La Usc di Ladins

Bondì Gaia, vosto te prejentà?
Son Gaia Lacedelli de Mente, ei 29 ane e śa doi ane m’ei tramu­dà a Tenerife, una de ra isola Canaries. Ei studià astrofijica in Italia par 8 anes, pò son vienuda cà e ei scomenzà a lourà inze el mondo de ra divulgazion scienti­fica. Da un mes laoro al Istituto de Astrofijica de ra Canaries. M’ei diplomà de clarin al conser­va­torio ma, par intanto, ra musica r’ei lasciada nafré da na banda.

Parcé a Tenerife e ce asto fato inze chiste doi anes?
Dapò de el dotorato aee bisoin de ‘na pousa dal mondo acade­mico, coscì, con un programa Erasmus, ei podù vienì cà e lourà aduna con ‘na pizora azienda de turismo sostienibel. Ei baratà chel che sei de astronomia con chel che l é da saé par bete a śì, mangare in Anpezo, un projeto coscì e son śuda inaante a me cruzià de ra ativitas soralduto astronomiches de chesta azienda par un an e meśo. In Anpezo no n’ei fato moe ancora nuia, ma… ci sà! Intanto ei lourà anche inze el Muśeo de ra scienza de Tenerife e ei pasà l esame de guida de turismo a ra Canaries. (Margherita Menardi Diornista par l Istitut Ladin Cesa de Jan)

De plu tla edizion stampeda de La Usc di Ladins o sun l e-paper a paiament www.lausc.it/e-paper