»Augures a duta la femenes«, ma perché pa? Ai 8 de mèrz l é la ‘Festa de la Eles’. Chest dì, più che per fèr festa l ne serf per recordèr la femenes, che che les à fat e che les fèsc amò anchecondì e che che les à padì soraldut tel passà.
En mèrtesc ai 6 de mèrz i studenc del bienie de la Scola auta e la classes terzes de la mesènes de Poza i à tout pèrt a na scontrèda olache se à rejonà de la femena de enlouta e de ades. A ne contèr de la eles, l é vegnù cater ghesć: Assunta Merli, Nicola Eccel, Sara Desilvestro e Nicoletta Riz. Duc i ne à contà, a sia vida, coche vivea la femenes enlouta e coche les vif aldidanché. Assunta ne à contà de coche l era viver te na familia con muie de bec, de che che les fajea la femenes via per la dì.
Anterite la testimoniazes, l é stat ciantà ence cianzons che rejona de femenes da trei studenc de la scola auta: Mick Vannucci a la chitara e Giada Martinelli e Valentina Delmarco desche ciantarines.
Aon abù l’ocajion de pissèr su a che che fajea e fèsc la femenes duc i dis e amò apede de fèr na reflescion su noscia possibilitèdes.
De più su La Usc stampèda de en vender ai 22 de mèrz. (Anna Chiara Bernard)
Scomenzon da joegn a valorisèr la femenes
En ocajion di 8 de mèrz i studenc à podù entener miec che che fajea e fèsc la eles n’outa e anchecondì.
Galaria retrac
View the embedded image gallery online at:
https://www.lausc.it/spezial/26781-scomenzon-da-joegn-a-valoriser-la-femenes#sigProId1b24e2af6a
https://www.lausc.it/spezial/26781-scomenzon-da-joegn-a-valoriser-la-femenes#sigProId1b24e2af6a