La Usc di Ladins

L’ultim iade ésera stada dl 2019, spo él gnü le Covid y inverns cun pücia nëi. En chësc ann dessera indô garaté. I baiun dla Roda de Col Toronn, che röia a süa 33ejima ediziun. L’Aiüt Alpin Mareo inviëia en domënia ai 14 d’aurí tla munt de Fanes, por tó pert ala gara por scuadres da trëi porsones. An pëia ia dales 9:30 pro la Ücia Lavarella y al sará da despassé n percurs de 8 km, cun n deslivel de 450 metri y travert tla medema ütia. En chësc ann él trëi categories. "Race" cun scuadres de ëi, ëres y moscedades, la categoria "hobby" olache al ne vëgn nia tut jö le tëmp y la categoria "Aiüt Alpin" olache al sará söl percurs ince proes tecniches L’iscriziun anter i 7 d’aurí costa 60,00€ por scuadra (dedô él 75,00€). Informaziuns plü menüdes y iscriziuns al numer 348 0842567 o ala mail rodadecoltoronn@gmail.com