani de Gherdëina a se nuzé de chësc servisc che vën pità uni merdi dala 12:00 ti trëi luesc de Gherdëina (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 333 7877095 (Marisa), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).
Mujiga
29.04.
Mujiga dl corp
La lia Gaia nvieia a chësta manifestazion de mujiga ai 29 de auril dala 20:00 tl self dla Cassa Raiffeisen de S. Cristina. L se trata de n workshop per sentì usc, muvimënt, sonn y ritm, cun i referënc Eveline Jess y Andreas Delago, che va inant de ndut 4 iedesc (29.4.; 13.5.; 27.5.; 10.6.). N possa se nuté su nchin ai 22 de auril pra la lia Gaia, tres la plata www.pro-gaia.net.