La Usc di Ladins

Le Comun de Badia á tut la dezijiun de salvé le mosaich de Lois Irsara da Badia sön le mür dl ex-frabicat dla scolina da La Ila, sëgn en demoliziun. Chësc á la Junta comunala dl Comun de Badia delibré cun usc a öna ai 3 d’aurí anunzian le conferimënt dl’inciaria direta ala dita Pescoller Laboratori Srl da Bornech, che spostará l’opera d’ert dal mür dl frabicat dla scolina La Ila en demoliziun y le cunciará sö danü sön la strotöra nöia. Le mosaich rapresentëia n estrat dala liënda dl Rëgn de Fanes y é sciöche opera d’ert »n’opera de valur por le Comun«. Insciö á le Comun motivé chësc investimënt, cun la finalité de mantigní impede trá jö y sciuré. Le cost di laurs amuntará a na soma incër i 12.650,00 euro. Na soma gnanca tan alta, conscidran la valüta culturala dl’opera de un di artisć ladins plü significatifs, da aprijé danü ince ciamó sëgn tl monn dl’ert tres na mostra de sü laurs a Aunejia tla spana de tëmp dla Bienala d’Ert 2024.

Liede deplü noeles en cört tla ediziun nöia de vëndres 26 d'aurí!