N cont dla funzions y dl daunì dla Lia di Chemuns Ladins ulëssi lecurdé che tla lege statela nr.482 dl 1999 »Normes de scunanza dla mendranzes linguistiches storiches« vëniel udù danora al terzo coma dl articul 3 : »Canche la mendranzes linguistiches […] ie spartides su te raions provinziei o regiunei desferënc, pòsseles mëter su urganisms de cuurdinamënt y de pruposta, che i ënc locai nteressei possa recunëscer.«
Cuurdineé ne se lascëssa nia meé aspec coche la scunanza ambientela, l transiamënt, l turism y n.i., ma nce y dantaldut la prumozion dl ladin, i servijes culturei y soziei, l renfurzamënt dla pruspetives de bënsté’ per nosta populazion, la politiches per la cësa y per l lëur etc. etc..
L fossa nce mesun, te chësta maniera, arjonjer na representanza unitera di Ladins dla Dolomites permez ala provinzies y ala regions nteressedes. Ma per pudëi fé chësc var, vàla de tré ite tla dezijions duta la forzes vives, la unions y la istituzions te nosta valedes. (Roland Verra, Urtijëi)
N urganism de cuurdinamënt y pruposta
Galaria retrac
View the embedded image gallery online at:
https://www.lausc.it/letres/26881-n-urganism-de-cuurdinament-y-pruposta#sigProId3218ea3ebe
https://www.lausc.it/letres/26881-n-urganism-de-cuurdinament-y-pruposta#sigProId3218ea3ebe